വളരെ ശക്തമായ ഒരു നായികാ വേഷമാണ് ഈ ചിത്രത്തിൽ ഉള്ളതെന്നും, അതിന് പറ്റിയ കഴിവും സാമർഥ്യവും ഉള്ള ഒരു നായികയെ ആണ് തങ്ങൾ ഈ ചിത്രത്തിൽ കാസ്റ്റ് ചെയ്തിരിക്കുന്നതെന്നും പറഞ്ഞു കൊണ്ടാണ് നയൻതാരയുടെ പേര് നിർമ്മാതാക്കൾ പ്രഖ്യാപിച്ചിരിക്കുന്നത്. എ ആർ റഹ്മാൻ സംഗീതം ഒരുക്കുന്ന ഈ ചിത്രത്തിൽ യോഗി ബാബുവും അഭിനയിക്കും എന്നു വാർത്തകൾ വന്നിട്ടുണ്ട്. ജി കെ വിഷ്ണു ഛായാഗ്രഹണം നിർവഹിക്കുന്ന ഈ ചിത്രം എഡിറ്റ് ചെയ്യുക ആന്റണി റൂബൻ ആയിരിക്കും. എ ജി എസ് എന്റെർറ്റൈന്മെന്റിന്റെ ബാനറിൽ കലപതി എസ് അഘോരം, കലപതി എസ് ഗണേഷ്, കലപതി എസ് സുരേഷ് എന്നിവർ ചേർന്നാണ് ഈ മാസ്സ് ഫാമിലി എന്റർട്ടട്ടൈനേർ ചിത്രം നിർമ്മിക്കുന്നത്. അടുത്ത വർഷം ഒക്ടോബർ മാസത്തിൽ ദീപാവലി റിലീസ് ആയി ഈ ചിത്രം തീയേറ്ററുകളിൽ എത്തും എന്നാണ് സൂചന. വരുന്ന ജനുവരിയിൽ ഈ ചിത്രത്തിന്റെ ഷൂട്ടിങ് ആരംഭിക്കും എന്നാണ് ഇപ്പോൾ ലഭിക്കുന്ന റിപ്പോർട്ടുകൾ സൂചിപ്പിക്കുന്നത്.

The post വിജയ്- ആറ്റ്ലി ചിത്രത്തിൽ നായികയായി ലേഡി സൂപ്പർ സ്റ്റാർ നയൻതാര..! first appeared on Onlookersmedia.

The post വിജയ്- ആറ്റ്ലി ചിത്രത്തിൽ നായികയായി ലേഡി സൂപ്പർ സ്റ്റാർ നയൻതാര..! appeared first on Onlookersmedia.