സാറ്റലൈറ്റ് അവകാശം, ഒറ്റിറ്റി അവകാശം, മറ്റ്‌ അവകാശങ്ങൾ എന്നിവയുടെ വില്പനയിലൂടെ ലഭിച്ച വരുമാനവും കൂടി ചേർത്താണ് നേര് 100 കോടിയുടെ ആഗോള വരുമാനം എന്ന നേട്ടത്തിൽ തൊട്ടത്. 140 കോടിയോളം ആഗോള തീയേറ്റർ ഗ്രോസ് നേടിയ പുലി മുരുകൻ, 128 കോടിയോളം ഗ്രോസ് നേടിയ ലൂസിഫർ എന്നിവയാണ് തീയേറ്റർ കളക്ഷനിൽ 100 കോടി പിന്നിട്ട മോഹൻലാൽ ചിത്രങ്ങൾ. നേര് കൂടാതെ ആഗോള ബിസിനസായി 100 കോടിയോളം നേടിയ മറ്റ്‌ മലയാള ചിത്രങ്ങൾ ഭീഷ്മ പർവ്വം, ആർഡിഎക്സ്, കുറുപ്പ്, കണ്ണൂർ സ്‌ക്വാഡ്, എന്നിവയാണ്. ജീത്തു ജോസഫ് സംവിധാനം ചെയ്ത നേര് നിർമ്മിച്ചത് ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂരാണ്. നൂറ് കോടിയുടെ നേട്ടം കൈവരിച്ച മലയാള ചിത്രങ്ങളിൽ ഏറ്റവും കുറഞ്ഞ മുതൽ മുടക്കിൽ നിർമ്മിച്ച ചിത്രമെന്ന ബഹുമതിയും നേരിനാണ്. കേരളത്തിൽ നിന്ന് ഏറ്റവും കൂടുതൽ ഗ്രോസ് നേടിയ മലയാള ചിത്രങ്ങളുടെ പട്ടികയിൽ 2018 (89 കോടി), പുലിമുരുകൻ (86 കോടി), ലൂസിഫർ (66 കോടി), ആർഡിഎക്സ് (52 കോടി) എന്നിവ കഴിഞ്ഞാൽ നിലവിൽ 46 കോടി നേടി അഞ്ചാം സ്ഥാനത്താണ് ഈ മോഹൻലാൽ – ജീത്തു ജോസഫ് ചിത്രം.

The post നൂറിന്റെ നിറവിൽ മലയാളത്തിന്റെ നേര്; വീണ്ടും 100 കോടി നേട്ടവുമായി മോഹൻലാൽ ചിത്രം first appeared on Onlookersmedia.

The post നൂറിന്റെ നിറവിൽ മലയാളത്തിന്റെ നേര്; വീണ്ടും 100 കോടി നേട്ടവുമായി മോഹൻലാൽ ചിത്രം appeared first on Onlookersmedia.