യുവ താരം വിനീത് ശ്രീനിവാസൻ നായകനായി ഈ ക്രിസ്മസ് വെക്കേഷൻ സമയത്തു പ്രദർശനത്തിന് എത്തുന്ന മലയാള ചിത്രമാണ് ആന അലറലോടലറൽ. ദിലീപ് മേനോൻ എന്ന ഒരു നവാഗത സംവിധായകൻ കൂടി ഈ ചിത്രത്തിലൂടെ മലയാള സിനിമയിലേക്ക് കാലെടുത്തു വെക്കുകയാണ്. ശരത് ബാലൻ തിരക്കഥ രചിച്ച ഈ ചിത്രം ആക്ഷേപ ഹാസ്യത്തിന്റെ കരുത്തോടെ കഥ പറയുന്ന ഒരു പക്കാ ഫാമിലി കോമഡി എന്റെർറ്റൈനെർ ആണെന്നാണ് സൂചന.
സിബി തോട്ടുപുറം, നേവിസ് സേവ്യർ എന്നിവർ ചേർന്ന് പോയട്രി ഫിലിമ്സിന്റെ ബാനറിൽ നിർമ്മിച്ച ഈ ചിത്രത്തിന്റെ ട്രൈലെർ ഗംഭീര പ്രേക്ഷക പ്രതികരണം ആണ് നേടി എടുക്കുന്നത്. ട്രൈലെർ കിടുക്കി എന്ന അഭിപ്രയം ആണ് ഏവരും പങ്കു വെക്കുന്നത്. ട്രൈലെർ മിന്നിച്ചതോടെ ഈ ചിത്രത്തെ കുറിച്ചുള്ള പ്രേക്ഷക പ്രതീക്ഷകളും വാനോളം ഉയർന്നിരിക്കുകയാണ്.
ഹാഷിം ജമാലുദ്ധീൻ എന്ന നിഷ്കളങ്കനായ ഒരു ഗ്രാമീണ യുവാവിന്റെ വേഷത്തിൽ ആണ് വിനീത് ശ്രീനിവാസൻ അഭിനയിക്കുന്നത്. അനു സിതാര നായികാ വേഷത്തിൽ എത്തുന്ന ഈ ചിത്രത്തിലെ മറ്റൊരു പ്രധാന കഥാപാത്രം സുരാജ് വെഞ്ഞാറമൂട് അവതരിപ്പിക്കുന്നു.
ഇത് കൂടാതെ ചിരിയുടെ മാലപ്പടക്കം സൃഷ്ടിക്കാൻ ധർമജൻ, ഹാരിഷ് കണാരൻ, മാമുക്കോയ, ഇന്നസെന്റ് എന്നിവരും ഈ ചിത്രത്തിൽ അഭിനയിക്കുന്നുണ്ട്. വിശാഖ് നായർ, വിജയ രാഘവൻ, തെസ്നി ഖാൻ എന്നിവരും ഈ ചിത്രത്തിന്റെ ഭാഗമാണ്. ഷാൻ റഹ്മാൻ ഈണം നൽകിയ ഗാനങ്ങൾ ഇപ്പോഴേ പ്രേക്ഷക ശ്രദ്ധ നേടി കഴിഞ്ഞു.
മനോജ് എഡിറ്റിംഗും, ദീപ് എസ് ഉണ്ണി ഛായാഗ്രഹണവും നിർവഹിച്ച ഈ ചിത്രം കുടുംബ പ്രേക്ഷകരുടെ ആദ്യ ചോയ്സ് ആയി ഈ ക്രിസ്മസ് സീസണിൽ മാറും എന്നാണ് ട്രൈലെർ നേടുന്ന ജനശ്രദ്ധയും അഭിപ്രായവും സൂചിപ്പിക്കുന്നത്.
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
This website uses cookies.