Actor Vijay Donated 70 Lakhs To Kerala Chief Ministers Flood Relief Fund
ദുരിതത്തിൽ അകപ്പെട്ടിരിക്കുന്ന കേരളാ ജനതയ്ക്ക് ലോകമെമ്പാടുനിന്നും ധന സഹായവും മറ്റു പിന്തുണകളും ഒഴുകിയെത്തുകയാണ്. കേരളാ ജനതയ്ക്ക് വേണ്ടി ഇന്ത്യൻ സിനിമാ ലോകവും ഒന്നിച്ചു കൈകോർക്കുന്ന കാഴ്ചയും നമ്മൾ കണ്ടു കഴിഞ്ഞു. മലയാളവും, തമിഴും, ഹിന്ദിയും, തെലുങ്കും, കന്നഡയുമെല്ലാം തങ്ങളെ കൊണ്ടാവുന്ന വിധത്തിൽ സഹായങ്ങൾ ചെയ്യുകയാണ് കേരളത്തിന്റെ അതിജീവനത്തിനായി. തമിഴ് സൂപ്പർ താരം വിജയ് കഴിഞ്ഞ ദിവസം 70 ലക്ഷം രൂപയാണ് കേരളത്തിനുള്ള ധന സഹായമായി പ്രഖ്യാപിച്ചിരിക്കുന്നത്. ഇതിൽ അമ്പതു ലക്ഷം രൂപ നേരിട്ട് മുഖ്യമന്ത്രിയുടെ ദുരിതാശ്വാസ നിധിയിലേക്ക് പോകുമ്പോൾ ബാക്കി ഇരുപതു ലക്ഷം രൂപ എത്തുന്നത് കേരളത്തിലെ 14 ജില്ലകളിലുമുള്ള വിജയ് ഫാൻസ് യൂണിറ്റുകളിലേക്കു ആണ്.
അവിടെ നിന്ന് ഫാൻസ് യൂണിറ്റുകൾ മുഖേന ജനങ്ങളിലേക്ക് നേരിട്ട് സഹായമെത്തും. എറണാകുളം, പത്തനംതിട്ട, ആലപ്പുഴ ജില്ലകൾക്ക് മൂന്ന് ലക്ഷം വീതവും ബാക്കി പതിനൊന്നു ജില്ലകൾക്ക് ഒരു ലക്ഷം വീതവുമാണ് ആ 20 ലക്ഷം രൂപയിൽ നിന്ന് കിട്ടുക. ഇത് കൂടാതെ പതിനഞ്ചു കണ്ടൈനറുകളിൽ ആയി വസ്ത്രം , ആഹാരം, വെള്ളം തുടങ്ങിയ അവശ്യ വസ്തുക്കളും വിജയ് കേരളത്തിൽ എത്തിക്കും എന്നാണ് റിപ്പോർട്ടുകൾ പറയുന്നത്. കേരളത്തിൽ ഏറ്റവും അധികം ആരാധകർ ഉള്ള തമിഴ് നടൻ ആണ് വിജയ്. വിജയ് ചിത്രങ്ങൾക്ക് എന്നും ആവേശോജ്വലമായ സ്വീകരണമാണ് കേരളത്തിൽ ലഭിക്കാറ്. അതുകൊണ്ട് തന്നെ കേരളത്തിലെ ജനതയ്ക്ക് വേണ്ടി വിജയ് നൽകിയ ഈ സഹായം അദ്ദേഹത്തിന് മലയാളി പ്രേക്ഷകരോടുള്ള സ്നേഹത്തിന്റെ കൂടി തെളിവാണ്. വിജയ് ആരാധകരും തങ്ങളെ കൊണ്ട് പറ്റുന്ന സഹായം ഈ പ്രളയ സമയത്തു കേരളത്തിൽ ചെയ്തിരുന്നു.
പ്രശസ്ത മലയാളി സംവിധായകൻ ലിജോ ജോസ് പെല്ലിശ്ശേരിയുടെ അടുത്ത ചിത്രം ഹിന്ദിയിൽ. ഒരു റൊമാന്റിക് കോമഡി പടം ആയിരിക്കും ലിജോ…
ദുൽഖർ സൽമാനെ നായകനാക്കി സെൽവമണി സെൽവരാജ് ഒരുക്കുന്ന തമിഴ് ചിത്രം 'കാന്ത' നവംബർ 14 ന് ആഗോള റിലീസായെത്തും. ചിത്രം…
കുപ്രസിദ്ധ കൊളംബിയൻ ഡ്രഗ് ലോർഡ് ആയിരുന്ന പാബ്ലോ എസ്കോബാറിൻ്റെ കഥയുടെ ഇന്ത്യൻ പതിപ്പ് ഒരുങ്ങുന്നു എന്ന് സൂചന. അതിൽ നിന്ന്…
മലയാളത്തിലെ ഇൻഡസ്ട്രി ഹിറ്റായി മാറിയ "തുടരും" എന്ന ചിത്രത്തിന് ശേഷം മോഹൻലാൽ - തരുൺ മൂർത്തി ടീം വീണ്ടും ഒന്നിക്കുന്നു.…
മമ്മൂട്ടി, വിനായകൻ എന്നിവരെ കേന്ദ്ര കഥാപാത്രങ്ങളാക്കി നവാഗതനായ ജിതിൻ കെ. ജോസ് സംവിധാനം നിർവഹിച്ച "കളങ്കാവൽ" സെൻസറിങ് പൂർത്തിയാക്കി. നവംബർ…
രഞ്ജിത്ത് സംവിധാനം ചെയ്യുന്ന പുതിയ ചിത്രത്തിൽ മമ്മൂട്ടി നായകൻ എന്ന് വാർത്തകൾ. മമ്മൂട്ടി കമ്പനിയുടെ ബാനറിൽ മമ്മൂട്ടി തന്നെയാണ് ചിത്രത്തിന്റെ…
This website uses cookies.