ഹേറ്റെർസ് ഒന്ന് സമാധാനപ്പെടൂ, ഇനിയും വരാനുണ്ട്; വിമർശകരോട് ദുർഗ കൃഷ്ണ

ചുരുങ്ങിയ കാലങ്ങൾകൊണ്ട് മലയാള സിനിമയിൽ ശ്രദ്ധേയമായ താരമാണ് ദുർഗ കൃഷ്ണ. അടുത്തിടെ പുറത്തിറങ്ങിയ താരത്തിന്റെ ഫോട്ടോഷൂട്ടാണ് സമൂഹ മാധ്യമങ്ങളിൽ ഇപ്പോൾ തരംഗം സൃഷ്ട്ടിക്കുന്നത്. നാടൻ വേഷങ്ങളിൽ കൂടുതലായി പ്രത്യക്ഷപ്പെടുന്ന ദുർഗ ഇപ്പോൾ അതീവ ഗ്ലാമറസായാണ് മുന്നൊട്ട് വന്നിരിക്കുന്നത്. ദി ബോസ് ബിച്ച് എന്നാണ് ഫോട്ടോഷൂട്ടിന് പേരിട്ടിരിക്കുന്നത്. വളരെ വ്യത്യസ്തമായ തീമിൽ ഫോട്ടോഷൂട്ട് ഒരുക്കിയിരിക്കുന്നത് ജിക്സനാണ്. ഫോട്ടോഷൂട്ടിലെ ഓരോ ചിത്രങ്ങളും ദുർഗ ഇൻസ്റ്റാഗ്രാമിൽ പോസ്റ്റ് ചെയ്യുന്നുണ്ട്.

ഫോട്ടോഷൂട്ടിലെ ഒരു ചിത്രത്തിന് താരം നൽകിയിട്ടുള്ള ക്യാപ്‌ഷനാണ് ഇപ്പോൾ ഏറെ ശ്രദ്ധ നേടി കൊണ്ടിരിക്കുന്നത്. ഹേറ്റ്ർസ് ഒന്ന് സമാധാനപ്പെടുക, ഇനിയും ധാരാളം ചിത്രങ്ങൾ വരാനുണ്ട് എന്നാണ് ദുർഗ കുറിച്ചിരിക്കുന്നത്. ദുർഗയുടെ ഫോട്ടോഷൂട്ടിലെ പുതിയ ചിത്രങ്ങൾ പുറത്തിറങ്ങുവാൻ ആരാധകർ കാത്തിരിക്കുകയാണ്. വിമാനം എന്ന പൃഥ്വിരാജ് ചിത്രത്തിലൂടെയാണ് ദുർഗ മലയാള സിനിമയിലേക്ക് വരുന്നത്. പ്രേതം 2, ലവ് ആക്ഷൻ ഡ്രാമ തുടങ്ങിയ ചിത്രങ്ങളിൽ താരം ശ്രദ്ധേയമായ വേഷങ്ങൾ കൈകാര്യം ചെയ്തിരുന്നു. മോഹൻലാൽ- ജീത്തു ജോസഫ് കൂട്ടുകെട്ടിൽ ഒരുങ്ങുന്ന റാം എന്ന ചിത്രത്തിളും ദുർഗ കൃഷ്ണ അഭിനയിക്കുന്നുണ്ട്.