യുവ സൂപ്പർ താരം പൃഥ്വിരാജ് സുകുമാരനെ നായകനാക്കി ബ്ലെസ്സി ഒരുക്കുന്ന ആട് ജീവിതം എന്ന ചിത്രത്തിന്റെ ജോർദാനിലെ ഷെഡ്യൂൾ പൂർത്തിയായതായി അണിയറ പ്രവർത്തകർ അറിയിച്ചു. ലോക്ക് ഡൌൺ സമയത്തിന് മുൻപേ ജോർദാനിൽ എത്തിയ ഷൂട്ടിംഗ് സംഘം കുറച്ചു നാൾ അവിടെ ഷൂട്ട് ചെയ്തതിനു ശേഷം കൊറോണ ഭീതിയിൽ ഷൂട്ടിംഗ് നിർത്തി വെക്കുകയും, എന്നാൽ അവിടെ നിന്ന് ഇന്ത്യയിലേക്ക് മടങ്ങി വരാൻ പറ്റാതെ കുടുങ്ങി പോവുകയും ചെയ്തിരുന്നു. എന്നാൽ പിന്നീട് അവർക്കു ഷൂട്ടിംഗ് പുനരാരംഭിക്കാൻ സാധിക്കുകയും അവിടുത്തെ ഷെഡ്യൂൾ പൂർത്തിയാക്കാൻ സാധിക്കുകയും ചെയ്തു. നിലവിൽ ജോർദാൻ വിമാനത്താവളത്തിലെ ഹോട്ടലിൽ ഉള്ള പൃഥ്വിരാജ് സുകുമാരനും ഷൂട്ടിംഗ് സംഘവും സിവിൽ ഏവിയേഷന്റെ അനുമതി കിട്ടിയാൽ ഉടൻ നാട്ടിലേയ്ക്കു തിരിക്കാനാകുമെന്ന പ്രതീക്ഷയിലാണ്.
മാർച്ച് മാസം പതിനാറിന് തുടങ്ങിയ ജോർദാനിലെ ഷെഡ്യൂൾ ഏപ്രിൽ ഒന്നിന് നിർത്തി വെക്കുകയും അതിനു ശേഷം കുറച്ചു ദിവസത്തെ ഇടവേള കഴിഞ്ഞു വീണ്ടും ചിത്രീകരണം ആരംഭിക്കുകയും ചെയ്തു. അന്പത്തിയെട്ടു പേരാണ് ഇപ്പോൾ പൃഥ്വിരാജ് സുകുമാരനൊപ്പം ആ സംഘത്തിൽ ഉള്ളത്. കഴിഞ്ഞ ദിവസം അവിടെ നിന്നുള്ള പൃഥ്വിരാജ് സുകുമാരന്റെ ചിത്രങ്ങൾ സോഷ്യൽ മീഡിയയിൽ വൈറൽ ആയിരുന്നു. ശരീര ഭാരം ഏറെ കുറച്ച ഈ യുവ താരത്തിന്റെ കുറച്ചു സ്റ്റൈലിഷ് ചിത്രങ്ങളാണ് പുറത്തു വന്നിട്ടുള്ളതു. നീട്ടി വളർത്തിയ താടിയും മുടിയും താരത്തിന്റെ പുതിയ ലുക്കിന്റെ സവിശേഷതയാണ്. വാദിറാം മരുഭൂമിയിൽ നിന്നുള്ള ചിത്രങ്ങളാണ് ഇപ്പോൾ പുറത്തു വന്നിട്ടുള്ളതു. നേരത്തെ പൃഥ്വിരാജ്, ബ്ലെസി എന്നിവർ അവിടെ കുടുങ്ങിയപ്പോൾ കേരളത്തിൽ നിന്ന് മോഹൻലാൽ, സുരേഷ് ഗോപി, ബി ഉണ്ണികൃഷ്ണൻ തുടങ്ങി ഒട്ടേറെ സിനിമാ പ്രവർത്തകർ അവരുമായി നിരന്തരം ഫോൺ വഴി സമ്പർക്കത്തിലേർപ്പെടുന്നുണ്ടായിരുന്നു.
ആരോഗ്യപരമായ കാരണങ്ങൾ കൊണ്ട് എടുത്ത 6 മാസത്തെ ഇടവേളക്ക് ശേഷം സൂപ്പർതാരം മമ്മൂട്ടി അഭിനയ തിരക്കുകളിലേക്ക് തിരിച്ചെത്തുന്നു. മഹേഷ് നാരായണൻ…
മോഹൻലാലിനെ നായകനാക്കി ചിത്രം സംവിധാനം ചെയ്യാൻ ദിലീഷ് പോത്തൻ എന്ന് വാർത്തകൾ. അടുത്തിടെ അദ്ദേഹം മോഹൻലാലിനോട് ഒരു കഥ പറഞ്ഞു…
നസ്ലൻ, ശ്രീനാഥ് ഭാസി, ഷൈൻ ടോം ചാക്കോ, സജിൻ ഗോപു എന്നിവർ പ്രധാന വേഷങ്ങൾ ചെയ്യാൻ പോകുന്ന അമൽ നീരദ്…
വിപിൻദാസിന്റെ സംവിധാനത്തിൽ 60 പുതുമുഖങ്ങൾക്കൊപ്പം പൃഥ്വിരാജ് എത്തുന്ന ചിത്രം "സന്തോഷ് ട്രോഫി " യുടെ ഷൂട്ടിംഗ് തുടങ്ങി.പ്രശസ്ത നിർമ്മാതാക്കളായ ലിസ്റ്റിൻ…
ബ്ലോക്ബസ്റ്റർ ഹിറ്റായ കല്യാണി പ്രിയദർശൻ - ഡൊമിനിക് അരുൺ ചിത്രം "ലോക" യുടെ രണ്ടാം ഭാഗത്തിൽ ടോവിനോ തോമസ് നായകനായി…
ഷറഫുദീൻ പ്രൊഡക്ഷൻസിന്റെ ബാനറിൽ ഷറഫുദീൻ നിർമ്മിക്കുന്ന ചിത്രം "പെറ്റ് ഡിറ്റക്ടീവ്" റിലീസിന് ഒരുങ്ങുകയാണ്. ഇപ്പോഴിതാ ചിത്രത്തിൻ്റെ തീം സോങ് പുറത്ത്…
This website uses cookies.