നവാഗതനായ ജോഷി തോമസ് സംവിധാനം ചെയ്ത ചിത്രമാണിത്. ഒരു ക്യാമ്പസ് ഫിലിം എന്ന് വിളിക്കാവുന്ന തരത്തിൽ വളരെ രസകരമായാണ് ഈ ചിത്രം ഒരുക്കിയിരിക്കുന്നതെന്ന സൂചനയാണ് നാമിന്റെ ട്രൈലെർ തരുന്നത്.

യുവ താരങ്ങൾ കേന്ദ്ര കഥാപാത്രങ്ങളെ അവതരിപ്പിക്കുന്ന ഈ ചിത്രത്തിൽ അതിഥി വേഷത്തിൽ ആണ് ഗൗതം മേനോൻ എത്തുന്നത്. രാഹുൽ മാധവ്, അദിതി രവി, ഗായത്രി സുരേഷ്, രഞ്ജി പണിക്കർ, ടോണി ലുക്ക് , നോബി, ശബരീഷ് വർമ്മ, മറീന മൈക്കൽ, സൈജു കുറുപ്പ്, കോട്ടയം പ്രദീപ് , തമ്പി ആന്റണി, ദിനേശ് പ്രഭാകർ, നന്ദു, പൊന്നമ്മ ബാബു എന്നിങ്ങനെ ഒരു മികച്ച താര നിര തന്നെ അണി നിരന്നിട്ടുള്ള ഈ ചിത്രം ഒരു യഥാർത്ഥ സംഭവ കഥയെ അടിസ്ഥാനമാക്കിയാണ് ഒരുങ്ങിയിരിക്കുന്നത് എന്നാണ് സൂചന.

വിനീത് ശ്രീനിവാസൻ, ടോവിനോ തോമസ് എന്നിവരും ഈ ചിത്രത്തിൽ അതിഥി വേഷത്തിൽ എത്തിയിരിക്കുന്നു. ഒരു എ ആർ റഹ്മാൻ ആരാധകന്റെ ജീവിതത്തിൽ നിന്ന് പ്രചോദനം ഉൾക്കൊണ്ടാണ് ഈ ചിത്രം ഒരുക്കിയിരിക്കുന്നത് എന്നാണ് ട്രൈലെർ പറയുന്നത്.

ജെ ടി പി ഫിലിമ്സിന്റെ ബാനറിൽ പ്രേമ ആന്റണി തെക്കേത് ആണ് ഈ ചിത്രം നിർമ്മിച്ചിരിക്കുന്നത്. മെയ് പതിനൊന്നിന് ഈ ചിത്രം തീയേറ്ററുകളിൽ എത്തും.

The post ഗൗതം മേനോന്റെ ആദ്യ മലയാള സിനിമ; നാമിന്റെ ട്രൈലെർ എത്തി.. first appeared on Onlookersmedia.

The post ഗൗതം മേനോന്റെ ആദ്യ മലയാള സിനിമ; നാമിന്റെ ട്രൈലെർ എത്തി.. appeared first on Onlookersmedia.