ഇന്ന് തമിഴ് സിനിമയിലെ മുൻനിര നായികമാരിലൊരാളാണ് ഐശ്വര്യ രാജേഷ്. അഭിനയത്തികവ് കൊണ്ടും സൗന്ദര്യം കൊണ്ടുമെല്ലാം പ്രേക്ഷകരുടെ മനസ്സിലിടം നേടിയ ഈ കലാകാരി ഏറെ കയ്യടി നേടുന്നത് വ്യത്യസ്ത ധ്രുവങ്ങളിൽ നിൽക്കുന്ന കഥാപാത്രങ്ങൾക്ക് ജീവൻ നൽകിക്കൊണ്ടാണ്. ഗ്ലാമറിന് പുറകെ പോകാതെ അഭിനയ പ്രാധാന്യമുള്ള കഥാപാത്രങ്ങൾക്ക് പുറകെ സഞ്ചരിക്കുന്ന ഈ നടി ഇപ്പോഴിതാ തന്റെ ജീവിതത്തെക്കുറിച്ചു മനസ്സ് തുറക്കുകയാണ്. ടെഡ് ടോക്സ് എന്ന പരിപാടിയിലാണ് ഐശ്വര്യ രാജേഷ് താനെങ്ങനെ ഇവിടെയെത്തി എന്നതിനെക്കുറിച്ചു വിശദീകരിക്കുന്നത്. ചെന്നൈയിലെ ഒരു ചേരിയിൽ ജനിച്ച ഐശ്വര്യയ്ക്ക് ചെറുപ്പത്തിൽ തന്നെ അച്ഛനെയും രണ്ടു മുതിർന്ന സഹോദരന്മാരെയും നഷ്ട്ടപെട്ടു. അതിനു ശേഷം തന്റെ അമ്മക്ക് വേണ്ടിയാണു താൻ ജീവിച്ചതുമെന്നും അമ്മക്ക് വേണ്ടിയാണു താൻ നടിയായതെന്നും ഐശ്വര്യ പറയുന്നു. അച്ഛനില്ലാതെ തന്നെയും സഹോദരങ്ങളെയും വളർത്തിയ അമ്മ ഒരു പോരാളി ആണെന്നും അമ്മയുടെ പരിശ്രമമാണ് ഇന്ന് തന്നെ ഇവിടെയെത്തിച്ചതെന്നും ഐശ്വര്യ വിശദീകരിക്കുന്നു.
എൽ ഐ സി ഏജന്റ് ആയും റിയൽ എസ്റ്റേറ്റ് മേഖലയിലും ജോലി ചെയ്ത തന്റെ അമ്മ, ബോംബയിൽ പോയി വില കുറഞ്ഞ സാരികൾ ചെന്നൈയിൽ കൊണ്ട് വന്നു വിൽക്കുന്ന ജോലിയും ചെയ്തിട്ടുണ്ട് എന്നും, ഒരുപാട് കഷ്ട്ടപെട്ടായാലും മക്കൾക്ക് അമ്മ ഉന്നത വിദ്യാഭ്യാസം തന്നെ നൽകിയെന്നും ഐശ്വര്യ പറയുന്നു. മൂത്ത രണ്ടു സഹോദരന്മാർ മരിച്ചതോടെ തളർന്നു പോയ അമ്മക്ക് സഹായമായാണ് ജീവിതത്തിൽ താൻ ആദ്യമായി ഒരു ജോലിക്കു പോയതെന്ന് ഐശ്വര്യ പറഞ്ഞു. ചെന്നൈ ബസന്ത് നഗറില് ഒരു സൂപ്പര്മാര്ക്കറ്റിനു മുന്നില് നിന്നുകൊണ്ട് കാഡ്ബറീസ് ചോക്ലേറ്റ് സോസിന്റെ പ്രൊമോഷന് ചെയ്യുകയായിരുന്നു ഐശ്വര്യയുടെ ആദ്യ ജോലി. പിന്നീട് ബര്ത്ത്ഡേ പാര്ട്ടികളില് ആങ്കറായി ചെന്ന് പണമുണ്ടാക്കിയ ഐശ്വര്യ, അതിനു ശേഷമാണു അഭിനയത്തിലേക്ക് വന്നത്. എന്നാൽ സിനിമാ മേഖലയിൽ ലൈംഗിക ചൂഷണം മാത്രമല്ല, നിറത്തിന്റെ പേരിലും താൻ പരിഹസിക്കപ്പെട്ടു എന്ന് ഐശ്വര്യ തുറന്നു പറയുന്നു. അവര്കളും ഇവര്കളും എന്ന ചിത്രത്തിലൂടെ സിനിമയിൽ എത്തിയ ഐശ്വര്യയുടെ കരിയർ മാറ്റിമറിച്ചത് കാക്കമുട്ടൈ എന്ന ചിത്രത്തിലെ വേഷവും അതിലെ പ്രകടനവുമാണ്. അതിനു ശേഷം ഈ നടിക്ക് തിരിഞ്ഞു നോക്കേണ്ടി വന്നിട്ടില്ല. ഇന്ന് തമിഴിൽ സ്വന്തമായ ഒരു സ്ഥാനം ഐശ്വര്യ നേടിയെടുത്തു കഴിഞ്ഞു. പലരും ലൈംഗികമായി ചൂഷണം ചെയ്യാൻ ശ്രമിച്ചിട്ടുണ്ടെന്നും എന്നാൽ അതിനെയൊക്കെ മറികടക്കാൻ തനിക്കറിയാമെന്നും ഐശ്വര്യ പറയുന്നു.
