ഒട്ടേറെ പുതുമുഖങ്ങളാണ് ലില്ലിയിലൂടെ സിനിമ ലോകത്തേക്ക് എത്തുന്നത്. ചിത്രത്തിന് ക്യാമറ ചലിപ്പിച്ചതും ശ്രീരാജ് രവീന്ദ്രൻ എന്ന ഒരു പുതുമുഖ ക്യാമറാമാനാണ്.

ലില്ലിയിലൂടെ ശ്രീരാജിന്റെ ഭാഗ്യം തെളിഞ്ഞു എന്ന് വേണം പറയാൻ. സംവിധായകൻ സെന്ന ഹെഗ്‌ഡെയുടെ പുതിയ കന്നഡ ചിത്രത്തിൽ ശ്രീരാജാണ് ക്യാമറാമാൻ ആകുന്നത്. അതും കന്നഡയിൽ നവ തരംഗം തീർത്ത രക്ഷിത് ഷെട്ടിയുടെ ചിത്രത്തിൽ.. !!

ഇ ഫോർ എക്സ്പെരിമെന്റിന്റെ ‘സാരഥി’യായ സിവി സാരഥിയുടെ നിർദ്ദേശ പ്രകാരം സെന്ന ഹെഗ്‌ഡെ തന്റെ ചിത്രത്തിൽ ശ്രീരാജ് രവീന്ദ്രനെ ക്യാമറാമാൻ ആക്കുകയായിരുന്നു. ആദ്യ ചിത്രം റിലീസിന് ഒരുങ്ങുമ്പോഴാണ് അതിന്റെ നിർമ്മാതാവിൽ നിന്നും ഇങ്ങനെയൊരു വലിയ അവസരം ശ്രീരാജിന് കൈവന്നത്.

കിരിക്ക് പാർട്ടി, ഉലിദവരു കണ്ടന്റേ, റിക്കി എന്നീ ചിത്രങ്ങളിലൂടെ കന്നഡ സിനിമയിലെ വിലയേറിയ താരമായി മാറിയ രക്ഷിത് ഷെട്ടി നിർമ്മിക്കുന്ന ഈ ചിത്രത്തിലാണ് ശ്രീരാജ് ഇനി ക്യാമറ ചലിപ്പിക്കുക.

പ്രഥമ ചിത്രം തിയേറ്ററുകളിൽ എത്തും മുന്നേ ഇ ഫോർ എക്‌സ്‌പെരിമെന്റ് സിനിമ മേഖലയിൽ പുതിയ ചലനങ്ങൾ സൃഷ്ടിക്കുകയാണ്. ഇ ഫോർ എക്‌സ്‌പെരിമെന്റിന്റെ പുതിയ ‘എക്‌സ്‌പെരിമെന്റു’കൾക്ക് കാത്തിരിക്കാം.

The post ആദ്യം ലില്ലി, ഇപ്പോൾ ഇ ഫോർ എക്‌സ്‌പെരിമെന്റിലൂടെ രക്ഷിത് ഷെട്ടി ചിത്രത്തിൽ.. first appeared on Onlookersmedia.

The post ആദ്യം ലില്ലി, ഇപ്പോൾ ഇ ഫോർ എക്‌സ്‌പെരിമെന്റിലൂടെ രക്ഷിത് ഷെട്ടി ചിത്രത്തിൽ.. appeared first on Onlookersmedia.

ലോകത്തിലെ ഏറ്റവും ചിലവ് കുറഞ്ഞ ചലച്ചിത്രം എന്ന പ്രത്യേകത കൂടി ഇനി മലയാളത്തിന് സ്വന്തം. പുതുമുഖങ്ങൾ അണിയിച്ചൊരുക്കുന്ന ഒരു കൊച്ചു സിനിമയാണ് ഇതിന് കാരണമാകുന്നത്.

പോരാട്ടം എന്ന് പേരിട്ടിരിക്കുന്ന ഈ ചിത്രം സംവിധായകൻ ബിലഹരിയും സംഘവും സുഹൃത്തുക്കളുടെ ചെറിയ സഹായങ്ങള്‍ സ്വരുക്കൂട്ടി പ്ലാന്‍ ബി ഇന്‍ഫോടെയിന്‍മെന്‍റ്സിന്‍റെ ബാനറില്‍ വെറും ഇരുപത്തയ്യായിരം രൂപയ്ക്കാണ് പൂര്‍ത്തിയാക്കിയിരിക്കുന്നത്.

വെറും 15 ദിവസം കൊണ്ട് സംവിധായകന്റെയും ബന്ധുക്കളുടെയും നാട്ടുകാരുടെയും വീടുകളിലായാണ് ചിത്രത്തിന്റെ ഷൂട്ടിങ് പൂര്‍ത്തിയാക്കിയത്.

മലയാള സിനിമയിൽ ബാലതാരമായി എത്തിയ ശാലിന്‍ സോയ ആദ്യമായി നായികയാവുന്ന ചിത്രം കൂടിയാണിത്. നവജിത് നാരായണന്‍, വിനീത് വാസുദേവൻ സജിൻ ചെറുകയിൽ തുടങ്ങി ഒട്ടേറെ പുതുമുഖങ്ങൾ ഈ ചിത്രത്തിന്റെ ഭാഗമാകുന്നു.

സാമൂഹ്യ പ്രസക്തിയുള്ള വിഷയമാണ് പോരാട്ടം ചർച്ച ചെയ്യുന്നത്. തിരക്കഥയില്ലാതെ ലൊക്കേഷനില്‍ കഥാപാത്രങ്ങളില്‍ നിന്ന് കഥ വളർത്തുന്ന സ്ട്രാറ്റജി ആണ് ഈ ചിത്രത്തിന്റെ അണിയറ പ്രവർത്തകർ സ്വീകരിച്ചിരിക്കുന്നത്.

നിരവധി പരസ്യ ചിത്രങ്ങൾക്ക് വേണ്ടി ക്യാമറ ചലിപ്പിച്ച ശ്രീരാജ് രവീന്ദ്രനാണ് പോരാട്ടത്തിന്റെ ഛായാഗ്രാഹകൻ. ആകാശ് ജോസഫ് വര്‍ഗീസ് എഡിറ്റിങും കളറിങ്ങും, മുജീബ് മജീദ് സംഗീതവും ഒരുക്കുന്നു.

The post പോരാട്ടം; വെറും ഇരുപത്തിയയ്യായിരം രൂപയ്ക്ക് ഒരു മലയാള സിനിമ first appeared on Onlookersmedia.

The post പോരാട്ടം; വെറും ഇരുപത്തിയയ്യായിരം രൂപയ്ക്ക് ഒരു മലയാള സിനിമ appeared first on Onlookersmedia.