തന്റെ പുതിയ ചിത്രത്തിന്റെ ഷൂട്ടിങ്ങിനിടെ നടൻ ഹരിശ്രീ അശോകന് വാഹനാപകടത്തിൽ പരുക്ക്..!

പ്രശസ്ത നടൻ ഹരിശ്രീ അശോകൻ ആദ്യമായി സംവിധാനം ചെയ്യുന്ന ചിത്രമാണ് ഒരു ഇന്റർനാഷണൽ ലോക്കൽ സ്റ്റോറി. ഈ ചിത്രത്തിന്റെ ഷൂട്ടിങ്ങിനിടയിൽ ഹരിശ്രീ അശോകന് വാഹനാപകടം പറ്റിയെന്ന വാർത്തയാണ് ഇന്ന് സോഷ്യൽ മീഡിയയിൽ പരക്കുന്നത്. കൊച്ചിയിലെ കാക്കനാടുള്ള ഈ ചിത്രത്തിന്റെ ലൊക്കേഷനിൽ വെച്ചാണ് ഇന്നലെ ഈ അപകടം ഉണ്ടായതു. താരങ്ങൾ ഓട്ടോറിക്ഷയിൽ സഞ്ചരിച്ച സീൻ ചിത്രീകരിക്കുമ്പോൾ നിയന്ത്രണം വിട്ട ഓട്ടോറിക്ഷ മറിയുകയായിരുന്നു. ഹരിശ്രീ അശോകൻ, ബിനു എന്നിവരും അസ്സോസിയേറ്റ് ഡയറക്ടർ ആയ നിതിൻ, അസ്സിസ്റ്റ ക്യാമറാമാൻ ആയ ശ്രീജിത്ത് എന്നിവരും ഓട്ടോറിക്ഷയുടെ അകത്തു ഉണ്ടായിരുന്നു. ആരുടേയും പരിക്ക് ഗുരുതരം അല്ലെന്നും പേടിക്കേണ്ട കാര്യമില്ലെന്നും അണിയറ പ്രവർത്തകർ അറിയിച്ചു.

ശ്രീജിത്തിന്റെ കാലിനു പരിക്കേറ്റപ്പോൾ മറ്റൊരാളുടെ മൂക്കിനും പരിക്ക് പറ്റി. പ്രാഥമിക ചികിത്സക്ക് ശേഷം ഇവരെ ആശുപത്രിയിൽ നിന്ന് ഇന്നലെ ഉച്ചയോടെ ആണ് വിട്ടയച്ചത്. രാഹുൽ മാധവ്, ദീപക് പറമ്പോൾ, ധർമജൻ ബോൾഗാട്ടി, സുരേഷ് കൃഷ്ണ, മനോജ് കെ ജയൻ, നന്ദു, സുരഭി സന്തോഷ് എന്നിവരാണ് ഈ ചിത്രത്തിലെ പ്രധന കഥാപാത്രങ്ങളെ അവതരിപ്പിക്കുന്നത്. നർമ്മത്തിൽ പൊതിഞ്ഞ ഒരു സൗഹൃദ കഥയാണ് ഈ ചിത്രം പറയുന്നത് എന്നാണ് സൂചന. കൊച്ചിയിലും പരിസര പ്രദേശങ്ങളിലുമായി സെപ്റ്റംബർ പത്താം തീയതിയോടെ ആണ് ഈ ചിത്രം ആരംഭിച്ചത്. എം ഷിജിത്, ഷഹീർ ഖാൻ എന്നിവർ ചേർന്ന് എസ് സ്‌ക്വയർ സിനിമാസിന്റെ ബാനറിൽ നിർമ്മിക്കുന്ന ഈ ചിത്രം രചിച്ചിരിക്കുന്നതും ഹരിശ്രീ അശോകൻ തന്നെയാണ്. അത് മാത്രമല്ല ഒൻപതു വർഷമായിട്ടുള്ള ഹരിശ്രീ അശോകന്റെ സ്വപ്നമാണ് ഈ ചിത്രത്തിലൂടെ പൂവണിയുന്നതു. അഭിനയ രംഗത്ത് നിന്നും സംവിധായകനായ കലാകാരന്മാരുടെ കൂട്ടത്തിൽ ഇനി ഹരിശ്രീ അശോകന്റെയും പേര് ചേർക്കപ്പെടുകയാണ് എന്ന പ്രത്യേകതയും ഉണ്ട്.