മലയാളത്തിന്റെ മഹാനടൻ മമ്മൂട്ടി നായകനായ കണ്ണൂർ സ്ക്വാഡ് ഗംഭീര പ്രേക്ഷക പ്രതികരണം നേടി പ്രദർശനം തുടരുകയാണ്. ബോക്സ് ഓഫീസിൽ മികച്ച കുതിപ്പ് നടത്തുന്ന ഈ ചിത്രം ഒൻപത് ദിവസം പിന്നിടുമ്പോൾ മറ്റൊരു നേട്ടം കൂടി സ്വന്തമാക്കിയിരിക്കുകയാണ്. ആഗോള ബോക്സ് ഓഫീസിൽ നിന്ന് 50 കോടി രൂപയുടെ ഗ്രോസ് കളക്ഷനാണ് ഇതിനോടകം ഈ ചിത്രം നേടിയത്. കഴിഞ്ഞ വർഷവും ഭീഷ്മ പർവ്വം എന്ന അമൽ നീരദ് ചിത്രത്തിലൂടെയും മമ്മൂട്ടി 50 കോടി ആഗോള ഗ്രോസ് നേടിയിരുന്നു. ഏറ്റവും വേഗത്തിൽ 50 കോടി നേടുന്ന മലയാള ചിത്രങ്ങളുടെ ലിസ്റ്റിൽ, ലൂസിഫർ, കുറുപ്പ്, ഭീഷ്മ പർവ്വം, 2018 , ആർഡിഎക്സ് എന്നിവക്ക് പിന്നിലായി കണ്ണൂർ സ്ക്വാഡ് സ്ഥാനം ഉറപ്പിച്ചു കഴിഞ്ഞു. അത് കൂടാതെ ഈ വർഷം 50 കോടിക്ക് മുകളിൽ ആഗോള ഗ്രോസ് നേടുന്ന നാലാമത്തെ മലയാള ചിത്രം കൂടിയാണ് കണ്ണൂർ സ്ക്വാഡ്.
രോമാഞ്ചം, 2018 , ആർഡിഎക്സ് എന്നിവയാണ് ഈ വർഷം ഈ നേട്ടം കൈവരിച്ച മറ്റ് മലയാള ചിത്രങ്ങൾ. നവാഗതനായ റോബി വർഗീസ് രാജ് സംവിധാനം ചെയ്ത ഈ ചിത്രം നിർമ്മിച്ചിരിക്കുന്നത് മമ്മൂട്ടി കമ്പനിയുടെ ബാനറിൽ മമ്മൂട്ടി തന്നെയാണ്. മമ്മൂട്ടി കമ്പനിയുടെ ബാനറിൽ അദ്ദേഹം നിർമ്മിച്ചതിൽ ഏറ്റവും വലിയ ഹിറ്റും കൂടിയാണ് കണ്ണൂർ സ്ക്വാഡ്. നാല്പത് കോടിയോളം ആഗോള ഗ്രോസ് നേടിയ മമ്മൂട്ടി കമ്പനിയുടെ റോഷാക്കിനെയാണ് കണ്ണൂർ സ്ക്വാഡ് പിന്തള്ളിയത്. റോണി ഡേവിഡ് രാജ്, മുഹമ്മദ് റാഫി എന്നിവർ ചേർന്ന് രചിച്ച ഈ റിയലിസ്റ്റിക് ക്രൈം ഇൻവെസ്റ്റിഗേഷൻ ത്രില്ലറിൽ മമ്മൂട്ടിയോടൊപ്പം അസീസ് നെടുമങ്ങാട്, ശബരീഷ് വർമ്മ, റോണി ഡേവിഡ് രാജ്, വിജയരാഘവൻ, കിഷോർ എന്നിവരും പ്രധാന വേഷങ്ങൾ ചെയ്തിട്ടുണ്ട്.
‘കച്ചി സേര’, ‘ആസ കൂട’, ‘സിത്തിര പൂത്തിരി’ എന്നീ ഗാനങ്ങളിലൂടെ ചുരുങ്ങിയ കാലത്തിനുള്ളിൽ സോഷ്യൽ മീഡിയ സെൻസേഷനായി മാറിയ സായ്…
ശ്രീ ഗോകുലം മൂവീസിന്റെ ബാനറിൽ ഗോകുലം ഗോപാലൻ നിർമ്മിക്കുന്ന ദിലീപ് ചിത്രം 'ഭ.ഭ.ബ' യുടെ ഓവർസീസ് വിതരണാവകാശം റെക്കോർഡ് തുകക്ക്…
കേരളത്തിലെ സിനിമാ വിതരണക്കാരുടെ സംഘടനയായ ഫിലിം ഡിസ്ട്രിബ്യൂട്ടേഴ്സ് അസോസിയേഷന്റെ പ്രസിഡന്റായി 3-ാം തവണയും ലിസ്റ്റിൻ സ്റ്റീഫൻ തിരഞ്ഞെടുക്കപ്പെട്ടു. വൈസ് പ്രസിഡന്റായി…
ഇപ്പോൾ കേരളം നേരിടുന്ന സാമൂഹിക പ്രശ്നങ്ങളിൽ ഒന്നാണ് വിദേശരാജ്യങ്ങളിലേക്ക് നമ്മുടെ യുവതലമുറയുടെ പാലായനം. സാമ്പത്തിക സുസ്ഥിരത നേടാൻ യുവതലമുറ തെരഞ്ഞെടുക്കുന്ന…
ഇന്ന് കേരകത്തിൽ പ്രദർശനം ആരംഭിച്ച പ്രധാന മലയാള ചിത്രങ്ങളിൽ ഒന്നാണ് പ്രശസ്ത സംവിധായകനായ അരുൺ വൈഗ സംവിധാനം ചെയ്ത യുണൈറ്റഡ്…
പ്രശസ്ത സംവിധായകൻ അരുൺ വൈഗ ഒരുക്കിയ യുണൈറ്റഡ് കിങ്ഡം ഓഫ് കേരള ഇന്ന് മുതൽ കേരളത്തിൽ പ്രദർശനം ആരംഭിക്കും. കേരളത്തിൽ…
This website uses cookies.