മാസ്റ്റർ ഡയറക്ടർ ഷാജി കൈലാസിന്റെ സംവിധാനത്തിൽ, യുവ സൂപ്പർ താരം പൃഥ്വിരാജ് സുകുമാരൻ നായകനായി എത്തിയ ഏറ്റവും പുതിയ ചിത്രമായ കടുവ ബ്ലോക്ക്ബസ്റ്റർ വിജയമാണ് നേടുന്നത്. ജിനു എബ്രഹാം രചിച്ച ഈ മാസ്സ് ആക്ഷൻ എന്റെർറ്റൈനെർ പൃഥ്വിരാജ് പ്രൊഡക്ഷൻസ്, മാജിക് ഫ്രെയിംസ് എന്നിവയുടെ ബാനറിൽ സുപ്രിയ മേനോൻ, ലിസ്റ്റിൻ സ്റ്റീഫൻ എന്നിവർ ചേർന്നാണ് നിർമ്മിച്ചത്. മികച്ച പ്രേക്ഷക പ്രതികരണം നേടിയ ഈ ചിത്രത്തിന്റെ ആദ്യ നാലു ദിവസത്തെ ആഗോള കളക്ഷൻ റിപ്പോർട്ട് പുറത്ത് വന്നിരിക്കുകയാണ്. ആദ്യ നാലു ദിവസം കൊണ്ട് ഈ ചിത്രം നേടിയ ആഗോള കളക്ഷൻ ഇരുപത്തിയഞ്ചു കോടിക്ക് മുകളിലാണെന്നു സിനിമയുമായി അടുത്ത വൃത്തങ്ങൾ പുറത്തു വിട്ടിരിക്കുകയാണ്. കഴിഞ്ഞ വ്യാഴാഴ്ച റിലീസ് ചെയ്ത ഈ ചിത്രത്തിന് നാലു ദിവസത്തെ ഓപ്പണിങ് വീക്കെൻഡ് ആണ് ലഭിച്ചത്.
ഇതിനു തൊട്ടു മുൻപ് റിലീസ് ചെയ്ത് ബ്ലോക്ക്ബസ്റ്റർ വിജയം നേടിയ പൃഥ്വിരാജ് ചിത്രമായ ജനഗണമന ആദ്യ എട്ടു ദിവസം കൊണ്ട് നേടിയ കളക്ഷനാണ് കടുവ ആദ്യ നാലു ദിവസം കൊണ്ട് നേടിയിരിക്കുന്നത്. പ്രതികൂലമായ കാലാവസ്ഥയിലും നിറഞ്ഞ സദസ്സിലാണ് ഈ ചിത്രം പ്രദർശിപ്പിക്കുന്നത്. കേരളത്തിനൊപ്പം തന്നെ ഗൾഫ് മാർക്കറ്റിലും ഗംഭീര കളക്ഷനാണ് ഈ ചിത്രം നേടിക്കൊണ്ടിരിക്കുന്നത്. തമിഴ്, തെലുങ്ക്, കന്നഡ, ഹിന്ദി ഭാഷകളിലും റിലീസ് ചെയ്തിരിക്കുന്ന കടുവ പൃഥ്വിരാജ് സുകുമാരന്റെ കരിയറിലെ തന്നെ ഏറ്റവും വലിയ ഓപ്പണിങ് ആണ് നേടിയത്. ബോളിവുഡ് താരം വിവേക് ഒബ്റോയ് വില്ലൻ വേഷത്തിലെത്തിയ ഈ ചിത്രത്തിലെ നായികാ വേഷം ചെയ്തത് സംയുക്ത മേനോൻ ആണ്.
ലിസ്റ്റിൻ സ്റ്റീഫൻ-അരുൺ വർമ - ബോബി സഞ്ജയ് കോമ്പോ ഒരുക്കുന്ന ചിത്രം "ബേബി ഗേൾ " ന്റെ ഷൂട്ടിംഗ് തിരുവനന്തപുരത്ത്…
ബ്ലോക്ബസ്റ്റർ ചിത്രം തല്ലുമാലയ്ക്ക് ശേഷം നസ്ലിൻ, ഗണപതി, ലുക്ക്മാൻ, സന്ദീപ് പ്രദീപ എന്നിവരെ പ്രധാന കഥാപാത്രങ്ങളാക്കി ഖാലിദ് റഹ്മാൻ സംവിധാനം…
ബേസിൽ ജോസഫ് പ്രധാന വേഷത്തിലെത്തുന്ന 'മരണമാസ്സ്' സിനിമയുടെ ട്രെയ്ലർ പുറത്തിറങ്ങി. വിഷു റിലീസായി എത്തുന്ന "മരണ മാസ്സ്" ബേസിൽ ജോസഫിന്റെ…
ആസിഫ് അലിയെ നായകനാക്കി താമർ സംവിധാനം ചെയ്ത് അജിത് വിനായക നിർമ്മിക്കുന്ന ചിത്രം" സർക്കീട്ടിന്റെ "റിലീസ് ഡേറ്റ് പ്രഖ്യാപിച്ചു. മെയ്…
ചിത്രത്തിലെ ചില രംഗങ്ങൾ സംബന്ധിച്ച രാഷ്ട്രീയ വിവാദങ്ങളും റീ സെൻസറിംഗും വ്യാജ പ്രിന്റ് പ്രചാരണവും എല്ലാം ഒരു വശത്തു നടക്കുമ്പോഴും…
എസ് യു അരുൺകുമാർ സംവിധാനം ചെയ്ത ചിയാൻ ചിത്രം വീര ധീര ശൂരൻ കേരളത്തിൽ പ്രേക്ഷകരുടെയും നിരൂപകരുടെയും മുക്തകണ്ഠമായ പ്രശംസ…
This website uses cookies.