മെഗാ സ്റ്റാർ മമ്മൂട്ടിയെ നായകനാക്കി ഡാഡി കൂൾ എന്ന ചിത്രമൊരുക്കിയാണ് ആഷിഖ് അബു എന്ന സംവിധായകൻ അരങ്ങേറ്റം കുറിച്ചത്. അതിനു ശേഷം ഗ്യാങ്സ്റ്റർ എന്ന ബിഗ് ബഡ്ജറ്റ് ചിത്രവും ആഷിക് മമ്മൂട്ടിയെ നായകനാക്കി ഒരുക്കി. ഒരുപിടി ഹിറ്റുകൾ സമ്മാനിച്ച ആഷിക് അബുവിനു തന്റെ മമ്മൂട്ടി ചിത്രങ്ങൾ മാത്രം ശ്രദ്ധേയമാക്കാൻ സാധിച്ചില്ല എന്നത് കൗതുകരമാണ്. പക്ഷെ ഇത്തവണ ആ കറുത്തപാട് തന്റെ കരിയറിൽ നിന്നും മാറ്റാൻ തന്നെയാണ് ആഷിഖ് അബുവിന്റെ തീരുമാനം. മമ്മൂട്ടി നായകനാവുന്ന ഒരു ചിത്രം കൂടി താൻ പ്ലാൻ ചെയ്യുന്നുണ്ട് എന്നും ആ ചിത്രം രചിക്കുന്നതു സൂപ്പർ ഹിറ്റ് രചയിതാവായ ശ്യാം പുഷ്ക്കരൻ ആണെന്നും അടുത്തിടെ നടന്ന ഒരു മാധ്യമ അഭിമുഖത്തിൽ ആഷിഖ് അബു വെളിപ്പെടുത്തി എന്നാൽ ആഷിഖ് അബുവിന്റെ അടുത്ത ചിത്രം മമ്മൂട്ടി ചിത്രമല്ല. ടോവിനോ തോമസ്, ആസിഫ് അലി എന്നിവർ ഒരുമിക്കുന്ന നീലവെളിച്ചം എന്ന ചിത്രമാണ് ആഷിഖ് അബു ചെയ്യുക. പൃഥ്വിരാജ്, കുഞ്ചാക്കോ ബോബൻ ടീമിനെ വെച്ച് പ്രഖ്യാപിച്ച ചിത്രമാണ് ഇത്.
എന്നാൽ ഡേറ്റ് ക്ലാഷുകൾ മൂലം അവർ പിന്മാറിയപ്പോൾ ആണ് ടോവിനോ തോമസ്, ആസിഫ് അലി ടീം എത്തിയത്. ഇവരെ കൂടാതെ റിമ കല്ലിങ്കൽ, സൗബിൻ ഷാഹിർ എന്നിവരും ഈ ചിത്രത്തിൽ അഭിനയിക്കും. ടോവിനോ തോമസ്- ആഷിക് അബു ടീം ഒന്നിക്കുന്ന നാലാമത്തെ ചിത്രമാകും ഇത്. നേരത്തെ മായാനദി, വൈറസ് എന്നീ ചിത്രങ്ങളും നാരദൻ എന്നീ ചിത്രവും ഇവർ ഒരുമിച്ചു ചെയ്തിരുന്നു. ഉണ്ണി ആർ രചിച്ചു ടോവിനോ തോമസ് നായകനായ നാരദൻ എന്ന ആഷിഖ് അബു ചിത്രം ഈ വരുന്ന മാർച്ച് മൂന്നിന് ആണ് റിലീസ് ചെയ്യാൻ പോകുന്നത്. ആഷിഖ് അബു, സന്തോഷ് ടി കുരുവിള എന്നിവർ ചേർന്നാണ് ഈ ചിത്രം നിർമ്മിച്ചിരിക്കുന്നത്.
ലോക സിനിയുടെ തന്നെ അഭിമാനമായി മാറിയ ചിത്രമാണ് കാന്താര. ചിത്രത്തിന്റെ രണ്ടാം പതിപ്പിനായി കാത്തിരുന്ന ആരാധകർക്കായി സിനിമയുടെ റിലീസിംഗ് ഡേറ്റ്…
ഒരു ഗംഭീര ത്രില്ലർ ചിത്രത്തിന്റെ സൂചനകൾ നൽകികൊണ്ട് ബേബി ഗേൾ ചിത്രത്തിന്റെ ഫസ്റ്റ് ലുക്ക് മോഷൻ പോസ്റ്റർ പുറത്തിറങ്ങി. മാജിക്…
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
This website uses cookies.