സംസ്കൃത ഭാഷയിലൊരുങ്ങുന്ന നമോ എന്ന ചിത്രം ഇന്ത്യന് പനോരമയിലേക്ക് തിരഞ്ഞെടുത്തതിന്റെ സന്തോഷത്തിലാണ് ജയറാം. കൃഷ്ണനും കുചേലനും തമ്മിലുള്ള തീവ്രമായ ഒരു സുഹൃത് ബന്ധത്തിന്റെ കഥയാണ് നമോ. കുചേലന്റെ വേഷമാണ് നമോയില് ജയറാമിന്. ചിത്രത്തിന് വേണ്ടി താരം ശരീരഭാരം കുറച്ചിരുന്നു. ദാരിദ്ര്യം ക്ഷീണിപ്പിച്ച ശരീരമാണ് കുചേലന്റേത്. കുചേലനാകാന് ശരീരഭാരം നന്നേ കുറയ്ക്കണം. അതിനായി താൻ സംവിധായകനോട് കുറച്ച് ദിവസം ചോദിച്ചിരുന്നതായി ജയറാം വ്യക്തമാക്കുന്നു. പട്ടാഭിരാമന് സിനിമ കഴിഞ്ഞ ശേഷം ഞാനൊരു അറുപത് എഴുപത് ദിവസം ഡയറ്റ് നോക്കി. ഇരുപത് കിലോ ശരീരഭാരം കുറച്ചു. വാരിയെല്ലുകള് പൂര്ണമായും കാണുന്നത്ര മെലിഞ്ഞു. തല മുണ്ഡനം ചെയ്തുവെന്നും താരം പറയുന്നു.
അല്ലു അര്ജുന് നായകനായെത്തിയ അങ്ങ് വൈകുണ്ഠപുരത്ത് എന്ന ചിത്രത്തിന് വേണ്ടിയും ജയറാം ഗംഭീരം മേക്ക് ഓവറിൽ എത്തിയിരുന്നു. അല്ലു അര്ജുന്റെ അച്ഛനായാണ് ജയറാം വേഷമിട്ടത്. ചിത്രത്തിന് ശേഷവും താരം തന്റെ ആരോഗ്യപരിപാലനത്തിൽ ഏറെ ശ്രദ്ധിച്ചിരുന്നു. മാസങ്ങളോളം ജയറാം ഫിറ്റ്നസ് വ്രതമാക്കി മാറ്റിയിരിക്കുകയായിരുന്നു. വർഷങ്ങൾക്കു മുൻപേ തന്നെ, നരച്ച മുടി കറുപ്പിക്കാതെ അത് സ്റ്റൈലും ആറ്റിറ്റ്യൂഡുമാക്കി മാറ്റിയാണ് താരം ആരാധകർക്ക് മുൻപിലെത്തിയിരുന്നത്. ഇപ്പോൾ താൻ ചുള്ളനായതിന് പിന്നിലെ രഹസ്യം പങ്കുവെക്കുകയാണ് താരം. ഡയറ്റിങ് ചെയ്ത ശേഷം, നമ്മൾ പതിവായി കഴിക്കുന്നത്ര ഹെവി ഭക്ഷണം ആവശ്യമേയില്ലെന്ന് താൻ തിരിച്ചറിഞ്ഞെന്നാണ് ജയറാം വ്യക്തമാക്കുന്നത്. ഇപ്പോൾ ഫ്രഷ്നെസ്, എനർജി, ചെറുപ്പം എല്ലാം അനുഭവപ്പെടുന്നു. കൂടുതൽ സിനിമ കിട്ടാനോ അവസരങ്ങൾക്കായോ അല്ല സ്വന്തം സംതൃപ്തിക്കു വേണ്ടിയാണിതെന്നും താരം പറയുന്നു. കുടുംബമാണ് പൂർണപിന്തുണ നൽകിയത്. പുതിയ സിനിമയൊന്നും ഏറ്റെടുക്കാതെയാണ് മേക്ക് ഓവറിന് ഒരുങ്ങിയത്. നല്ലത് പോലെ വ്യായാമം ചെയ്യുമായിരുന്നു. ആഹാരം കഴിക്കുന്നതിന്റെ അളവിൽ കുറവ് വരുത്തി. ആർക്കും ഇത്തരത്തിലൊരു മാറ്റം കൈവരിക്കാമെന്നും താരം പറയുന്നു.
മലയാളികളുടെ പ്രീയപ്പെട്ട നടിമാരിലൊരാളായ പൂർണ്ണിമ ഇന്ദ്രജിത് ഒരു വലിയ ഇടവേളക്ക് ശേഷം അഭിനയിച്ച ചിത്രമാണ് ഷാനവാസ് കെ ബാവക്കുട്ടി ഒരുക്കിയ…
മമ്മൂട്ടിയെ നായകനാക്കി രഞ്ജിത്ത് തിരക്കഥ, സംവിധാനം നിര്വ്വഹിച്ച് 2009 ല് റിലീസ് ചെയ്ത പാലേരി മാണിക്യം: ഒരു പാതിരാ കൊലപാതകത്തിന്റെ…
മെഗാസ്റ്റാർ മമ്മൂട്ടിയെ നായകനാക്കി 2018 ൽ അബ്രഹാമിന്റെ സന്തതികൾ എന്ന ചിത്രമൊരുക്കി അരങ്ങേറ്റം കുറിച്ച സംവിധായകനാണ് ഷാജി പാടൂർ. സൂപ്പർ…
മോഹൻലാലിനെ നായകനാക്കി സൂപ്പർ ഹിറ്റ് സംവിധായകൻ തരുൺ മൂർത്തി ഒരുക്കുന്ന ചിത്രം പുരോഗമിക്കുകയാണ്. L360 എന്ന് താത്കാലികമായി പേര് നൽകിയിരിക്കുന്ന…
കിസ്മത്ത്, തൊട്ടപ്പന് എന്നീ ചിത്രങ്ങള്ക്ക് ശേഷം ഷാനവാസ് കെ ബാവക്കുട്ടി സംവിധാനം ചെയ്യുന്ന 'ഒരു കട്ടില് ഒരു മുറി' നാളെ…
പ്രശസ്ത രചയിതാവ് രഘുനാഥ് പലേരിയുടെ തിരക്കഥയിൽ ഷാനവാസ് കെ ബാവക്കുട്ടി സംവിധാനം ചെയ്ത ' ഒരു കട്ടിൽ ഒരു മുറി'…
This website uses cookies.