മലയാളത്തിന്റെ മഹാനടൻ മോഹൻലാൽ നായകനായി എത്തിയ ഏറ്റവും പുതിയ ചിത്രമായ നേര് മെഗാ ബ്ലോക്ക്ബസ്റ്റർ വിജയം നേടി തീയേറ്ററുകളിൽ പ്രദർശനം തുടരുകയാണ്. നാലാം വാരത്തിലേക്ക് പ്രവേശിച്ചപ്പോഴും കേരളത്തിലെ 160 ഓളം സ്ക്രീനുകളിൽ തുടരുന്ന ഈ ചിത്രം ഇതിനോടകം 85 കോടിയുടെ ആഗോള ഗ്രോസ് ആണ് നേടിയത്. 2018 , പുലി മുരുകൻ, ലൂസിഫർ എന്നിവ കഴിഞ്ഞാൽ ഏറ്റവും വലിയ ആഗോള ഗ്രോസ് നേടിയ മലയാള ചിത്രമായി നേര് മാറിക്കഴിഞ്ഞു. ആർഡിക്സ്, ഭീഷ്മ പർവ്വം എന്നീ ചിത്രങ്ങളെയാണ് നേര് മറികടന്നത്. 46 കോടിയോളം കേരളാ ഗ്രോസ് നേടിയ ഈ ചിത്രത്തിന്റെ റസ്റ്റ് ഓഫ് ഇന്ത്യ ഗ്രോസ് അഞ്ചര കോടിയും പിന്നിട്ടാണ് മുന്നോട്ട് നീങ്ങുന്നത്. വിദേശത്ത് നിന്ന് 4 മില്യൺ ഡോളർ എന്ന കളക്ഷൻ മാർക്കിലേക്ക് കുതിക്കുന്ന നേരിന്, ഇതിനോടകം 33 കോടിയോളമാണ് വിദേശ കളക്ഷനായി ലഭിച്ചിരിക്കുന്നത്. ഏറ്റവും പുതിയ റിപ്പോർട്ടുകൾ പ്രകാരം ആകെ മൊത്തമുള്ള നേരിന്റെ ബിസിനസ്സ് 100 കോടി പിന്നിട്ടു കഴിഞ്ഞു.
സാറ്റലൈറ്റ് അവകാശം, ഒറ്റിറ്റി അവകാശം, മറ്റ് അവകാശങ്ങൾ എന്നിവയുടെ വില്പനയിലൂടെ ലഭിച്ച വരുമാനവും കൂടി ചേർത്താണ് നേര് 100 കോടിയുടെ ആഗോള വരുമാനം എന്ന നേട്ടത്തിൽ തൊട്ടത്. 140 കോടിയോളം ആഗോള തീയേറ്റർ ഗ്രോസ് നേടിയ പുലി മുരുകൻ, 128 കോടിയോളം ഗ്രോസ് നേടിയ ലൂസിഫർ എന്നിവയാണ് തീയേറ്റർ കളക്ഷനിൽ 100 കോടി പിന്നിട്ട മോഹൻലാൽ ചിത്രങ്ങൾ. നേര് കൂടാതെ ആഗോള ബിസിനസായി 100 കോടിയോളം നേടിയ മറ്റ് മലയാള ചിത്രങ്ങൾ ഭീഷ്മ പർവ്വം, ആർഡിഎക്സ്, കുറുപ്പ്, കണ്ണൂർ സ്ക്വാഡ്, എന്നിവയാണ്. ജീത്തു ജോസഫ് സംവിധാനം ചെയ്ത നേര് നിർമ്മിച്ചത് ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂരാണ്. നൂറ് കോടിയുടെ നേട്ടം കൈവരിച്ച മലയാള ചിത്രങ്ങളിൽ ഏറ്റവും കുറഞ്ഞ മുതൽ മുടക്കിൽ നിർമ്മിച്ച ചിത്രമെന്ന ബഹുമതിയും നേരിനാണ്. കേരളത്തിൽ നിന്ന് ഏറ്റവും കൂടുതൽ ഗ്രോസ് നേടിയ മലയാള ചിത്രങ്ങളുടെ പട്ടികയിൽ 2018 (89 കോടി), പുലിമുരുകൻ (86 കോടി), ലൂസിഫർ (66 കോടി), ആർഡിഎക്സ് (52 കോടി) എന്നിവ കഴിഞ്ഞാൽ നിലവിൽ 46 കോടി നേടി അഞ്ചാം സ്ഥാനത്താണ് ഈ മോഹൻലാൽ – ജീത്തു ജോസഫ് ചിത്രം.
ലിസ്റ്റിൻ സ്റ്റീഫൻ-അരുൺ വർമ - ബോബി സഞ്ജയ് കോമ്പോ ഒരുക്കുന്ന ചിത്രം "ബേബി ഗേൾ " ന്റെ ഷൂട്ടിംഗ് തിരുവനന്തപുരത്ത്…
ബ്ലോക്ബസ്റ്റർ ചിത്രം തല്ലുമാലയ്ക്ക് ശേഷം നസ്ലിൻ, ഗണപതി, ലുക്ക്മാൻ, സന്ദീപ് പ്രദീപ എന്നിവരെ പ്രധാന കഥാപാത്രങ്ങളാക്കി ഖാലിദ് റഹ്മാൻ സംവിധാനം…
ബേസിൽ ജോസഫ് പ്രധാന വേഷത്തിലെത്തുന്ന 'മരണമാസ്സ്' സിനിമയുടെ ട്രെയ്ലർ പുറത്തിറങ്ങി. വിഷു റിലീസായി എത്തുന്ന "മരണ മാസ്സ്" ബേസിൽ ജോസഫിന്റെ…
ആസിഫ് അലിയെ നായകനാക്കി താമർ സംവിധാനം ചെയ്ത് അജിത് വിനായക നിർമ്മിക്കുന്ന ചിത്രം" സർക്കീട്ടിന്റെ "റിലീസ് ഡേറ്റ് പ്രഖ്യാപിച്ചു. മെയ്…
ചിത്രത്തിലെ ചില രംഗങ്ങൾ സംബന്ധിച്ച രാഷ്ട്രീയ വിവാദങ്ങളും റീ സെൻസറിംഗും വ്യാജ പ്രിന്റ് പ്രചാരണവും എല്ലാം ഒരു വശത്തു നടക്കുമ്പോഴും…
എസ് യു അരുൺകുമാർ സംവിധാനം ചെയ്ത ചിയാൻ ചിത്രം വീര ധീര ശൂരൻ കേരളത്തിൽ പ്രേക്ഷകരുടെയും നിരൂപകരുടെയും മുക്തകണ്ഠമായ പ്രശംസ…
This website uses cookies.