ചിത്രത്തിന്റെ ആദ്യ ഷെഡ്യൂൾ പൂർത്തിയാക്കി ചിത്രത്തിന്റെ രണ്ടാം ഷെഡ്യൂൾ ആരംഭിച്ചു. കൊച്ചിയിലാണ് ചിത്രത്തിന്റെ രണ്ടാം ഘട്ട ഷൂട്ട്. പതിനാറാം നൂറ്റാണ്ടിൽ തിരുനവായയിൽ നടന്നിരുന്ന മാമാങ്ക ഉത്സവത്തിന്റെ കഥ പറയുന്നത് കൊണ്ടു തന്നെ കഥയുടെ മൂല്യം ചോർന്ന് പോകാതെ ഇരിക്കുവാനായി വമ്പൻ സെറ്റാണ് ഒരുക്കിയിരിക്കുന്നത്. ചിത്രത്തിൽ നാല് വേഷത്തിൽ മമ്മൂട്ടി എത്തുന്നു എന്നും. അതിൽ തന്നെയും കർഷകനായും സ്ത്രൈണതയാർന്ന കഥാപാത്രവുമായി എത്തുന്നു എന്ന വാർത്തകളും പുറത്ത് വന്നിരുന്നു. ചിത്രത്തിലേക്ക് ഇതാ മലയാളികളുടെ പ്രിയ താരം കൂടി എത്തിച്ചേർന്നിരിക്കുകയാണ്.

ചുരുങ്ങിയ കാലം കൊണ്ട് തന്നെ മലയാളികളുടെ പ്രിയങ്കരനായി മാറിയ മണികണ്ഠൻ ആചാരിയാണ് ചിത്രത്തിൽ മമ്മൂട്ടിയോടൊപ്പം സുപ്രധാന വേഷത്തിൽ എത്തുന്നത്. മമ്മൂട്ടിയോടൊപ്പം നിൽക്കുന്ന ചിത്രം പങ്കുവച്ച് മണികണ്ഠൻ ഫേസ്‌ബുക്കിൽ എത്തി. കഴിഞ്ഞ ദിവസമാണ് മണികണ്ഠൻ കൊച്ചിയിലെ ഷൂട്ടിൽ ജോയിൻ ചെയ്തത്. ബോളീവുഡ് നായികമാർ ഉൾപ്പടെയുള്ള വമ്പൻ താരങ്ങളും കൊച്ചിയിലെ ഷെഡ്യുളിൽ എത്തിയിരുന്നു. വേണു കുന്നപ്പള്ളി നിർമ്മിച്ച ഈ ബിഗ് ബജറ്റ് ചിത്രം അടുത്ത വര്ഷം ആദ്യത്തോടെ തീയേറ്ററുകളിൽ എത്തും.

The post മമ്മൂട്ടിക്കൊപ്പം മാമാങ്കത്തിൽ പട പൊരുതാൻ മണികണ്ഠൻ ആചാരിയും….. first appeared on Onlookersmedia.

The post മമ്മൂട്ടിക്കൊപ്പം മാമാങ്കത്തിൽ പട പൊരുതാൻ മണികണ്ഠൻ ആചാരിയും….. appeared first on Onlookersmedia.