സ്റ്റൈലിഷ് ലുക്കിൽ അന്ന ബെൻ; വൈറൽ ആയി ഫോട്ടോഷൂട്ട് ചിത്രങ്ങൾ..!

മലയാളത്തിലെ പ്രശസ്ത യുവ നടിയും, സൂപ്പർ ഹിറ്റ് രചയിതാവ് ബെന്നി പി നായരമ്പലത്തിന്റെ മകളുമായ അന്ന ബെൻ ഇപ്പോൾ ഒരുപിടി മികച്ച ചിത്രങ്ങളുമായി തിരക്കിലാണ്. കുമ്പളങ്ങി നൈറ്റ്‌സ്, ഹെലൻ, കപ്പേള എന്നീ ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസയാണ് ഈ നടി നേടിയെടുത്തത്. അതിനു ശേഷം അടുത്തിടെ റിലീസ് ചെയ്ത നാരദൻ എന്ന ടോവിനോ തോമസ്- ആഷിഖ് അബു ചിത്രത്തിലെ വക്കീൽ വേഷവും അന്ന മനോഹരമായ രീതിയിൽ ആണ് അവതരിപ്പിച്ചത്. ഈ വരുന്ന വെള്ളിയാഴ്ച അന്ന നായികാ വേഷം ചെയ്യുന്ന നൈറ്റ് ഡ്രൈവ് എന്ന ചിത്രവും റിലീസ് ചെയ്യാൻ പോവുകയാണ്.

റോഷൻ മാത്യു, ഇന്ദ്രജിത്ത് എന്നിവരും അഭിനയിച്ച ഈ വൈശാഖ് ചിത്രത്തിൽ ഒരു മാധ്യമ പ്രവർത്തക ആയാണ് അന്ന ബെൻ അഭിനയിച്ചിരിക്കുന്നത്. ഇപ്പോഴിതാ സോഷ്യൽ മീഡിയയിൽ വൈറൽ ആവുന്നത് അന്ന ബെന്നിന്റെ ഏറ്റവും പുതിയ ഫോട്ടോഷൂട്ട് ചിത്രങ്ങൾ ആണ്. വളരെ സ്റ്റൈലിഷ് ആയും ഗ്ലാമറസ് ആയും ആണ് അന്ന ഈ ചിത്രങ്ങളിൽ പ്രത്യക്ഷപ്പെട്ടിരിക്കുന്നത്. മോഡേണ് ആയും പ്രത്യക്ഷപ്പെടാറുള്ള അന്നയുടെ ചിത്രങ്ങൾക്ക് സോഷ്യൽ മീഡിയയിൽ വലിയ സ്വീകാര്യത ആണ് ലഭിക്കാറുള്ളത്. സോഷ്യൽ മീഡിയയിലും വളരെ സജീവമാണ് ഈ നടി. ഏതായാലും വളരെ കുറച്ചു കാലം കൊണ്ട് തന്നെ വലിയ പ്രേക്ഷക ശ്രദ്ധ നേടിയ ഈ നടിയുടെ ഓരോ ചിത്രങ്ങളും ഏറെ പ്രതീക്ഷകളോടെയാണ് ആരാധകർ കാത്തിരിക്കുന്നത്. പേരിടാത്ത രഞ്ജൻ പ്രമോദ് ചിത്രം, എന്നിട്ട് അവസാനം എന്നീ ചിത്രങ്ങൾ ആണ് ഇനി വരാനുള്ള രണ്ടു അന്ന ബെൻ ചിത്രങ്ങൾ. ഇത് രണ്ടും ഇപ്പോൾ ചിത്രീകരണ സ്റ്റേജിലാണ്.

ഫോട്ടോ കടപ്പാട്: Vasanth Kumar