സാവിത്രി എന്ന നടിയുടെ ജീവിത കഥ പറയുന്ന മഹാനടിയില്‍ ജമിനി ഗണേശനായി ദുല്‍ഖറും സാവിത്രിയായി കീര്‍ത്തി സുരേഷും വേഷമിടുന്നു. ജമനി ഗണേഷിന്‍റെയും സാവിത്രിയുടെയും വേഷങ്ങള്‍ അവതരിപ്പിക്കാന്‍ കാണിച്ച ധൈര്യത്തിനാണ് ദുല്‍ഖറിനെയും കീര്‍ത്തിയെയും പ്രകാശ് രാജ് അഭിനന്ദിച്ചിരിക്കുന്നത്.

സാവിത്രിയില്‍ പ്രകാശ് രാജും വേഷമിടുന്നുണ്ട്. നിര്‍മ്മാതാവ് ചക്രപാണിയുടെ വേഷത്തിലാണ് പ്രകാശ് രാജ് ഈ ചിത്രത്തില്‍ എത്തുന്നത്. “മഹാനടി മികച്ചൊരു ബയോപിക് ആണ് സാവിത്രി എന്ന നടി ആരായിരുന്നു എന്ന് വെളിവാക്കുന്ന ചിത്രമാണ് ഇത്. അന്നത്തെ കാലത്തെ സിനിമയെ കുറിച്ച് അറിയാന്‍ ശ്രമിക്കുന്ന ആളുകളോട് എനിക്ക് വലിയ ബഹുമാനമാണ്. അന്നത്തെ താരങ്ങളുടെയും സിനിമാക്കാരുടെയും ചിന്താഗതികള്‍ എന്തൊക്കെയാണ്, അവര്‍ക്ക് ബന്ധങ്ങള്‍ എന്നാല്‍ എന്തായിരുന്നു തുടങ്ങിയ കാര്യങ്ങള്‍ അറിയാന്‍ ശ്രമിക്കുക എന്നത് തന്നെ വലിയ കാര്യമാണ്. ജമനി ഗണേശനായും സാവിത്രിയായും വേഷം ചെയ്യാന്‍ തീരുമാനിച്ച ദുല്‍ഖറിനെയും കീര്‍ത്തി സുരേഷിനെയും ഞാന്‍ അഭിനന്ദിക്കുകയാണ്.” പ്രകാശ് രാജ് പറയുന്നു.

മോഹന്‍ലാല്‍ നായകനായി എത്തുന്ന ഒടിയന്‍ ആണ് പ്രകാശ് രാജ് അഭിനയിക്കുന്ന പുതിയ ചിത്രം. ഒടിയന്‍റെ ഷൂട്ടിങ്ങ് കേരളത്തില്‍ പുരോഗമിക്കുകയാണ്.

നാഗ് അശ്വിനാണ് മഹാനടി സംവിധാനം ചെയ്യുന്നത്. മെയ് ഒന്‍പതിനാണ് ചിത്രം തീയേറ്ററുകളില്‍ എത്തുന്നത്. തമിഴില്‍ നടികര്‍ തിലെയ്കം എന്ന പേരില്‍ മഹാനടി റിലീസ് ചെയ്യുന്നുണ്ട്.

The post ദുല്‍ഖര്‍ സല്‍മാനെ പുകഴ്ത്തി പ്രകാശ് രാജ് first appeared on Onlookersmedia.

The post ദുല്‍ഖര്‍ സല്‍മാനെ പുകഴ്ത്തി പ്രകാശ് രാജ് appeared first on Onlookersmedia.