ഗ്ലാമർ വേഷത്തിൽ നടി ഇനിയയുടെ പുതിയ ഫോട്ടോഷൂട്ട്; ക്രിസ്മസ്- ന്യൂ ഇയർ സ്പെഷ്യൽ ചിത്രങ്ങൾ വൈറലാകുന്നു..!

ഒരുപിടി മലയാള ചിത്രങ്ങളിലെ മികച്ച പ്രകടനം കൊണ്ട് ഏറെ ശ്രദ്ധ നേടിയ മലയാള നടിയാണ് ഇനിയ. നായികയായും അല്ലാതെയും അഭിനയിച്ചിട്ടുള്ള ഈ നടി തന്റെ സൗന്ദര്യം കൊണ്ടും അഭിനയ മികവ് കൊണ്ടുമാണ് ആരാധകരെ നേടിയെടുത്തത്. ഇപ്പോഴിതാ ഇനിയയുടെ പുതിയ ഫോട്ടോഷൂട്ട് ചിത്രങ്ങളാണ് സോഷ്യൽ മീഡിയയുടെ ശ്രദ്ധ നേടുന്നത്. ഗ്ലാമർ വേഷത്തിലുള്ള ഇനിയയുടെ പുതിയ ചിത്രങ്ങൾ ക്രിസ്മസ്- ന്യൂ ഇയർ സ്പെഷ്യൽ ആയാണ് ഒരുക്കിയിരിക്കുന്നതെന്ന് വ്യക്തമാണ്. ഈ ചിത്രങ്ങളിൽ ഇനിയ അണിഞ്ഞിരിക്കുന്ന ചുവന്ന വേഷം ക്രിസ്മസ് പാപ്പായുടെ വേഷവുമായി സാദൃശ്യമുള്ള ഡിസൈൻ ആണ്. ഏതായാലും അതിമനോഹരിയായാണ് ഇനിയ ഈ പുതിയ ചിത്രങ്ങളിൽ കാണപ്പെടുന്നത്. ലോക്ക് ഡൌൺ സമയത്തു ഇനിയയുടെ കളരിയഭ്യാസവും വാർത്തകളിൽ നിറഞ്ഞിരുന്നു. ഇനിയ കളരിമുറകൾ ചെയ്യുന്ന ഒരു വീഡിയോ അന്ന് സോഷ്യൽ മീഡിയയിൽ വൈറൽ ആയിരുന്നു. കഴിഞ്ഞ അഞ്ചു വർഷമായി തിരുവനന്തപുരം അഗസ്ത്യം കളരി പഠന കേന്ദ്രത്തിൽ ആണ് ഈ നടി കളരി പഠിക്കുന്നത്.

പതിനാറു വർഷം മുന് റൈൻ റൈൻ കം എഗൈൻ എന്ന ചിത്രത്തിലൂടെ മലയാള സിനിമയിൽ അരങ്ങേറ്റം കുറിച്ച ഇനിയ പിന്നീട് ഒട്ടേറെ മലയാള ചിത്രങ്ങളിൽ വലുതും ചെറുതുമായ റോളുകൾ ചെയ്തു ശ്രദ്ധ നേടി. മലയാളത്തിന് പുറമെ തമിഴ്, കന്നഡ, തെലുങ്കു ചിത്രങ്ങളിലും ഇനിയ അഭിനയിച്ചു. ഇതിനു പുറമെ ടെലിവിഷൻ പരിപാടികളുടെയും സീരിയലുകളുടെയും ഭാഗമായി എത്തി മിനി സ്ക്രീൻ പ്രേക്ഷകർക്കും ഏറെ പരിചിതയായ നടിയാണ് ഇനിയ. മാമാങ്കം എന്ന ചിത്രത്തിലാണ് ഇനിയ മലയാളത്തിൽ അവസാനമായി പ്രത്യക്ഷപ്പെട്ടത്. അതിനു ശേഷം ദ്രോണ എന്ന കന്നഡ ചിത്രത്തിലും എത്തിയ ഇനിയ ഇപ്പോൾ അഭിനയിച്ചു കൊണ്ടിരിക്കുന്നത് കളേഴ്സ്, കോഫി എന്നീ രണ്ടു തമിഴ് ചിത്രങ്ങളിൽ ആണ്.