സൂപ്പർനായികയെപ്പോലെ വസ്ത്രം ധരിക്കാൻ അറിയില്ലെന്ന പേരിലും, തമിഴ് സംസാരിക്കുന്ന പെൺകുട്ടി എന്ന പേരിലും അതുപോലെ ഇരുണ്ട നിറത്തിന്റെ പേരിലുമൊക്കെ ഒട്ടേറെ തവണ തന്നെ പല പ്രശസ്ത സംവിധായകരും മാറ്റി നിർത്തിയിട്ടുണ്ട് എന്ന് പറഞ്ഞ ഐശ്വര്യ രാജേഷ് തനിക്കിതുവരെ വലിയ നായകന്മാരുടെ നായികാ വേഷം കിട്ടാത്തതിനും കാരണം ഇതാവാം എന്ന് കരുതുന്നു. അതുകൊണ്ടു തന്നെ നായികാ പ്രാധാന്യമുള്ള ചിത്രങ്ങളിലാണ് താൻ കൂടുതൽ അഭിനയിക്കുന്നതെന്നും ഐശ്വര്യ കൂട്ടിച്ചേർത്തു.
വ്യത്യസ്ത രൂപത്തിലും ഭാവത്തിലുമുള്ള കഥാപാത്രങ്ങൾ കൊണ്ട് ഇപ്പോൾ തന്റെ കരിയറിലെ ഒരു ഗംഭീരമായ ഘട്ടത്തിലൂടെ കടന്നു പോവുകയാണ് നടൻ ജഗദീഷ്.…
യുവതാരം ആന്റണി വര്ഗീസ് പെപ്പെ നായകനായി എത്തുന്ന ഏറ്റവും പുതിയ ചിത്രം ദാവീദിന്റെ ഫസ്റ്റ് ലുക്ക് പുറത്ത്. ആന്റണി വർഗീസിന്റെ…
ദേശീയ പുരസ്കാരം നേടിയ ആവാസവ്യൂഹം, ശേഷം വന്ന പുരുഷ പ്രേതം എന്നീ ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ…
പ്രേക്ഷകപ്രശംസയും നിരൂപക പ്രശംസയും ഒരുപോലെ ഏറ്റുവാങ്ങികൊണ്ടിരിക്കുന്ന ഷാനവാസ് കെ ബാവക്കുട്ടി ചിത്രം ഒരു കട്ടിൽ ഒരു മുറി സ്ത്രീകൾക്കായി പ്രത്യേക…
പ്രശസ്ത സംവിധായകനും രചയിതാവുമായ മിഥുൻ മാനുവൽ തോമസ് സംവിധായകനായി അരങ്ങേറിയ ആട് ഒരു ഭീകര ജീവിയാണ് എന്ന ചിത്രത്തിന്റെ മൂന്നാം…
പാലേരി മാണിക്യം എന്ന ചിത്രത്തിന്റെ റീ റിലീസിന് ശേഷം മറ്റൊരു മമ്മൂട്ടി ക്ലാസിക് കൂടി റീ റിലീസായി പ്രേക്ഷകരുടെ മുന്നിലേക്ക്.…
This website uses cookies.