മെഗാസ്റ്റാർ മമ്മൂട്ടിയുടെ ഈ വർഷം പുറത്തിറങ്ങുന്ന ചിത്രങ്ങളിൽ ആരാധകർ ഏറ്റവുമധികം പ്രതീക്ഷയോടെ കാത്തിരിക്കുന്ന ചിത്രങ്ങളിൽ ഒന്നാണ് അബ്രഹാമിന്റെ സന്തതികൾ. ഇരുപത് വർഷത്തോളം സഹ സംവിധായകനായി മലയാള സിനിമയിൽ പ്രവർത്തിച്ച് പരിചയമുള്ള ഷാജി പാടൂർ ആദ്യമായി സംവിധാനം ചെയ്ത ചിത്രം കൂടിയാണ് അബ്രഹാമിന്റെ സന്തതികൾ. ദി ഗ്രെയിറ്റ് ഫാദർ എന്ന ചിത്രത്തിലൂടെ കഴിഞ്ഞ വർഷത്തെ ഏറ്റവും വലിയ സ്റ്റൈലിഷ് ഹിറ്റ് ഒരുക്കിയ ഹനീഫ് അദേനി തന്നെയാണ് ഈ ചിത്രത്തിന് വേണ്ടിയും തിരക്കഥ ഒരുക്കുന്നത്. ഗ്യാങ്സ്റ്റർ ഉൾപ്പടെ സ്റ്റൈലിഷ് ചിത്രങ്ങൾക്ക് ക്യാമറ ചലിപ്പിച്ചിട്ടുള്ള അൽബിയാണ് ചിത്രത്തിനായും ഛായാഗ്രഹണം ഒരുക്കിയിരിക്കുന്നത്. ചിത്രത്തിന്റെ ആദ്യ പോസ്റ്റർ കഴിഞ്ഞ വാരമായിരുന്നു പുറത്ത് വന്നത്.
ആദ്യം പുറത്തുവന്ന പോസ്റ്റർ വളരെ വലിയ തരംഗമായി മാറിയിരുന്നു. സോൾട്ട് ആൻഡ് പെപ്പർ ലുക്കിൽ എത്തിയ മമ്മൂട്ടി കാറിൽ നിന്നും കൈയ്യിലൊരു തോക്കുമായി നിൽക്കുന്ന സ്റ്റൈലൻ ലുക്കിലുള്ള ചിത്രമായിരുന്നു അന്ന് വന്നത്. ചിത്രം ആരാധകർക്ക് ആവേശമായി മാറിയിരുന്നു. ഗ്രേറ്റ് ഫാദർ തീർത്ത സ്റ്റൈലിഷ് ലുക്കിനും ആക്ഷനും ഒരു പടി മുകളിൽ നിൽക്കും അബ്രഹാമിന്റെ സന്തതികൾ. ചിത്രത്തിന്റെ പുതിയ പോസ്റ്റർ പതിനൊന്നാം തീയതി പുറത്തിറങ്ങും മമ്മൂട്ടിയുടെ കരിയറിൽ തന്നെ ഏറ്റവും സ്റ്റൈലിഷ് ലുക്കുകളായിരിക്കും ഇനി പുറത്തിറങ്ങുന്നത് എന്നാണ് വരുന്ന വാർത്തകൾ. ഒരു പോലീസ് സ്റ്റോറി പറയുന്ന ചിത്രത്തിൽ മമ്മൂട്ടി ഒരു പോലീസ് ഉദ്യോഗസ്ഥനായാണ് എത്തുന്നത്. ആദ്യാവസാനം ത്രില്ലടിപ്പിക്കുന്ന മുഹൂർത്തങ്ങൾ കോർത്തിണക്കിയാണ് ചിത്രം ഒരുക്കിയിരിക്കുന്നത് എന്നാണ് അണിയറ പ്രവർത്തകരുടെ വാക്കുകൾ. ആൻസണ് പോൾ, കനിഹ എന്നിവരാണ് ചിത്രത്തിലെ മറ്റ് വേഷങ്ങളിൽ എത്തുന്നത്. ഈദ് റിലീസായി ചിത്രം അടുത്ത മാസത്തോടെ തീയറ്ററുകളിൽ എത്തും.
കൊച്ചി : 15 വർഷങ്ങൾ..നിർമ്മിച്ചത് 26 സിനിമകൾ. മലയാള സിനിമ മേഖലയിൽ മാറ്റത്തിന്റെ പാത തെളിച്ചാണ് ലിസ്റ്റിൻ സ്റ്റീഫനും മാജിക്…
കേരളത്തിന് പുറമെ അന്യസംസ്ഥാനങ്ങളും 3D A.R.M ന്റെ ബോക്സ് ഓഫീസ് തേരോട്ടം തുടരുകയാണ് .ഫേസ്ബുക്കിൽ അജിത് പുല്ലേരി പങ്ക് വച്ച…
കംപ്ലീറ്റ് ആക്ടർ മോഹൻലാലിനെ നായകനാക്കി പൃഥ്വിരാജ് സുകുമാരൻ ഒരുക്കുന്ന ചിത്രമാണ് എമ്പുരാൻ. നൂറു കോടി ക്ലബിൽ ഇടം പിടിച്ച തന്റെ…
തമിഴകത്തിന്റെ സൂപ്പർസ്റ്റാർ രജനികാന്ത് നായകനായ ഏറ്റവും പുതിയ ചിത്രമായ വേട്ടൈയാൻ ഒക്ടോബർ പത്തിന് പ്രേക്ഷകരുടെ മുന്നിലെത്തുകയാണ്. ടി ജെ ജ്ഞാനവേൽ…
ആസിഫ് അലി നായകനായ കിഷ്കിന്ധാ കാണ്ഡം 50 കോടി ക്ലബിൽ. 12 ദിവസം കൊണ്ടാണ് ഈ ചിത്രം ആഗോള തലത്തിൽ…
പാൻ ഇന്ത്യൻ ബ്ലോക്കബ്സ്റ്റർ ചിത്രമായ പുഷ്പയുടെ രണ്ടാം ഭാഗം ഇന്ന് ഇന്ത്യൻ സിനിമാ പ്രേക്ഷകർ ഏറ്റവും കൂടുതൽ കാത്തിരിക്കുന്ന ചിത്രമാണെന്ന്…
This website uses cookies.