കംപ്ലീറ്റ് ആക്ടർ മോഹൻലാൽ നായകനായ ആറാട്ട് എന്ന ചിത്രം കഴിഞ്ഞ ദിവസമാണ് ആഗോള റിലീസ് ആയി എത്തിയത്. മികച്ച പ്രേക്ഷക പ്രതികരണം നേടുന്ന ഈ ചിത്രം ഒരു പക്കാ മോഹൻലാൽ ഷോ എന്നാണ് പ്രേക്ഷകർ പറയുന്നത്. മോഹൻലാലിൻറെ കിടിലൻ കോമഡി, ആക്ഷൻ പ്രകടനമാണ് ഈ ചിത്രത്തിന്റെ ഹൈലൈറ്റ് എന്ന് തന്നെ പറയാം. ഏതായാലും അതി ഗംഭീര ഓപ്പണിങ് ആണ് ഈ ചിത്രം കേരളത്തിൽ നേടിയിരിക്കുന്നത്. ആദ്യ ദിനം തന്നെ മൂന്നു നേട്ടങ്ങൾ ആണ് ആറാട്ടു സ്വന്തമാക്കിയത്. അറുനൂറു സ്ക്രീനിനു മുകളിൽ ആദ്യ ദിനം കളിച്ച മരക്കാർ എന്ന ചിത്രത്തിന് താഴെ, ഇപ്പോൾ ഏറ്റവും കൂടുതൽ സ്ക്രീനുകളിൽ ആദ്യ ദിനം കളിച്ച മലയാള ചിത്രം എന്ന റെക്കോർഡ് ആറാട്ട് നേടിയിരിക്കുകയാണ്. അഞ്ഞൂറ്റി മുപ്പതിൽ കൂടുതൽ സ്ക്രീനുകളിൽ ആണ് മരക്കാർ ആദ്യ ദിനം കളിച്ചതു. അതുപോലെ തന്നെ മരക്കാർ, കുറുപ്പ് എന്നീ ചിത്രങ്ങൾക്ക് പുറകിൽ ഏറ്റവും കൂടുതൽ ഷോകൾ ആദ്യ ദിനം കളിക്കുന്ന ചിത്രമെന്ന റെക്കോർഡും ആറാട്ടു നേടി.
ഇത് കൂടാതെ കോവിഡ് കാലഘത്തിനു ശേഷം റിലീസ് ചെയ്ത മലയാള ചിത്രങ്ങളിൽ, മരക്കാർ, കുറുപ്പ് എന്നിവ കഴിഞ്ഞാൽ ഏറ്റവും വലിയ ആദ്യ ദിന ഗ്രോസ് കേരളത്തിൽ നിന്നും നേടുന്ന ചിത്രവും ഇപ്പോൾ ആറാട്ടാണ്. കൃത്യമായ കേരളാ ഗ്രോസ്, വേൾഡ് വൈഡ് ഗ്രോസ് എന്നിവ വൈകാതെ തന്നെ ലഭ്യമാകും എന്നാണ് സൂചന. ഉദയ കൃഷ്ണ രചിച്ചു ബി ഉണ്ണികൃഷ്ണൻ സംവിധാനം ചെയ്ത ഈ ചിത്രം ഒരുപാട് നാളുകൾക്കു ശേഷം മലയാള സിനിമാ പ്രേമികൾക്ക് മുന്നിലെത്തുന്ന ഒരു മസാല എന്റെർറ്റൈനെർ ആണ്. അത്കൊണ്ട് തന്നെ എല്ലാം മറന്നു തീയേറ്ററിൽ ആഘോഷിക്കാൻ പ്രേക്ഷകർ ഒഴുകിയെത്തുന്ന കാഴ്ചയാണ് കാണാൻ സാധിക്കുന്നത്.
ബ്ലോക്ബസ്റ്റർ ഹിറ്റായ കല്യാണി പ്രിയദർശൻ - ഡൊമിനിക് അരുൺ ചിത്രം "ലോക" യുടെ രണ്ടാം ഭാഗത്തിൽ ടോവിനോ തോമസ് നായകനായി…
ഷറഫുദീൻ പ്രൊഡക്ഷൻസിന്റെ ബാനറിൽ ഷറഫുദീൻ നിർമ്മിക്കുന്ന ചിത്രം "പെറ്റ് ഡിറ്റക്ടീവ്" റിലീസിന് ഒരുങ്ങുകയാണ്. ഇപ്പോഴിതാ ചിത്രത്തിൻ്റെ തീം സോങ് പുറത്ത്…
ദേശീയ, സംസ്ഥാന പുരസ്കാരജേതാവായ സെന്ന ഹെഗ്ഡെയുടെ ഏറ്റവും പുതിയ ചിത്രത്തിന്റെ ട്രെയിലർ പുറത്തിറങ്ങി. ‘അവിഹിതം’ എന്ന പേരിൽ പുറത്തിറങ്ങുന്ന ചിത്രത്തിന്റെ…
ദേശീയ പുരസ്കാര ജേതാവായ സംവിധായകൻ സജിൻ ബാബുവിന്റെ പുതിയ ചിത്രം, 'തീയേറ്റർ: ദ മിത്ത് ഓഫ് റിയാലിറ്റി' റഷ്യയിലെ കാസാനിൽ…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ പുറത്ത്.…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ നാളെ…
This website uses cookies.