യുവ താരം ടോവിനോ തോമസിനെ നായകനാക്കി ഖാലിദ് റഹ്മാൻ ഒരുക്കിയ ഏറ്റവും പുതിയ ചിത്രമാണ് തല്ലുമാല. കഴിഞ്ഞ മാസം റിലീസ് ചെയ്ത ഈ ചിത്രം സൂപ്പർ വിജയമാണ് നേടിയത്. കല്യാണി പ്രിയദർശനാണ് ഈ ചിത്രത്തിലെ നായികാ വേഷം ചെയ്തത്. യുവ പ്രേക്ഷകരെ കൂടുതലായി ആകർഷിച്ച ഈ ചിത്രം ടോവിനോ തോമസിന്റെ കരിയറിലെ തന്നെ ഏറ്റവും വലിയ വിജയമായി മാറി. ഇപ്പോഴിതാ ഈ ചിത്രത്തിന്റെ ഒരു മാസത്തെ കളക്ഷൻ റിപ്പോർട്ടും ഈ ചിത്രം നടത്തിയ ടോട്ടൽ ബിസിനസ്സും ഒഫീഷ്യലായി തന്നെ പുറത്തു വിട്ടിരിക്കുകയാണ് ഇതിന്റെ അണിയറ പ്രവർത്തകർ. 71 കോടിക്ക് മുകളിലാണ് ഈ ചിത്രം ആകെ നടത്തിയ ബിസിനസ്സ് എന്നാണ് അവർ പുറത്തു വിട്ടിരിക്കുന്നത്. ഇതിന്റെ ആഗോള ഗ്രോസ് 46 കോടിയോളമാണെന്നു ട്രേഡ് അനലിസ്റ്റുകളും റിപ്പോർട്ട് ചെയ്തിരുന്നു. ഏതായാലും ഈ വർഷത്തെ ഏറ്റവും വലിയ വിജയങ്ങളിലൊന്നായി തല്ലുമാല മാറിക്കഴിഞ്ഞു. ഇപ്പോഴും തീയേറ്ററുകളിൽ തുടരുന്ന ഈ ചിത്രം വരുന്ന ഞായറാഴ്ച മുതൽ നെറ്റ്ഫ്ലിക്സിലും സ്ട്രീം ചെയ്തു തുടങ്ങും.
അനുരാഗ കരിക്കിൻ വെള്ളം, ഉണ്ട എന്നിവക്ക് ശേഷം ഖാലിദ് റഹ്മാൻ ഒരുക്കിയ ചിത്രമാണിത്. മുഹ്സിന് പരാരിയും അഷ്റഫ് ഹംസയും ചേര്ന്ന് രചന നിർവഹിച്ചിരിക്കുന്ന ഈ ചിത്രത്തിന് ക്യാമറ ചലിപ്പിച്ചത് ജിംഷി ഖാലിദാണ്. ലുക്മാന്, ചെമ്പന് വിനോദ് ജോസ്, ജോണി ആന്റണി, ഓസ്റ്റിന്, അസിം ജമാല് എന്നിവരാണ് ആഷിക് ഉസ്മാൻ നിർമിച്ചിരിക്കുന്ന ഈ ചിത്രത്തിലെ മറ്റു പ്രധാന താരങ്ങൾ. വിഷ്ണു വിജയ് സംഗീതം നൽകിയ ഈ ചിത്രം എഡിറ്റ് ചെയ്തിരിക്കുന്നത് നിഷാദ് യൂസഫാണ്. ഇതിലെ ഗാനങ്ങളും സൂപ്പർ ഹിറ്റായി മാറിയിരുന്നു.
ലിസ്റ്റിൻ സ്റ്റീഫൻ-അരുൺ വർമ - ബോബി സഞ്ജയ് കോമ്പോ ഒരുക്കുന്ന ചിത്രം "ബേബി ഗേൾ " ന്റെ ഷൂട്ടിംഗ് തിരുവനന്തപുരത്ത്…
ബ്ലോക്ബസ്റ്റർ ചിത്രം തല്ലുമാലയ്ക്ക് ശേഷം നസ്ലിൻ, ഗണപതി, ലുക്ക്മാൻ, സന്ദീപ് പ്രദീപ എന്നിവരെ പ്രധാന കഥാപാത്രങ്ങളാക്കി ഖാലിദ് റഹ്മാൻ സംവിധാനം…
ബേസിൽ ജോസഫ് പ്രധാന വേഷത്തിലെത്തുന്ന 'മരണമാസ്സ്' സിനിമയുടെ ട്രെയ്ലർ പുറത്തിറങ്ങി. വിഷു റിലീസായി എത്തുന്ന "മരണ മാസ്സ്" ബേസിൽ ജോസഫിന്റെ…
ആസിഫ് അലിയെ നായകനാക്കി താമർ സംവിധാനം ചെയ്ത് അജിത് വിനായക നിർമ്മിക്കുന്ന ചിത്രം" സർക്കീട്ടിന്റെ "റിലീസ് ഡേറ്റ് പ്രഖ്യാപിച്ചു. മെയ്…
ചിത്രത്തിലെ ചില രംഗങ്ങൾ സംബന്ധിച്ച രാഷ്ട്രീയ വിവാദങ്ങളും റീ സെൻസറിംഗും വ്യാജ പ്രിന്റ് പ്രചാരണവും എല്ലാം ഒരു വശത്തു നടക്കുമ്പോഴും…
എസ് യു അരുൺകുമാർ സംവിധാനം ചെയ്ത ചിയാൻ ചിത്രം വീര ധീര ശൂരൻ കേരളത്തിൽ പ്രേക്ഷകരുടെയും നിരൂപകരുടെയും മുക്തകണ്ഠമായ പ്രശംസ…
This website uses cookies.