2015ൽ ഇന്ത്യയിൽ പുറത്തിറങ്ങിയ ബ്രഹ്മാണ്ഡ ചിത്രമായിരുന്നു ‘ബാഹുബലി’. പ്രഭാസ്, റാണ ദഗുപതി എന്നിവരെ കേന്ദ്ര കഥാപാത്രങ്ങളാക്കി എസ്.എസ് രാജമൗലി സംവിധാനം ചെയ്ത ചിത്രം കൂടിയാണിത്. 180 കോടി മുതൽ മുടക്കിൽ നിർമ്മിച്ച ചിത്രം ബോക്സ് ഓഫീസിൽ നിന്ന് 600 കോടിയോളം കളക്ഷൻ നേടിയിരുന്നു. 2017ൽ ചിത്രത്തിന്റെ രണ്ടാം ഭാഗം പുറത്തിറങ്ങുകയും വലിയ വിജയം സ്വന്തമാക്കുകയും ചെയ്തിരുന്നു. രണ്ട് ചിത്രങ്ങൾക്ക് വേണ്ടി തിരക്കഥ എഴുതിയിരുന്നത് രാജമൗലിയുടെ പിതാവും കൂടിയായ വിജേന്ദ്ര പ്രസാദായിരുന്നു. ബാഹുബലിയ്ക്ക് ശേഷം ഇന്ത്യൻ സിനിമ ഏറെ പ്രതീക്ഷയോടെ കാത്തിരിക്കുന്ന ബ്രഹ്മാണ്ഡ ചിത്രമാണ് 2.0. രജിനികാന്തിനെ നായകനാക്കി ഷങ്കറാണ് ചിത്രം സംവിധാനം ചെയ്യുന്നത്. ഗ്രാഫിക്സ് വർക്കുകൾക്ക് ഏറെ പ്രാധാന്യമുള്ള ചിത്രത്തിന്റെ മുതൽ മുടക്കിനെ കുറിച്ചു അണിയറ പ്രവർത്തകർ പുറത്തുവിട്ടിരിക്കുകയാണ്.
500 കോടിയോളം ബഡ്ജറ്റിൽ ഇന്ത്യയിൽ ഇറങ്ങുന്ന ഏറ്റവും ചിലവേറിയ ചിത്രമായിരിക്കും 2.0. ബാഹുബലി എന്ന സിനിമയുടെ ബഡ്ജറ്റിനേക്കാൾ ഗ്രാഫിക്സ് വർക്കിന് മാത്രമായി 2.0യ്ക്ക് ചിലവായിട്ടുണ്ട്. 225 കോടിയോളം രൂപയാണ് ഗ്രാഫിക്സ് വർക്കിന് വേണ്ടി മാത്രമായി ഷങ്കർ മാറ്റിവെച്ചത്. ചിത്രത്തിന്റെ പൂർണതയ്ക്ക് വേണ്ടി ഒരു വര്ഷത്തോളം ഗ്രാഫിക്സ് വേണ്ടി മാറ്റി വെക്കുകയായിരുന്നു. ഗ്രാഫിക്സ് വർക്കുകൾ കാരണമാണ് ചിത്രത്തിന്റെ ബഡ്ജറ്റ് പ്രതീക്ഷിച്ചതിലും മുകളിൽ വന്നതെന്ന് സംവിധായകൻ അടുത്തിടെ ഒരു അഭിമുഖത്തിൽ പറയുകയുണ്ടായി. ബാഹുബലിയുടെ രണ്ട് ഭാഗങ്ങളെക്കാൾ ബഡ്ജറ്റ് രജനികാന്ത് ചിത്രമായ 2.0യ്ക്കുണ്ട് എന്നത് മറ്റൊരു രസകരമായ ഒരു കാര്യം തന്നെയാണ്. മുഴുനീള 3ഡി ചിത്രമായിട്ടാണ് ചിത്രം ഒരുക്കിയിരിക്കുന്നത്. സയൻസ് ഫിക്ഷൻ ത്രില്ലർ എന്ന ജോണറിലാണ് ചിത്രം അണിയിച്ചൊരുക്കിയിരിക്കുന്നത്. 2.0 യിൽ എമി ജാക്സനാണ് നായിക വേഷം കൈകാര്യം ചെയ്യുന്നത്. ബോളിവുഡ് താരം അക്ഷയ് കുമാറാണ് പ്രതിനായകനായി ചിത്രത്തിൽ പ്രത്യക്ഷപ്പെടുന്നത്. എ. ആർ റഹ്മാനാണ് സിനിമയുടെ സംഗീതം ഒരുക്കിയിരിക്കുന്നത്. നീരവ് ഷായാണ് ഛായാഗ്രഹണം നിർവഹിച്ചിരിക്കുന്നത്. എഡിറ്റിംഗ് വർക്കുകൾ കൈകാര്യം ചെയ്തിരിക്കുന്നത് ആന്റണിയാണ്. ലൈക്കാ പ്രൊഡക്ഷന്റെ ബാനറിൽ അള്ളിരാജാ സുഭാസ്കരനും രാജു മഹാലിംങ്കവും ചേർന്നാണ് ചിത്രം നിർമ്മിച്ചിരിക്കുന്നത്. നവംബർ 29ന് വമ്പൻ റിലീസോട് കൂടി ചിത്രം പ്രദർശനത്തിനെത്തും.
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
This website uses cookies.