വെള്ളിത്തിരയിൽ നിറഞ്ഞു നിൽക്കുന്ന സൂപ്പർ താരങ്ങൾക്ക് ഇന്ത്യൻ സിനിമയിൽ കടുത്ത ആരാധകരുടെ ഒരു വലിയ വൃന്ദം തന്നെയുണ്ട്. തങ്ങളുടെ താരത്തോടുള്ള ആരാധന അവരിൽ പലർക്കും ജീവിതത്തിന്റെ ഭാഗം തന്നെയാണ്. ആ ആരാധന കൊണ്ട് ഒട്ടേറെ നല്ല കാര്യങ്ങൾ സമൂഹത്തിനു ഫാൻസ് അസോസിയേഷൻ വഴി ചെയ്യുന്ന ആരാധകരും ഒരുപാടുണ്ട്. എന്നാൽ ചിലപ്പോഴെങ്കിലും അവരിൽ ചിലരുടെ ആരാധന അതിരു വിടുകയും അത് മറ്റു താരങ്ങളുടെ ആരാധകരുമായുള്ള വഴക്കിലോ അല്ലെങ്കിൽ തങ്ങളുടെ താരത്തെ ഇകഴ്ത്തി പറയുന്നവരെ അപമാനിക്കുന്ന പ്രവർത്തികളിലോ ചെന്നെത്താറുണ്ട്. എല്ലാ സിനിമാ ഇന്ഡസ്ട്രികളിലും ഉള്ള സൂപ്പർ താരങ്ങളുടെ ആരാധകരിൽ നിന്നും ഇത്തരം പ്രവർത്തികൾ ഉണ്ടായിട്ടുമുണ്ട്, ഇപ്പോഴും അത് സംഭവിച്ചുക്കൊണ്ടിരിക്കുന്നുമുണ്ട്. ആ ഗണത്തിൽ പെടുത്താവുന്ന പുതിയ സംഭവം അരങ്ങേറിയത് തെലുങ്കിലെ സൂപ്പർ താരമായ ജൂനിയർ എൻ ടി ആറിന്റെ ആരാധകരിൽ നിന്നാണ്.
ജൂനിയർ എൻ ടി ആറിന്റെ ആരാധികയല്ല താനെന്നും പകരം തെലുങ്കിലെ മറ്റൊരു സൂപ്പർ താരമായ മഹേഷ് ബാബുവിന്റെ ആരാധികയാണ് താനെന്നും വ്യക്തമാക്കിയ ബോളിവുഡ് നടി മീര ചോപ്രക്ക് എതിരെയാണ് ജൂനിയർ എൻ ടി ആർ ആരാധകർ രംഗത്ത് വന്നത്. മീര ചോപ്രക്ക് എതിരെ സോഷ്യൽ മീഡിയയിൽ ആക്രമണമഴിച്ചു വിട്ട ജൂനിയർ എൻ ടി ആർ ആരാധകർ അവർക്കെതിരെ ബലാൽസംഗ ഭീഷണി വരെ മുഴക്കി എന്നാണ് നടി പരാതിപ്പെടുന്നത്. തനിക്കു ലഭിച്ച ചില സന്ദേശങ്ങൾ ട്വിറ്ററിലൂടെ പുറത്ത് വിട്ട നടി, ഈ ഫാൻസ് ആക്രമണത്തിലേക്ക് ജൂനിയർ എൻ ടി ആറിന്റെ ശ്രദ്ധ ക്ഷണിക്കുകയും ചെയ്തു. മീര ചോപ്രക്ക് പിന്തുണയുമായി പ്രശസ്ത തമിഴ് പിന്നണി ഗായികയും ഡബ്ബിങ് ആര്ടിസ്റ്റുമായ ചിന്മയിയും എത്തിയിട്ടുണ്ട്. തന്റെ മാതാപിതാക്കൾക്കു എതിരെ വരെ അവർ ഭീഷണി സന്ദേശങ്ങൾ അയച്ചുവെന്നും നിയമപരമായി തന്നെ ഇതിനെതിരെ മുന്നോട്ടു നീങ്ങുകയാണെന്നും മീര ചോപ്ര അറിയിച്ചു. ഇത്തരം ആരാധക വൃന്ദം ഉണ്ടെന്നതിൽ അഭിമാനം തോന്നുന്നുണ്ടോ എന്നാണ് മീര ജൂനിയർ എൻ ടി ആറിനോട് ചോദിക്കുന്നത്.
മലയാളത്തിന്റെ യുവസൂപ്പർതാരം ദുൽഖർ സൽമാൻ നായകനായി എത്തുന്ന ഏറ്റവും പുതിയ ചിത്രമായ ലക്കി ഭാസ്കർ ഒക്ടോബർ മുപ്പത്തിയൊന്നിന് ആഗോള റിലീസായി…
ഇന്റർനെറ്റ് മൂവി ഡാറ്റ ബേസ് എന്ന ലോകത്തെ ഏറ്റവും വലിയ മൂവി ഡാറ്റ ബേസ് ഇന്ത്യന് സിനിമയില് ഏറ്റവും മികച്ച…
വ്യത്യസ്ത രൂപത്തിലും ഭാവത്തിലുമുള്ള കഥാപാത്രങ്ങൾ കൊണ്ട് ഇപ്പോൾ തന്റെ കരിയറിലെ ഒരു ഗംഭീരമായ ഘട്ടത്തിലൂടെ കടന്നു പോവുകയാണ് നടൻ ജഗദീഷ്.…
യുവതാരം ആന്റണി വര്ഗീസ് പെപ്പെ നായകനായി എത്തുന്ന ഏറ്റവും പുതിയ ചിത്രം ദാവീദിന്റെ ഫസ്റ്റ് ലുക്ക് പുറത്ത്. ആന്റണി വർഗീസിന്റെ…
ദേശീയ പുരസ്കാരം നേടിയ ആവാസവ്യൂഹം, ശേഷം വന്ന പുരുഷ പ്രേതം എന്നീ ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ…
പ്രേക്ഷകപ്രശംസയും നിരൂപക പ്രശംസയും ഒരുപോലെ ഏറ്റുവാങ്ങികൊണ്ടിരിക്കുന്ന ഷാനവാസ് കെ ബാവക്കുട്ടി ചിത്രം ഒരു കട്ടിൽ ഒരു മുറി സ്ത്രീകൾക്കായി പ്രത്യേക…
This website uses cookies.