കംപ്ലീറ്റ് ആക്ടർ മോഹൻലാൽ നായകനായി എത്തുന്ന ആറാട്ട് എന്ന ചിത്രമാണ് ഇപ്പോൾ സോഷ്യൽ മീഡിയയിൽ സംസാര വിഷയം. ഓണം റിലീസ് ആയി എത്താൻ ഒരുങ്ങുന്ന ഈ ചിത്രത്തിന്റെ ആദ്യ ടീസർ ഏതാനും ദിവസങ്ങൾക്ക് മുൻപേ റിലീസ് ചെയ്യുകയും യൂട്യൂബ് റെക്കോർഡുകൾ തകർത്തു തരംഗമായി മാറുകയും ചെയ്തു. ബി ഉണ്ണികൃഷ്ണൻ സംവിധാനം ചെയ്ത ഈ ചിത്രം രചിച്ചത് ഉദയ കൃഷ്ണയാണ്. ഒരു മാസ്സ് ആക്ഷൻ കോമഡി എന്റർടൈന്മെന്റ് ചിത്രമായി ഒരുക്കുന്ന ആറാട്ട് മോഹൻലാൽ എന്ന താരത്തിന്റെ ഒരു അഴിഞ്ഞാട്ടം ആയിരിക്കും നമ്മുക്ക് സമ്മാനിക്കുക എന്നാണ് ഈ ചിത്രത്തിന്റെ സംഗീത സംവിധായകൻ രാഹുൽ രാജ് പറയുന്നത്. മോഹൻലാൽ എന്ന താരത്തിൽ നിന്ന് പ്രേക്ഷകരും ആരാധകരും പ്രതീക്ഷിക്കുന്ന എല്ലാം കോർത്തിണക്കി ഒരുക്കുന്ന ചിത്രമാണ് ഇതെന്നും അദ്ദേഹം പറയുന്നു.
നെയ്യാറ്റിൻകര ഗോപൻ എന്ന കഥാപാത്രമായി ആണ് മോഹൻലാൽ ഈ ചിത്രത്തിൽ അഭിനയിക്കുന്നത്. കിടിലൻ ആക്ഷൻ രംഗങ്ങൾ ആയിരിക്കും ഈ ചിത്രത്തിന്റെ ഹൈലൈറ്റ് എന്നുള്ള സൂചന ഇതിന്റെ ടീസർ നമ്മുക്ക് തരുന്നുണ്ട്. ടീസറിനൊപ്പം തന്നെ രാഹുൽ രാജ് ഒരുക്കിയ ടീസറിലെ പശ്ചാത്തല സംഗീതവും സൂപ്പർ ഹിറ്റാണ്. മോഹൻലാലിനൊപ്പം ഒരു വലിയ താരനിര തന്നെ അഭിനയിക്കുന്ന ഈ ചിത്രത്തിലെ നായികാ വേഷം ചെയ്യുന്നത് ശ്രദ്ധ ശ്രീനാഥ് ആണ്. നെടുമുടി വേണു, സായ് കുമാര്, സിദ്ദിഖ്, വിജയരാഘവന്, ജോണി ആന്റണി, ഇന്ദ്രന്സ്, നന്ദു, ഷീല, സ്വാസിക, മാളവിക, രചന നാരായണന്കുട്ടി, ബിജു പപ്പൻ, റിയാസ് ഖാൻ എന്നിവരും അഭിനയിക്കുന്ന ഈ ചിത്രം എഡിറ്റ് ചെയ്യുന്നത് ഷമീർ മുഹമ്മദ് ആണ്. ബിഗ് ബഡ്ജറ്റിൽ ഒരുക്കുന്ന ഈ ചിത്രം നിർമ്മിക്കുന്നത് ഹിപ്പോ പ്രൈം, മൂവി പേ മീഡിയാസ്, ആർ ഡി ഇല്ലുമിനേഷൻ എന്നിവർ ചേർന്നാണ്.
ഉണ്ണി മുകുന്ദനെ നായകനാക്കി ഹനീഫ് അദനി ഒരുക്കുന്ന ആക്ഷൻ ചിത്രം മാർക്കോയുടെ ഏറ്റവും പുതിയ പോസ്റ്റർ സോഷ്യൽ മീഡിയയിൽ വൈറലാവുന്നു.…
മലയാളത്തിന്റെ യുവതാരം ദുൽഖർ സൽമാൻ നായകനായി ഒരു മലയാള ചിത്രം പ്രേക്ഷകരുടെ മുന്നിലെത്തിയത് കഴിഞ്ഞ വർഷം ഓണത്തിനാണ്. അഭിലാഷ് ജോഷിയുടെ…
സൈജു കുറുപ്പ്, വിൻസി അലോഷ്യസ് എന്നിവരെ പ്രധാന കഥാപാത്രങ്ങളാക്കി ഒരുക്കുന്ന 'ഓകെ ഡിയർ' എന്ന ചിത്രത്തിന്റെ മോഷൻ പോസ്റ്റർ പുറത്ത്.…
മലയാളത്തിന്റെ മഹാനടൻ മോഹൻലാലും, മലയാള സിനിമയിൽ വ്യത്യസ്ത ശൈലിയിലൂടെ കഥ പറഞ്ഞ് കൊണ്ട് ലോക ശ്രദ്ധയാകർഷിച്ച സംവിധായകൻ ലിജോ ജോസ്…
മലയാളത്തിന്റെ മെഗാസ്റ്റാർ മമ്മൂട്ടി വീണ്ടും വില്ലനായി എത്തുന്നു എന്ന് വാർത്തകൾ. ഈ വർഷം പുറത്ത് വന്ന ഭ്രമയുഗം എന്ന പീരീഡ്…
മലയാള സിനിമയുടെ 'അമ്മ മുഖം എന്നറിയപ്പെടുന്ന കവിയൂർ പൊന്നമ്മ കാലയവനികക്കുള്ളിൽ മറഞ്ഞു. മലയാളി പ്രേക്ഷകരുടെ മനസ്സിൽ ''അമ്മ" എന്ന് കേൾക്കുമ്പോൾ…
This website uses cookies.