കംപ്ലീറ്റ് ആക്ടർ മോഹൻലാൽ നായകനായി എത്തിയ പുതിയ ചിത്രമാണ് ബിഗ് ബ്രദർ. പ്രശസ്ത സംവിധായകൻ സിദ്ദിഖ് രചിച്ചു സംവിധാനം ചെയ്ത ഈ ചിത്രം കുടുംബ പ്രേക്ഷകരുടെ പിന്തുണയോടെ മുന്നേറുകയാണ്. 27 കോടിയോളം മുതൽ മുടക്കി നിർമ്മിച്ച ഈ ചിത്രത്തിന്റെ ആദ്യ 4 ദിവസത്തെ വേൾഡ് വൈഡ് കളക്ഷൻ റിപ്പോർട്ട് അണിയറ പ്രവർത്തർ ഒഫീഷ്യലായി തന്നെ ഇന്ന് പുറത്തു വിട്ടു. ആദ്യ 4 ദിവസം കൊണ്ട് വേൾഡ് വൈഡ് കളക്ഷൻ ആയി ഈ ചിത്രം നേടിയത് പത്തു കോടി അമ്പതു ലക്ഷം രൂപയാണ്. ഇതിൽ പകുതിയും വന്നത് കേരളത്തിൽ നിന്നാണ്. കേരളത്തിനൊപ്പം ഗൾഫിൽ നിന്നും മികച്ച കളക്ഷനാണ് ഈ ചിത്രത്തിന് ലഭിക്കുന്നത്.
ഫാമിലി ഇമോഷനും ആക്ഷനും കോമഡിയും മനോഹര ഗാനങ്ങളുമെല്ലാം കോർത്തിണക്കി സിദ്ദിഖ് ഒരുക്കിയ ഈ ചിത്രം കുടുംബ പ്രേക്ഷകരെയാണ് കൂടുതലാകർഷിക്കുന്നത്. സച്ചിദാനന്ദൻ എന്ന കേന്ദ്ര കഥാപാത്രമായി മികച്ച പ്രകടനം കാഴ്ച വെച്ച മോഹൻലാൽ തന്നെയാണ് ഈ ചിത്രത്തിന്റെ ഹൈലൈറ്റ്. സിദ്ദിഖ്, ജെൻസോ ജോസ്, ഫിലിപ്പോസ് കെ ജോസഫ്, മനു മാളിയേക്കൽ, വൈശാഖ് രാജൻ എന്നിവർ ചേർന്ന് എസ് ടാകീസ്, ഷാമാൻ ഇന്റർനാഷണൽ, വൈശാഖ സിനിമ, കാർണിവൽ എന്നിവയുടെ ബാനറുകളിലാണ് ഈ ചിത്രം നിർമ്മിച്ചിരിക്കുന്നത്. മോഹൻലാലിന് ഒപ്പം ബോളിവുഡ് താരം അര്ബാസ് ഖാൻ, അനൂപ് മേനോൻ, മിർന്ന മേനോൻ, ടിനി ടോം, വിഷ്ണു ഉണ്ണികൃഷ്ണൻ, ഇർഷാദ്, സർജാണോ ഖാലിദ്, ഗാഥാ, നിർമ്മല പാലാഴി, കൊല്ലം സുധി, ജനാർദ്ദനൻ, എന്നിവരും അഭിനയിച്ചിരിക്കുന്ന ഈ ചിത്രത്തിന് സംഗീതമൊരുക്കിയത് ദീപക് ദേവാണ്. ജിത്തു ദാമോദർ ആണ് ഈ ചിത്രത്തിന് വേണ്ടി ക്യാമറ ചലിപ്പിച്ചത്.
ബ്ലോക്ബസ്റ്റർ ഹിറ്റായ കല്യാണി പ്രിയദർശൻ - ഡൊമിനിക് അരുൺ ചിത്രം "ലോക" യുടെ രണ്ടാം ഭാഗത്തിൽ ടോവിനോ തോമസ് നായകനായി…
ഷറഫുദീൻ പ്രൊഡക്ഷൻസിന്റെ ബാനറിൽ ഷറഫുദീൻ നിർമ്മിക്കുന്ന ചിത്രം "പെറ്റ് ഡിറ്റക്ടീവ്" റിലീസിന് ഒരുങ്ങുകയാണ്. ഇപ്പോഴിതാ ചിത്രത്തിൻ്റെ തീം സോങ് പുറത്ത്…
ദേശീയ, സംസ്ഥാന പുരസ്കാരജേതാവായ സെന്ന ഹെഗ്ഡെയുടെ ഏറ്റവും പുതിയ ചിത്രത്തിന്റെ ട്രെയിലർ പുറത്തിറങ്ങി. ‘അവിഹിതം’ എന്ന പേരിൽ പുറത്തിറങ്ങുന്ന ചിത്രത്തിന്റെ…
ദേശീയ പുരസ്കാര ജേതാവായ സംവിധായകൻ സജിൻ ബാബുവിന്റെ പുതിയ ചിത്രം, 'തീയേറ്റർ: ദ മിത്ത് ഓഫ് റിയാലിറ്റി' റഷ്യയിലെ കാസാനിൽ…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ പുറത്ത്.…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ നാളെ…
This website uses cookies.