ആ ചിത്രത്തിലൂടെയാണ് മോഹൻലാലിൻറെ മുണ്ടുടുത്തു മീശ പിരിച്ച ആസുരഭാവം ആദ്യമായി ജനങ്ങൾ ആഘോഷിച്ചത്. അതിനു ശേഷം കേരളക്കരയെ പ്രകമ്പനം കൊള്ളിച്ച മാസ്സ് കഥാപാത്രങ്ങൾ ഈ രൂപത്തിൽ മോഹൻലാൽ തന്നെ ഒരുപാട് തന്നെങ്കിലും ദേവാസുരത്തിലെ മംഗലശ്ശേരി നീലകണ്ഠൻ ഇന്ന് ഓരോ മലയാളിക്കും ആവേശവും വികാരവുമാണ്. ദേവാസുരത്തിനു ശേഷമാണു മുണ്ടുടുത്ത ഈ ഗെറ്റപ്പ് പോലും മലയാള സിനിമയിലും മലയാളിയുടെ ജീവിതത്തിലും ആണത്തത്തിന്റെ പര്യായമായി മാറിയത്. ആ അർഥത്തിൽ മലയാളത്തിലെ ട്രെൻഡ് സെറ്റർ ലുക്കുകളിൽ ഒന്നായിരുന്നു അത്.

ദേവാസുരം ഇരുപത്തിയഞ്ചാം വാർഷികം ആഘോഷിക്കുന്ന ഈ 2018 ഇൽ തന്നെ അതേ ആവേശം സമ്മാനിക്കുന്ന ഒരു ഗെറ്റപ്പുമായി ലൂസിഫർ ഫസ്റ്റ് ലുക് വന്നതോടെ മോഹൻലാൽ ആരാധകരും മലയാള സിനിമാ പ്രേമികളും ഒരുപോലെ ത്രില്ലടിച്ചിരിക്കുകയാണ്. മുരളി ഗോപി രചിച്ച ലൂസിഫർ ഒരു മാസ്സ് എന്റെർറ്റൈനെർ ആണെന്നും ഒരു പൊളിറ്റിക്കൽ ത്രില്ലെർ ആണെന്നും റിപ്പോർട്ടുകൾ വരുന്നുണ്ട്. ബ്ലഡ്, ബ്രദർ ഹുഡ്, ബിട്രെയൽ എന്നാണ് ലൂസിഫർ ഫസ്റ്റ് ലുക് പോസ്റ്ററിലെ വാക്കുകൾ നമ്മളോട് പറയുന്നത്. മോഹൻലാലിന്റെ താടി വെച്ച ഗെറ്റപ്പ് ആയിരിക്കും ഈ ചിത്രത്തിന്റെ ഹൈലൈറ്റ് എന്നാണ് സൂചനകൾ. അങ്ങനെയെങ്കിൽ നല്ല കട്ട താടി വെച്ച് മീശ പിരിച്ചു തൂവെള്ള മുണ്ടും ഷർട്ടുമിട്ട ഒരു മാസ്സ് മോഹൻലാൽ ഗെറ്റപ്പ് ഇനി കേരളം കാണാൻ ഇരിക്കുന്നതേയുള്ളു എന്ന് നമ്മുക്ക് പറയാൻ സാധിക്കും. ഏതായാലും ഒരൊറ്റ പോസ്റ്റർ കൊണ്ട് തന്നെ ലൂസിഫർ മലയാളികൾ ഏറ്റവുമധികം കാത്തിരിക്കുന്ന ചിത്രങ്ങളിൽ ഒന്നായി കഴിഞ്ഞു.

The post ദേവാസുരത്തിന്റെ ഇരുപത്തഞ്ചാം വാർഷികത്തിൽ മംഗലശ്ശേരി നീലകണ്ഠന്റെ ഓർമകളുണർത്തി മോഹൻലാലിന്റെ ലൂസിഫർ ലുക്ക്..! first appeared on Onlookersmedia.

The post ദേവാസുരത്തിന്റെ ഇരുപത്തഞ്ചാം വാർഷികത്തിൽ മംഗലശ്ശേരി നീലകണ്ഠന്റെ ഓർമകളുണർത്തി മോഹൻലാലിന്റെ ലൂസിഫർ ലുക്ക്..! appeared first on Onlookersmedia.

