ചിരിപ്പിച്ചു രസിപ്പിച്ചു കേരളാ ബോക്സ് ഓഫീസിൽ ആനക്കള്ളന്റെ പടയോട്ടം..!

പ്രേക്ഷകരെ ഒന്നടങ്കം പൊട്ടിച്ചിരിയുടെ ലോകത്തു എത്തിച്ചു കൊണ്ട് ബിജു മേനോൻ ചിത്രമായ ആനക്കള്ളൻ കേരളാ ബോക്സ് ഓഫീസിൽ പടയോട്ടം ആരംഭിച്ചു. ഹർത്താൽ ആയതു കാരണം ഇന്നലെ വൈകുന്നേരം ആണ് ഈ ചിത്രം ഇവിടെ റിലീസ് ചെയ്തത്. വൈകുന്നേരത്തെ ആദ്യ ഷോ മുതൽ തന്നെ വലിയ പ്രേക്ഷക പങ്കാളിത്തം ലഭിച്ച ഈ ചിത്രത്തിന് സൂപ്പർ റിപ്പോർട്ട് ആണ് ലഭിക്കുന്നത്. പ്രേക്ഷകരെ പൊട്ടിച്ചിരിപ്പിക്കുന്ന ഒരു കിടിലൻ ഫാമിലി കോമഡി എന്റെർറ്റൈനെർ ആണ് ഈ ചിത്രമെന്നുള്ള അഭിപ്രായമാണ് ആനക്കള്ളൻ കണ്ട ഓരോ പ്രേക്ഷകനും പറയുന്നത്. ബിജു മേനോന്റെ ഗംഭീര പ്രകടനമാണ് ഈ ചിത്രത്തിന്റെ ഹൈലൈറ്റ്. ഇവൻ മര്യാദ രാമൻ സംവിധാനം ചെയ്തു കൊണ്ട് അരങ്ങേറിയ സുരേഷ് ദിവാകർ ഒരുക്കിയ ഈ ചിത്രം രചിച്ചിരിക്കുന്നത് ഉദയ കൃഷ്ണയാണ്.

ബിജു മേനോന് ഒപ്പം, സിദ്ദിഖ്, ഹാരിഷ് കണാരൻ, ധർമജൻ ബോൾഗാട്ടി, സുരാജ് വെഞ്ഞാറമ്മൂട് എന്നിവരുടെ കിടിലൻ പ്രകടനവും ഈ ചിത്രത്തെ ഗംഭീരമാക്കി എന്നാണ് പ്രേക്ഷകർ പറയുന്നത്. ഒരു നിമിഷം പോലും പ്രേക്ഷകനെ ബോറടിപ്പിക്കാതെ ചിരിയും ആവേശവും സമ്മാനിച്ച് കൊണ്ടാണ് ആനക്കള്ളൻ മുന്നോട്ടു നീങ്ങുന്നത്. ചിരിപ്പിച്ചു കൊണ്ട് മനസ്സ് കവരുന്ന ഈ ആനക്കള്ളനെ മലയാള സിനിമാ പ്രേമികൾ ഇരു കയ്യും നീട്ടി സ്വീകരിച്ചു എന്ന് തന്നെയാണ് തീയേറ്ററുകളിൽ ഇപ്പോൾ കാണുന്ന വമ്പൻ തിരക്ക് നമ്മളോട് പറയുന്നത്. നാദിർഷ സംഗീതം പകർന്നിരിക്കുന്ന ഈ ചിത്രത്തിലെ ഗാനങ്ങളും ഇതിനോടകം, സൂപ്പർ ഹിറ്റായി കഴിഞ്ഞു. അനുശ്രീ, ഷംന കാസിം എന്നിവരാണ് ആനക്കള്ളനിലെ നായികമാരായി എത്തിയിരിക്കുന്നത്. പഞ്ച വർണ്ണ തത്ത എന്ന ജയറാം ചിത്രം നേടിയ മികച്ച വിജയത്തിന് ശേഷം സപ്ത തരംഗ് സിനിമാസ് നിർമ്മിച്ചിരിക്കുന്ന ഈ ചിത്രത്തിൽ സുധീർ കരമന, ഇന്ദ്രൻസ്, , സായി കുമാർ, സുരേഷ് കൃഷ്ണ എന്നിവരും അഭിനയിച്ചിട്ടുണ്ട്.