ശിക്കാരി ശംഭുവിന്റെ അമ്പതാം ദിന ആഘോഷത്തിൽ ഗിറ്റാർ വായിച്ചു പ്രേക്ഷകരെ ഞെട്ടിച്ചു കുഞ്ചാക്കോ ബോബൻ..!

കുഞ്ചാക്കോ ബോബൻ നായകനായ ശിക്കാരി ശംഭു എന്ന ചിത്രത്തിന്റെ അൻപതാം ദിന വിജയാഘോഷ ചടങ്ങു കഴിഞ്ഞ ദിവസം എറണാകുളം ലുലു മാളിൽ വെച്ച് നടന്നു. സുഗീത് സംവിധാനം ചെയ്തു നിഷാദ് കോയ രചിച്ച ഈ ചിത്രം നിർമ്മിച്ചത് ഏയ്ഞ്ചൽ മരിയ ഫിലിംസിന്റെ ബാനറിൽ എസ് കെ ലോറൻസ് ആണ് . ചാക്കോച്ചനൊപ്പം വിഷ്ണു ഉണ്ണികൃഷ്ണൻ, ഹാരിഷ് കണാരൻ എന്നിവരും പ്രധാന വേഷത്തിൽ എത്തിയ ഈ ചിത്രത്തിൽ ശിവദാ, അൽഫോൻസാ എന്നിവരാണ് നായികാ വേഷങ്ങളിൽ എത്തിയത്.

ഇവരെ കൂടാതെ കൃഷ്ണ കുമാർ, സലിം കുമാർ, ജോണി ആന്റണി, മണിയൻ പിള്ള രാജു, അജി ജോൺ, സ്ഫടികം ജോർജ് എന്നിവരും ഈ ചിത്രത്തിൽ അഭിനയിച്ചിട്ടുണ്ട്. ഇന്നലെ നടന്ന വിജയാഘോഷ ചടങ്ങിൽ പ്രേക്ഷകരെ ഞെട്ടിച്ചത് കുഞ്ചാക്കോ ബോബൻ ആണ്. അവിടെ കൂടിയ പ്രേക്ഷകരെ അത്ഭുതപ്പെടുത്തിക്കൊണ്ടാണ് കുഞ്ചാക്കോ ബോബൻ ഒരു ഗാനം ഗിറ്റാറിൽ വായിച്ചത്.

യാത്ര എന്ന സിനിമയിലെ തന്നന്നം താനന്നം താളത്തിലാടി എന്ന ഗാനത്തിന്റെ വരികൾ ആണ് കുഞ്ചാക്കോ ബോബൻ ഗിറ്റാറിൽ വായിച്ചതു. കുഞ്ചാക്കോ ബോബനെ കൂടാതെ ശിവദാ, അൽഫോൻസാ, സ്ഫടികം ജോർജ്, സംവിധായകൻ സുഗീത് എന്നിവരും മറ്റു അണിയറ പ്രവർത്തകരും വിജയാഘോഷ ചടങ്ങിൽ എത്തിയിരുന്നു. ശ്രീജിത്ത് സംഗീതമൊരുക്കിയ ഈ ചിത്രത്തിന് ദൃശ്യങ്ങൾ നൽകിയത് ഫൈസൽ അലി ആണ്.

പുലി ശല്യം അനുഭവപ്പെടുന്ന കുരുതിമലക്കാവ് എന്ന ഒരു ഗ്രാമത്തിൽ പുലിയെ പിടിക്കാൻ ആയി നാട്ടുകാർ കൊണ്ട് വരുന്ന ഫിലിപ്പോസ് അഥവാ പീലി എന്നറിയപ്പെടുന്ന കഥാപാത്രം ആയാണ് ഈ ചിത്രത്തിൽ കുഞ്ചാക്കോ ബോബൻ അഭിനയിച്ചത്. ഫിലിപ്പോസിന്റെ സന്തത സഹചാരികൾ ആയ അച്ചു, ഷാജി എന്നീ കഥാപാത്രങ്ങൾ ആയാണ് വിഷ്ണു ഉണ്ണികൃഷ്ണനും ഹരീഷ് കണാരനും അഭിനയിച്ചത്.

ചിത്രങ്ങൾ കാണാം