പിന്നീട് നേനു സൈലജ എന്ന ചിത്രത്തിലൂടെ തെലുങ്കിലും കീർത്തി സുരേഷ് അരങ്ങേറി. ചിത്രം വമ്പൻ വിജയമാറി മാറിയതോടെ കീർത്തി തെന്നിന്ത്യൻ സിനിമയിലെ വലിയ താരമായി മാറുകയായിരുന്നു. ചുരുങ്ങിയ കാലം കൊണ്ട് തന്നെ വളരെയധികം ശ്രദ്ധ നേടിയ കീർത്തി തമിഴ് സൂപ്പർതാരങ്ങളായ സൂര്യ, ധനുഷ്, ശിവകാർത്തികേയൻ എന്നിവരുടെ നായികമാരായി എത്തി. തെലുങ്കിൽ നാനിയോടൊപ്പം നേനു ലോക്കൽ എന്ന സൂപ്പർഹിറ്റ് ചിത്രവുമായി കഴിഞ്ഞ വർഷം കീർത്തി സുരേഷ് എത്തി. കഴിഞ്ഞ വാരം പുറത്തിറങ്ങിയ ചരിത്ര കഥപറഞ്ഞ മഹാനടി കീർത്തി സുരേഷിന്റെ നായികാസ്ഥാനം വീണ്ടും ഊട്ടിയുറപ്പിക്കുന്ന ഒന്നായി മാറി. ചിത്രത്തിലെ ഗംഭീരപ്രകടനം കീർത്തി സുരേഷിന് വലിയ കയ്യടികൾ ആണ് നേടിക്കൊടുത്തത്. മഹാനടി വിജയത്തിലൂടെ വലിയ താര പദവിയിലേക്ക് കീർത്തി സുരേഷ് ഉയർന്നിരിക്കുകയാണ്.

വിജയ് നായകനായ ദളപതി 62, വിക്രം നായകനായ സാമിയുടെ രണ്ടാംഭാഗം സാമി 2 തുടങ്ങി വമ്പൻ ചിത്രങ്ങളാണ് കീർത്തി സുരേഷിന്റെതായി അണിയറയിൽ ഒരുങ്ങിക്കൊണ്ടിരിക്കുന്നത്. വിശാലിന്റെ പുറത്തിറങ്ങാനിരിക്കുന്ന ഏറ്റവും പുതിയ ചിത്രം സണ്ടക്കോഴിയി 2വിലും കീർത്തി സുരേഷ് തന്നെയാണ് നായിക. രാജമൗലി സംവിധാനം ചെയ്യുന്ന പുതിയ ബിഗ് ബജറ്റ് ചിത്രത്തിലും കീർത്തി നായികയായി എത്തുമെന്ന വാർത്തകളും പുറത്ത് വന്നിരുന്നു. അങ്ങനെ ചുരുങ്ങിയ വർഷങ്ങൾക്കുള്ളിൽ തന്നെ കീർത്തി തെന്നിന്ത്യൻ സിനിമയുടെ അഭിവാജ്യഘടകമായി കീർത്തി മാറിയിരിക്കുകയാണ്.

The post വമ്പൻ പ്രൊജക്ടുകളുമായി കീർത്തി സുരേഷ്…. പുറത്തിറങ്ങാനിരിക്കുന്നത് സൂപ്പർ താര ചിത്രങ്ങൾ… first appeared on Onlookersmedia.

The post വമ്പൻ പ്രൊജക്ടുകളുമായി കീർത്തി സുരേഷ്…. പുറത്തിറങ്ങാനിരിക്കുന്നത് സൂപ്പർ താര ചിത്രങ്ങൾ… appeared first on Onlookersmedia.