മലയാള സിനിമയിലെ വനിതാസംഘടനയായ ഡബ്ള്യു സി സിയിലെ പൊട്ടിത്തെറിയെ കുറിച്ചുള്ള ചർച്ചകൾ ഇപ്പോൾ സോഷ്യൽ മീഡിയയിൽ ചൂട് പിടിച്ചു നിൽക്കുകയാണ്. കുറേ മുൻപ് തന്നെ വനിതാ സംഘടനയിൽ പ്രശ്നങ്ങൾ പുകഞ്ഞു തുടങ്ങിയിരുന്നു. സംഘടന തുടങ്ങിയപ്പോഴത്തെ പ്രമുഖ അംഗമായ നടി മഞ്ജു വാര്യർ സംഘടനയുടെ പ്രവർത്തനങ്ങളിൽ നിന്ന് മാറി നിന്നപ്പോഴേ അത് വ്യക്തമായിരുന്നു. കുറച്ചു ദിവസം മുൻപ് സംവിധായിക വിധു വിൻസെന്റ് ഡബ്ള്യു സി സി യിൽ നിന്ന് രാജി വെക്കുകയും ശേഷം തന്റെ രാജിക്കുള്ള കാരണമെന്തെന്ന് വിശദീകരിക്കുന്ന രാജിക്കത്ത് പുറത്ത് വിടുകയും ചെയ്തു. അതിൽ ഡബ്ള്യു സി സി നേതൃത്വത്തിനെതിരെ ശക്തമായ വിമർശനം വിധു വിൻസെന്റ് ഉന്നയിച്ചിരുന്നു. പിന്നീട് വസ്ത്രാലങ്കാരകയായ സ്റ്റെഫി സേവ്യർ വനിതാ സംഘടനയുടെ പൊള്ളയായ രീതികൾ തുറന്നു കാണിച്ചു കൊണ്ട് പുറത്ത് വന്നു.
അതിനു പിന്തുണയുമായി നടി ഐശ്വര്യ ലക്ഷ്മിയും മറ്റുമെത്തുകയും വനിതാ സംഘടനയിലെ അംഗങ്ങളുടെ പ്രവർത്തിക്കെതിരെ പ്രതികരിച്ചു കൊണ്ട് നടൻ ഹരീഷ് പേരാടിയടക്കമുള്ള സിനിമാ പ്രവർത്തകർ രംഗത്ത് വരികയും ചെയ്തതോടെ പ്രശ്നം രൂക്ഷമായി. പാർവ്വതി, റിമ, ദീദി ദാമോദരൻ, ഗീതു മോഹൻദാസ് എന്നിവരടങ്ങുന്ന നേതൃ നിരക്കെതിരെയാണ് വലിയ വിമർശനം വന്നത്. ഇപ്പോഴിതാ അതിന് മറുപടിയുമായി എത്തിയിരിക്കുകയാണ് പാർവതി തിരുവോത്ത്. ഫ്രഞ്ച് സാഹിത്യകാരൻ ആൽബർട്ട് കമ്യൂസിന്റെ വരികൾ ഉദ്ധരിച്ചു താനിട്ട ഫേസ്ബുക്ക് പോസ്റ്റിന് ലഭിച്ച കമന്റുകൾക്ക് നൽകിയ മറുപടിയിലൂടെയാണ് പാർവ്വതി പ്രതികരിച്ചത്. അപവാദ പ്രചാരണങ്ങളിൽ വിശ്വസിക്കരുതെന്നും ആരോപണങ്ങൾ പുരുഷന്മാരുടെ കുടില തന്ത്രമാണെന്നും പാർവതി പറയുന്നു. സംഘടനക്കൊപ്പം തന്നെയാണ് താനെന്നും അവർ കൂട്ടിച്ചേർത്തു. ഇപ്പോൾ പരസ്യ ചർച്ചയ്ക്കോ, ചെളിവാരിയെറിയലിനോ ഇല്ലെന്നും ശരിയായ രീതിയിൽ തന്നെയാണ് സംഘടന പ്രവർത്തിക്കുന്നതെന്നും പാർവതി വ്യക്തമാക്കി.
മലയാളത്തിന്റെ യുവസൂപ്പർതാരം ദുൽഖർ സൽമാൻ നായകനായി എത്തുന്ന ഏറ്റവും പുതിയ ചിത്രമായ ലക്കി ഭാസ്കർ ഒക്ടോബർ മുപ്പത്തിയൊന്നിന് ആഗോള റിലീസായി…
ഇന്റർനെറ്റ് മൂവി ഡാറ്റ ബേസ് എന്ന ലോകത്തെ ഏറ്റവും വലിയ മൂവി ഡാറ്റ ബേസ് ഇന്ത്യന് സിനിമയില് ഏറ്റവും മികച്ച…
വ്യത്യസ്ത രൂപത്തിലും ഭാവത്തിലുമുള്ള കഥാപാത്രങ്ങൾ കൊണ്ട് ഇപ്പോൾ തന്റെ കരിയറിലെ ഒരു ഗംഭീരമായ ഘട്ടത്തിലൂടെ കടന്നു പോവുകയാണ് നടൻ ജഗദീഷ്.…
യുവതാരം ആന്റണി വര്ഗീസ് പെപ്പെ നായകനായി എത്തുന്ന ഏറ്റവും പുതിയ ചിത്രം ദാവീദിന്റെ ഫസ്റ്റ് ലുക്ക് പുറത്ത്. ആന്റണി വർഗീസിന്റെ…
ദേശീയ പുരസ്കാരം നേടിയ ആവാസവ്യൂഹം, ശേഷം വന്ന പുരുഷ പ്രേതം എന്നീ ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ…
പ്രേക്ഷകപ്രശംസയും നിരൂപക പ്രശംസയും ഒരുപോലെ ഏറ്റുവാങ്ങികൊണ്ടിരിക്കുന്ന ഷാനവാസ് കെ ബാവക്കുട്ടി ചിത്രം ഒരു കട്ടിൽ ഒരു മുറി സ്ത്രീകൾക്കായി പ്രത്യേക…
This website uses cookies.