ആരാധകർ പറഞ്ഞത് പോലെ , ഏഴാം മാസത്തിലെ ഏഴാം ദിവസം കൃത്യം ഏഴു മണിക്ക് തന്നെ നരകത്തിന്റെ അധിപനായ ലൂസിഫർ തന്റെ ആദ്യ ദർശനം പ്രേക്ഷകർക്കു നൽകി. ഏവരെയും ആവേശം കൊള്ളിക്കുന്ന കിടിലൻ ഫസ്റ്റ് ലുക് ആണ് അണിയറ പ്രവർത്തകർ പുറത്തു വിട്ടിരിക്കുന്നത്. മോഹൻലാലിൻറെ മുഖം പോസ്റ്ററിൽ ഇല്ലെങ്കിലും വെളുത്ത ഷർട്ടും മുണ്ടും ധരിച്ചു കാലിന്മേൽ കാൽ കയറ്റി വെച്ചിരിക്കുന്ന മോഹൻലാലിൻറെ കഴുത്തിന് താഴോട്ടുള്ള രൂപമാണ് പോസ്റ്ററിൽ വന്നിരിക്കുന്നത്. മോഹൻലാലിൻറെ ലൂസിഫർ ഫസ്റ്റ് ലുക്ക് സോഷ്യൽ മീഡിയയെ ഇപ്പോൾ പ്രകമ്പനം കൊള്ളിക്കുകയാണ്. ഇന്നലെ ഒടിയൻ ടീസർ ഇറക്കി ഓൾ ഇന്ത്യ ലെവലിൽ ട്രെൻഡ് ചെയ്യിച്ച മോഹൻലാൽ തൊട്ടടുത്ത ദിവസം തന്നെ ലൂസിഫർ ആയി ആ കൊടുംകാറ്റ് വീണ്ടും സൃഷ്ടിക്കുകയാണ് സോഷ്യൽ മീഡിയയിൽ എന്ന് പറഞ്ഞെ പറ്റു.

മുരളി ഗോപി തിരക്കഥ ഒരുക്കിയ ഈ മാസ്സ് എന്റെർറ്റൈനെർ ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ ആണ് നിർമ്മിക്കുന്നത്. ബിഗ് ബഡ്ജറ്റിൽ ഒരുങ്ങുന്ന ഈ ചിത്രം ഈ മാസം പതിനെട്ടു മുതൽ ചിത്രീകരണം ആരംഭിക്കും. കുട്ടിക്കാനം, ട്രിവാൻഡ്രം ഗ്രീൻ ഫീൽഡ് സ്റ്റേഡിയം, പൂജപ്പുര സെൻട്രൽ ജയിൽ എന്നിവിടങ്ങളിൽ ആയി ആദ്യ ഷെഡ്യൂൾ പ്ലാൻ ചെയ്യുന്ന ഈ ചിത്രം എറണാകുളം, മുംബൈ എന്നിവിടങ്ങളിലും ചിത്രീകരിക്കും എന്നാണ് സൂചന. 100 ദിവസം കൊണ്ടാണ് ഈ ചിത്രം ചിത്രീകരിക്കുക എന്നതും സൂചകൾ ഉണ്ട്. സുജിത് വാസുദേവ് കാമറ ചലിപ്പിക്കാൻ പോകുന്ന ഈ ചിത്രത്തിന് സംഗീതം ഒരുക്കുന്നത് ദീപക് ദേവ് ആയിരിക്കും. മഞ്ജു വാര്യർ , വിവേക് ഒബ്‌റോയ്, ഇന്ദ്രജിത് സുകുമാരൻ, ടോവിനോ തോമസ്, സാനിയ എന്നിവർ ഈ ചിത്രത്തിന്റെ താര നിരയിൽ ഉണ്ടെന്നു റിപ്പോർട്ടുകൾ ഉണ്ട്. ആ വിവരങ്ങൾ ഉടൻ തന്നെ പുറത്തു വിടും എന്നാണ് പ്രതീക്ഷിക്കുന്നത്.

The post സോഷ്യൽ മീഡിയയെ പ്രകമ്പനം കൊള്ളിച്ചു കൊണ്ട് ലൂസിഫർ ഫസ്റ്റ് ലുക്ക് എത്തി..! first appeared on Onlookersmedia.

The post സോഷ്യൽ മീഡിയയെ പ്രകമ്പനം കൊള്ളിച്ചു കൊണ്ട് ലൂസിഫർ ഫസ്റ്റ് ലുക്ക് എത്തി..! appeared first on Onlookersmedia.