ഈ ഓണം താരചിത്രങ്ങളാൽ സമ്പന്നമായിരുന്നു. സൂപ്പര്‍ സ്റ്റാര്‍ മോഹൻലാലിന്‍റെ വെളിപാടിന്‍റെ പുസ്തകം, മെഗാസ്റ്റാര്‍ മമ്മൂട്ടിയുടെ പുള്ളിക്കാരൻ സ്റ്റാറാ, പ്രിഥ്വിരാജിന്‍റെ ആദം ജോൺ, നിവിൻ പോളിയുടെ ഞണ്ടുകളുടെ നാട്ടിൽ ഒരിടവേള തുടങ്ങിയ ഓണചിത്രങ്ങളുടെ ആവരവങ്ങൾ തിയേറ്ററുകളില്‍ നിലനിൽക്കുമ്പോഴാണ് യുവതാരങ്ങളുടെ കാപ്പുചീനോ കഴിഞ്ഞ വെള്ളിയാഴ്ച റിലീസ് ചെയ്തത്. എന്നാൽ വമ്പൻ ചിത്രങ്ങളുടെ വിജയങ്ങൾക്കിടയിലും കാപ്പുചീനോ പ്രദർശനം തുടരുകയാണ്.

ധർമജൻ ബോൾഗാട്ടി, അൻവർ ഷരീഫ്, അനീഷ് ജി മേനോൻ, സുനിൽ സുഗത തുടങ്ങിയവരാണ് കാപ്പുചീനോവിലെ കേന്ദ്രകഥാപാത്രങ്ങൾ. നല്ല പ്രതികരണമാണ് ഇതിനോടകം തിയറ്ററുകളിൽ നിന്നും കാപ്പുചീനോക്ക് ലഭിച്ചത്.കോമഡിക്ക് പ്രാധാന്യം നൽകിയ ചിത്രത്തിലെ കോമഡി സീനുകൾക്കൊക്കെ നിറഞ്ഞ കയ്യടിയാണ് ലഭിച്ചത്. തുടർന്നുള്ള ദിവസങ്ങളിലും ഇതേ റിപ്പോർട്ട് തുടരുമെന്നാണ് സിനിമ കണ്ട പ്രേക്ഷകരുടെ അഭിപ്രായങ്ങളിൽ നിന്നും വ്യക്തമാവുന്നത്.

പാനിങ് കാം ഫിലിംസിന്റെ ബാനറിൽ ചിത്രം നിർമിക്കുന്നത് ഡോക്ടർ സ്കോട്ട് ആണ്. നൗഷാദ് തന്നെ തിരക്കഥ എഴുതി സംവിധാനം ചെയ്ത കാപ്പുചീനോക്ക് സംഗീതം നൽകിയിരിക്കുന്നത് ഹിഷാം അബ്ദുൽ വഹാബ് ആണ്. നൂറുദ്ധീൻ ബാവ ആണ് ഛായാഗ്രാഹകൻ.

The post വമ്പൻതാരങ്ങളുടെ ചിത്രങ്ങൾക്കിടയിലും ശ്രദ്ധനേടി യുവതാരങ്ങളുടെ കാപ്പുചീനോ first appeared on Onlookersmedia.

The post വമ്പൻതാരങ്ങളുടെ ചിത്രങ്ങൾക്കിടയിലും ശ്രദ്ധനേടി യുവതാരങ്ങളുടെ കാപ്പുചീനോ appeared first on Onlookersmedia.

വമ്പന്‍ മത്സരമാണ് ഈ വര്‍ഷത്തെ ഓണക്കപ്പിന് വേണ്ടി. മോഹന്‍ലാല്‍-ലാല്‍ ജോസ് ചിത്രം വെളിപാടിന്‍റെ പുസ്തകം ഇന്ന്‍ തിയേറ്ററുകളില്‍ എത്തി. മറ്റ് ഓണ ചിത്രങ്ങളായി പുള്ളിക്കാരന്‍ സ്റ്റാറായ്ക്ക് ഒപ്പം നിവിന്‍ പോളിയുടെ ഞണ്ടുകളുടെ നാട്ടില്‍ ഒരിടവേള, പൃഥ്വിരാജ് ചിത്രം ആദം ജോആന്‍ എന്നീ ചിത്രങ്ങളും നാളെ എത്തും.

നര്‍മ്മത്തില്‍ ചാലിച്ച കുടുംബ ചിത്രമായാണ് പുള്ളിക്കാരന്‍ സ്റ്റാറാ ഒരുക്കിയിരിക്കുന്നത്. അദ്ധ്യാപകരെ പഠിപ്പിക്കുന്ന അദ്ധ്യാപകനായാണ് ചിത്രത്തില്‍ മമ്മൂട്ടി വേഷമിടുന്നത്.

ദി ഗ്രേറ്റ് ഫാദര്‍, പുത്തന്‍ പണം എന്നീ ചിത്രങ്ങള്‍ക്ക് ശേഷം തിയേറ്ററുകളിലേക്ക് എത്തുന്ന മമ്മൂട്ടി ചിത്രമാണ് പുള്ളിക്കാരന്‍ സ്റ്റാറാ.

പൃഥ്വിരാജിന്‍റെ 7th ഡേയ്ക്ക് ശേഷം ശ്യാംധര്‍ ആണ് ഈ ചിത്രം സംവിധാനം ചെയ്യുന്നത്. രതീഷ് രവിയാണ് ചിത്രത്തിന്‍റെ തിരക്കഥ ഒരുക്കുന്നത്.

ആശ ശരത്, ദിലീഷ് പോത്തന്‍, ദീപ്തി രവി, കണാരന്‍ ഹരീഷ് തുടങ്ങിയവരാണ് ചിത്രത്തില്‍ മമ്മൂട്ടിയെ കൂടാതെ പ്രധാന വേഷത്തില്‍ എത്തുന്നത്.

The post 100ല്‍ അധികം തിയേറ്ററുകളില്‍ നാളെ ‘പുള്ളിക്കാരന്‍ സ്റ്റാറാ’ first appeared on Onlookersmedia.

The post 100ല്‍ അധികം തിയേറ്ററുകളില്‍ നാളെ ‘പുള്ളിക്കാരന്‍ സ്റ്റാറാ’ appeared first on Onlookersmedia.