മലയാള സിനിമയിലെ ഏറ്റവും തിരക്കുള്ള യുവ താരങ്ങളിൽ ഒരാളാണ് ഉണ്ണി മുകുന്ദൻ. കൈ നിറയെ ചിത്രങ്ങളുമായി മുന്നോട്ടു പോകുന്ന ഉണ്ണി മുകുന്ദൻ ഇപ്പോൾ നിർമ്മാണ രംഗത്തേക്ക് കൂടി കടന്നിരിക്കുകയാണ്. ഫിറ്റ്നെസ്സിനു ഏറെ പ്രാധാന്യം കൊടുക്കുന്ന ഉണ്ണി മുകുന്ദൻ അറിയപ്പെടുന്നത് തന്നെ മലയാളത്തിന്റെ മസിൽ അളിയൻ എന്ന പേരിലാണ്. ഗംഭീരമായി ശരീരം നോക്കുന്ന ആളായത് കൊണ്ട് തന്നെ ആക്ഷൻ, നൃത്ത രംഗങ്ങളിലൊക്കെ ഉണ്ണിയെ പോലെ ശോഭിക്കുന്ന നടന്മാർ മലയാളത്തിന്റെ യുവ താര നിരയിൽ കുറവാണു. ഇപ്പോഴിതാ മസിൽ നിറഞ്ഞ ശരീരം അഭിനയത്തെ ബാധിക്കുമോ എന്നൊരു ചോദ്യം അടുത്തിടെ നടന്ന ഒരു മാധ്യമ അഭിമുഖത്തിൽ നേരിട്ടപ്പോൾ ഉണ്ണി മുകുന്ദൻ പറഞ്ഞ മറുപടി വലിയ പ്രേക്ഷക ശ്രദ്ധ നേടുകയാണ്. മസിലും ശരീരത്തിന്റെ ആകാരവുമൊന്നും അഭിനയത്തെ ബാധിക്കില്ല എന്നും ആരോഗ്യത്തോടെ ഇരിക്കുക നല്ല ആകാര ഭംഗി സൂക്ഷിക്കുക എന്നതൊക്കെ വളരെ വ്യക്തിപരമായ ഇഷ്ടവും കാര്യങ്ങളും മാത്രമാണെന്ന് ഉണ്ണി മുകുന്ദൻ പറയുന്നു.
ഇവിടെ സ്ഥിരമായി കഞ്ചാവും ഡ്രിങ്ക്സും കഴിക്കുന്ന എത്രയോ നടൻമാർ ഉണ്ടെന്നും എന്നാൽ അവരോടൊന്നും നിങ്ങൾ കഞ്ചാവ് ഉപയോഗിച്ചാലോ, ഡ്രിങ്ക്സ് കഴിച്ചാലോ അത് അഭിനയത്തെ ബാധിക്കില്ലേ എന്ന് ആരും ചോദിക്കുന്നതായി കേട്ടിട്ടില്ല എന്നും ഉണ്ണി പറയുന്നു. അപ്പോൾ പിന്നെ ജിമ്മിൽ പോയി ശരീരം ഉണ്ടാക്കിയെടുത്താൽ അത് അഭിനയത്തെ ബാധിക്കുമോ എന്ന് ചോദിക്കുന്നതിൽ അർത്ഥമില്ലെന്നും അദ്ദേഹം വിശദീകരിക്കുന്നു. ആരുടേയും പേരെടുത്തു താൻ പറയുന്നില്ല എന്നും, അത് ഏവർക്കുമറിയാവുന്ന കാര്യമാണെന്നും അദ്ദേഹം പറയുന്നു. കഞ്ചാവടിച്ചു അഭിനയിച്ചാൽ എന്താണ് സംഭവിക്കുന്നതെന്ന് ആർക്കും കാണാൻ പറ്റില്ല എന്നും എന്നാൽ ജിമ്മിൽ പോയാൽ എന്ത് സംഭവിക്കും എന്ന് ശരീരത്തിലെ മസിലുകൾ കണ്ടാൽ മനസ്സിലാവുമെന്നും ഉണ്ണി സരസമായി പറയുന്നു. നമ്മുടെ വ്യക്തി ജീവിതത്തിൽ നടക്കുന്ന ഒന്നും ജോലിയെ ബാധിക്കുന്ന കാര്യമല്ല എന്നാണ് താൻ ഉദ്ദേശിച്ചതെന്നും അദ്ദേഹം വിശദീകരിക്കുന്നു. നല്ല ശരീരമുള്ള ചിലരെ ടൈപ്പ് കാസ്റ്റ് ചെയുന്ന പ്രവണത മലയാള സിനിമയിൽ ഉണ്ടെന്നും ഉണ്ണി മുകുന്ദനെ തുറന്നു പറഞ്ഞു.
കൊച്ചി : 15 വർഷങ്ങൾ..നിർമ്മിച്ചത് 26 സിനിമകൾ. മലയാള സിനിമ മേഖലയിൽ മാറ്റത്തിന്റെ പാത തെളിച്ചാണ് ലിസ്റ്റിൻ സ്റ്റീഫനും മാജിക്…
കേരളത്തിന് പുറമെ അന്യസംസ്ഥാനങ്ങളും 3D A.R.M ന്റെ ബോക്സ് ഓഫീസ് തേരോട്ടം തുടരുകയാണ് .ഫേസ്ബുക്കിൽ അജിത് പുല്ലേരി പങ്ക് വച്ച…
കംപ്ലീറ്റ് ആക്ടർ മോഹൻലാലിനെ നായകനാക്കി പൃഥ്വിരാജ് സുകുമാരൻ ഒരുക്കുന്ന ചിത്രമാണ് എമ്പുരാൻ. നൂറു കോടി ക്ലബിൽ ഇടം പിടിച്ച തന്റെ…
തമിഴകത്തിന്റെ സൂപ്പർസ്റ്റാർ രജനികാന്ത് നായകനായ ഏറ്റവും പുതിയ ചിത്രമായ വേട്ടൈയാൻ ഒക്ടോബർ പത്തിന് പ്രേക്ഷകരുടെ മുന്നിലെത്തുകയാണ്. ടി ജെ ജ്ഞാനവേൽ…
ആസിഫ് അലി നായകനായ കിഷ്കിന്ധാ കാണ്ഡം 50 കോടി ക്ലബിൽ. 12 ദിവസം കൊണ്ടാണ് ഈ ചിത്രം ആഗോള തലത്തിൽ…
പാൻ ഇന്ത്യൻ ബ്ലോക്കബ്സ്റ്റർ ചിത്രമായ പുഷ്പയുടെ രണ്ടാം ഭാഗം ഇന്ന് ഇന്ത്യൻ സിനിമാ പ്രേക്ഷകർ ഏറ്റവും കൂടുതൽ കാത്തിരിക്കുന്ന ചിത്രമാണെന്ന്…
This website uses cookies.