പ്രശസ്ത ചലച്ചിത്ര നടി ഭാമ വിവാഹിതയായി

പ്രശസ്ത മലയാള ചലച്ചിത്ര നടി ഭാമയുടെ വിവാഹം ഇന്ന് നടന്നു. ഇന്ന് രാവിലെ ഒമ്പതിനും ഒൻപതു മുപ്പതിനും ഇടക്കുള്ള ശുഭ മുഹൂർത്തത്തിലാണ് ഭാമ വിവാഹിതയായത്. അരുൺ എന്നാണ് ഭാമയുടെ ഭർത്താവിന്റെ പേര്. കോട്ടയം, കോടിമാതയിലുള്ള ദി വിൻഡ്സർ കാസിൽ കൺവെൻഷൻ സെന്ററിൽ വെച്ചായിരുന്നു വിവാഹ ചടങ്ങു നടന്നത്. വിവാഹ ചടങ്ങിന്റെ ചിത്രങ്ങൾ ഇപ്പോൾ സോഷ്യൽ മീഡിയയുടെ ശ്രദ്ധ നേടുന്നുണ്ട്. അടുത്ത ബന്ധുക്കളും സുഹൃത്തുകളും പങ്കെടുത്ത ചടങ്ങിൽ സിനിമ രംഗത്ത് നിന്നുള്ള ഭാമയുടെ സുഹൃത്തുക്കളും എത്തിച്ചേർന്നിരുന്നു. ചെന്നിത്തല സ്വദേശികളായ ജഗദീശന്റെയും ജയശ്രീയുടെയും മകനായ അരുൺ ജഗദീഷ് ഇപ്പോൾ കൊച്ചിയിൽ ആണ് താമസിക്കുന്നതു എങ്കിലും വളർന്നത് കാനഡയിലാണ്.

ഇപ്പോൾ ദുബായിൽ ബിസിനസ്സ് ചെയ്യുകയാണ് അരുൺ ജഗദീഷ്. ഭാമയുടെ കുടുംബ സുഹൃത്തുക്കൾ കൂടിയായ അരുണിന്റെ ഫാമിലി വഴിയാണ് ഈ ബന്ധം ഉറച്ചതു. ലോഹിതദാസ് സംവിധാനം ചെയ്ത നിവേദ്യം എന്ന ചിത്രത്തിലൂടെ മലയാള സിനിമയിലരങ്ങേറ്റം കുറിച്ച ഭാമയുടെ യഥാർത്ഥ പേര് രേഖിത എന്നാണ്. സിനിമയ്ക്കു വേണ്ടിയാണു പേര് ഭാമ എന്ന് മാറ്റിയത്. ഏകദേശം അൻപതിൽ അധികം സിനിമയിലഭിനയിച്ചിട്ടുള്ള ഭാമ മലയാളത്തിന് പുറമെ കന്നഡ, തമിഴ് സിനിമകളുടേയും ഭാഗമായിട്ടുണ്ട്. മറുപടി എന്ന മലയാള ചിത്രമാണ് ഭാമയഭിനയിച്ചു പുറത്തു വന്ന അവസാന ചിത്രം. ഒട്ടേറെ ഹിറ്റ് ചിത്രങ്ങളുടെ ഭാഗമായി മാറിയിട്ടുള്ള ഈ നടി അഭിനയ മികവ് കൊണ്ടും സൗന്ദര്യ തികവ് കൊണ്ടും ഏറെയാരാധകരെ നേടിയെടുത്തിട്ടുണ്ട്. ഈ മാസം മൂന്നാം വാരത്തിലായിരുന്നു ഭാമയുടെ വിവാഹ നിശ്ചയം നടന്നത്. അതിനു ശേഷം വരനൊപ്പം ഭാമ പങ്കു വെച്ച ചിത്രങ്ങൾ ഈ ശ്രദ്ധ നേടിയിരുന്നു.