എന്റെ ശരീരത്തിന് വിലയിടാൻ വരരുത്; തുറന്നടിച്ചു കക്ഷി അമ്മിണിപ്പിള്ള ചിത്രത്തിലെ നായിക..!

കക്ഷി അമ്മിണിപ്പിള്ള എന്ന ആസിഫ് അലി ചിത്രത്തിലെ നായികാ വേഷം ചെയ്തു കൊണ്ട് അരങ്ങേറ്റം കുറിച്ച നടിയാണ് ഫറ ഷിബ്‌ല. ആ ചിത്രത്തിൽ ശരീര ഭാരം വളരെ കൂടിയ ഒരു കഥാപാത്രമായാണ് ഈ നടി അഭിനയിച്ചത്. അതിനു ശേഷം വലിയ രീതിയിൽ ഫിസിക്കൽ മേക് ഓവർ നടത്തിയ ഈ നടിയുടെ ചിത്രങ്ങളും സോഷ്യൽ മീഡിയയിൽ വൈറലായി മാറിയിരുന്നു. ഇപ്പോഴിതാ സ്വന്തം ശരീരത്തെ സ്നേഹിക്കുന്നതിന്റെ ആവശ്യകതയെ ഉദ്ബോധിപ്പിച്ചു കൊണ്ട് പുതിയ മേക്കോവർ ചിത്രം പങ്കു വെച്ചിരിക്കുകയാണ് ഫറ ഷിബ്‌ല. കഥാപാത്രങ്ങൾക്ക് വേണ്ടി നിരവധി തവണ ശരീരഭാരം കൂട്ടുകയും കുറയ്ക്കുകയും ചെയ്തിട്ടുള്ള ഈ നടിക് ശരീര ഭാരത്തിന്റെ പേരിൽ സോഷ്യൽ മീഡിയയിൽ നിന്ന് വളരെ വലിയ പരിഹാസങ്ങളും ട്രോളുകളും നേരിടേണ്ടി വരികയും ചെയ്തിട്ടുണ്ട്. ഇപ്പോൾ എഴുത്തുകാരി സോഫി ലൂയിസിന്റെ വാക്കുകൾ ഉദ്ധരിച്ചുകൊണ്ട് ആണ് തന്റെ പുതിയ ചിത്രം ഫറ പങ്കു വെച്ചിരിക്കുന്നത്. ആ ചിത്രമാവട്ടെ സോഷ്യൽ മീഡിയയിൽ വൈറലായിക്കഴിഞ്ഞു.

എന്റെ ശരീരം നിങ്ങൾക്ക് വിമർശിക്കാനും ചർച്ച ചെയ്യാനുമുള്ളതല്ല. എന്റെ ശരീരം നിങ്ങളുടെ ഉപഭോഗത്തിനുള്ള വസ്തുവല്ല. എന്റെ ശരീരമാണ് എന്റെ ആയുധം. എന്റെ അനുഭവങ്ങളുടെ ശേഖരമാണത്. എന്റെ ശരീരം പൊരുതിയ യുദ്ധങ്ങൾ എനിക്ക് മാത്രം മനസിലാകുന്നതാണ്, നിങ്ങളുടെ കണ്ണുകൾക്ക് അത് മനസിലാക്കണമെന്നില്ല. എന്റെ ശരീരത്തിന് വിലയിടാൻ വരരുത് അത് എനിക്ക് വിട്ടേക്കുക. എന്ന സോഫിയ ലൂയിസിന്റെ വാക്കുകൾ ആണ് തന്റെ ചിത്രം പങ്കു വെച്ചുകൊണ്ട് ഫറ കുറിച്ചിരിക്കുന്നത്. ബ്രിമ്മിങ് ഫറ എന്ന തലക്കെട്ടോടെ മഞ്ഞനിറത്തിലുള്ള സ്വിം സ്യൂട്ടിലാണ് ഇത്തവണ ഷിബില പ്രത്യക്ഷപ്പെട്ടിരിക്കുന്നത്. നിരന്തരമായ യോഗ പരിശീലനത്തിലൂടെയും ജിം വര്‍ക്കൗട്ടിലൂടെയാണ് ഫറ തുടർച്ചയായി ശരീര ഭാരം കൂട്ടുകയും കുറക്കുകയും ചെയ്തിട്ടുള്ളത്. നേരത്തെ 85 കിലോയിൽ നിന്നും 65 കിലോയിലേക്ക് ശരീരഭാരം കുറച്ചും തിരികെ കൂട്ടിയും ഈ നടി ശ്രദ്ധ നേടിയിരുന്നു.

ഫോട്ടോ കടപ്പാട്: Sarin Ramdas