ഹേ ജൂഡ് വിജയാഘോഷത്തിൽ പങ്കെടുത്തു താരങ്ങൾ ..ചിത്രങ്ങൾ കാണാം

നിവിൻ പോളിയുടെ ഈ വർഷത്തെ ആദ്യ റിലീസ് ആയ ഹേ ജൂഡ് എന്ന ചിത്രത്തിന്റെ വിജയാഘോഷം കൊച്ചിയിലെ ലുലു മാളിലെ പി വി ആറിൽ വെച്ച് നടന്നു. ശ്യാമ പ്രസാദ് സംവിധാനം ചെയ്ത ഈ ചിത്രം മികച്ച പ്രതികരണം നേടി ബോക്സ് ഓഫീസിൽ മുന്നേറുകയാണ്. നിവിൻ പോളിയുടെയും സിദ്ദിക്കിന്റെയും പ്രകടനത്തിനാണ് ഏറ്റവും കൂടുതൽ കയ്യടി ലഭിക്കുന്നത്.

തെന്നിന്ത്യൻ താര സുന്ദരി തൃഷയാണ് ഈ ചിത്രത്തിൽ നായികാ വേഷത്തിലെത്തിയത്. വിജയ് മേനോൻ, നീന കുറുപ്പ് എന്നിവരും, അതുപോലെ അതിഥി വേഷത്തിലെത്തിയ അജു വർഗീസും ഈ ചിത്രത്തിൽ മികച്ച പ്രകടനം തന്നെ കാഴ്ച വെച്ചു. ഈ ചിത്രത്തിന്റെ വിജയാഘോഷത്തിൽ പങ്കെടുക്കാൻ വലിയ താര നിര തന്നെയാണ് ലുലുവിൽ എത്തിച്ചേർന്നത്.

നിവിൻ പോളി, സംവിധായകൻ ശ്യാമ പ്രസാദ്, സംവിധായകൻ വൈശാഖ്, തിരക്കഥാകൃത് ഉദയ കൃഷ്ണ, മ്യൂസിക് ഡയറക്ടർ ഗോപി സുന്ദർ, നടിയും സംവിധായികയുമായ ഗീതു മോഹൻദാസ്, , മധുപാൽ, ദിനേശ് പ്രഭാകർ, അജു വർഗീസ്, പാർവതി, റെജിഷ വിജയൻ, നിർമ്മൽ സഹദേവ, മിഥുൻ മാനുവൽ തോമസ്, എം വി നികേഷ് കുമാർ, സാജിദ് യഹിയ, ധന്യ വർമ്മ എന്നിവരൊക്കെയാണ് ഹേ ജൂഡ് വിജയാഘോഷത്തിനു എത്തിച്ചേർന്ന പ്രമുഖർ.

അമ്പലക്കര ഗ്ലോബൽ ഫില്മിസിന്റെ ബാനറിൽ അനിൽ കുമാർ ആണ് ഈ ചിത്രം നിർമ്മിച്ചിരിക്കുന്നത്. ഗിരീഷ് ഗംഗാധരൻ കാമറ ചലിപ്പിച്ച ഈ ചിത്രത്തിൽ രാഹുൽ രാജ്, ഔസേപ്പച്ചൻ, ഗോപി സുന്ദർ, എം ജയചന്ദ്രൻ എന്നിവർ ചേർന്നാണ് സംഗീതം ഒരുക്കിയത്. ഇ ഫോർ എന്റർടൈൻമെന്റ് ഈ ചിത്രം കേരളത്തിൽ വിതരണം ചെയ്തു.

ചിത്രങ്ങൾ കാണാം