എന്നാല്‍ ആദ്യ ഷോ തൊട്ട് ആ സംശയങ്ങള്‍ എല്ലാം മാറുകയായിരുന്നു. ഈ വര്‍ഷത്തെ ഏറ്റവും വലിയ ഓപ്പണിങുകളില്‍ ഒന്നിനാണ് ഇന്നലെ സിനിമ ലോകം സാക്ഷ്യം വഹിച്ചത്.

ഹൌസ്ഫുള്‍ ഷോകളുമായി തുടങ്ങിയ ചിത്രം ജനത്തിരക്ക് കാരണം രാത്രിയില്‍ പല തിയേറ്ററുകളിലും സ്പെഷ്യല്‍ ഷോകള്‍ വെച്ചു. ആദ്യ ദിനം കേരളത്തില്‍ നിന്ന്‍ മാത്രം രാമലീല നേടിയത് 2.20 കോടിയാണ്. ദിലീപിന്‍റെ കരിയറിലെ ഏറ്റവും വലിയ ഫസ്റ്റ്ഡേ കലക്ഷനില്‍ ഒന്നാണിത്.

അവധി ദിനമായ ഇന്നും മികച്ച തിരക്കാണ് തിയേറ്ററുകളില്‍. ആദ്യ ദിനത്തെക്കാളും കലക്ഷന്‍ വരും ദിനങ്ങളില്‍ നേടാന്‍ രാമലീലയ്ക്ക് കഴിയുമോ എന്ന്‍ നോക്കാം.

ഹാസ്യത്തിന്‍റെ മേമ്പൊടി ചേര്‍ത്ത പൊളിറ്റിക്കല്‍ ത്രില്ലര്‍ ആണ് രാമലീല. എല്ലാ തരം പ്രേക്ഷകരെയും ആകര്‍ഷിക്കുന്ന രീതിയിലാണ് നവാഗതനായ അരുണ്‍ ഗോപി ഈ ചിത്രം ഒരുക്കിയിരിക്കുന്നത്.

The post രാമലീലയ്ക്ക് ആദ്യ ദിനം അതിശയിപ്പിക്കുന്ന കലക്ഷന്‍.. first appeared on Onlookersmedia.

The post രാമലീലയ്ക്ക് ആദ്യ ദിനം അതിശയിപ്പിക്കുന്ന കലക്ഷന്‍.. appeared first on Onlookersmedia.

എങ്ങും ഹൌസ്ഫുള്‍ ഷോകളും സ്പെഷ്യല്‍ ഷോകളും രാമലീലയ്ക്ക് ലഭിക്കുന്നു. ഓണക്കാലത്ത് റിലീസ് ചെയ്ത സൂപ്പര്‍ സ്റ്റാര്‍ ചിത്രങ്ങളെക്കാള്‍ തിരക്ക് രാമലീലയ്ക്ക് അനുഭവപ്പെടുന്നുണ്ട്.

ഇന്ന്‍ കൊച്ചിയിലുള്ള ഷോകള്‍ എല്ലാം 95 ശതമാനത്തോളം ഓണ്‍ലൈന്‍ വഴി വിറ്റു തീര്‍ന്നിരിക്കുകയാണ്.

തൊട്ടടുത്ത ദിവസത്തേക്കുള്ള ഓണ്‍ലൈന്‍ ബുക്കിങ്ങുകളും മികച്ച പ്രതികരണമാണ് ലഭിക്കുന്നത്.

The post ഹൌസ്ഫുള്‍ ഷോകള്‍, രാമലീലയ്ക്ക് ടിക്കറ്റ് കിട്ടാത്ത അവസ്ഥ first appeared on Onlookersmedia.

The post ഹൌസ്ഫുള്‍ ഷോകള്‍, രാമലീലയ്ക്ക് ടിക്കറ്റ് കിട്ടാത്ത അവസ്ഥ appeared first on Onlookersmedia.

എറണാകുളം സരിതയിലും കോട്ടയം ധന്യ തിയറ്റർ, തിരുവനന്തപുരം ശ്രീകുമാർ തിയറ്റർ എന്നിവിടങ്ങളിൽ രാവിലെ മുതൽ ടിക്കറ്റിനായി നീണ്ട നിര ഉണ്ടായിരുന്നു. ഓൺലൈൻ ടിക്കറ്റുകളും രാവിലെയോടെ തന്നെ വിറ്റഴിഞ്ഞിരുന്നു.

വിമർശകരെ എല്ലാം ഞെട്ടിച്ചുകൊണ്ടാണ് രാമലീലയുടെ ഈ മുന്നേറ്റം. ദിലീപ് എന്ന നടൻ മാത്രമല്ല, ഒട്ടേറെ പേരുടെ അധ്വാനമാണ് രാമലീല എന്ന് പ്രേക്ഷകർ മനസിലാക്കി എന്നതിന്റെ തെളിവാണ് ഇത്.

രാമലീല റിവ്യൂ വായിക്കാം

സിനിമയുടെ റിലീസിനെതിരെ വിമർശനങ്ങളും വാദപ്രതിപാദങ്ങളും ഉയർന്നിരുന്നെങ്കിലും പിന്നീട് നിരവധി പേർ ചിത്രത്തിന് പിന്തുണ പ്രഖ്യാപിച്ച് രംഗത്തെത്തിയിരുന്നു.

പുതുമുഖ സംവിധായകനായ അരുണ്‍ ഗോപിയാണ് ചിത്രത്തിന്റെ സംവിധായകന്‍. പ്രയാഗ മാര്‍ട്ടിന്‍ ആണ് നായിക. ഒരു രാഷ്ട്രീയ നേതാവിന്റെ റോളിൽ ദിലീപ് എത്തുന്ന ചിത്രത്തിന്റെ തിരക്കഥ സച്ചിയാണ് . മുളകുപാടം ഫിലിംസിൻ്റെ ബാനറിൽ ടോമിച്ചൻ മുളകുപാടമാണ് ചിത്രം നിർമിക്കുന്നത്

The post കേസൊന്നും പ്രശ്നമില്ല, തിയറ്ററുകളിൽ രാമലീലയ്ക്ക് വമ്പന്‍ തിരക്ക് first appeared on Onlookersmedia.

The post കേസൊന്നും പ്രശ്നമില്ല, തിയറ്ററുകളിൽ രാമലീലയ്ക്ക് വമ്പന്‍ തിരക്ക് appeared first on Onlookersmedia.

കമ്മ്യൂണിസ്റ്റ് പാര്‍ട്ടിയായ സിഡിപിയില്‍ നിന്നും പുറത്താക്കപ്പെട്ട അഡ്വക്കറ്റ് രാമനുണ്ണിയെ (ദിലീപ്) എതിര്‍ പാര്‍ട്ടിയായ എന്‍എസ്പി സ്വീകരിക്കുന്നു. സിഡിപി ഏറെ സ്വാധീനം ഉള്ള ആയിക്കരയിലെ നിയോജക തിരഞ്ഞെടുപ്പില്‍ പാര്‍ട്ടിക്ക് വേണ്ടി മത്സരിക്കാന്‍ എന്‍എസ്പി തിരഞ്ഞെടുക്കുന്നത് രാമനുണ്ണിയെ ആണ്. ഇതിന് പാര്‍ട്ടിയില്‍ തന്നെ എതിര്‍പ്പുകള്‍ ഉണ്ടെങ്കിലും രാമനുണ്ണി തിരഞ്ഞെടുപ്പില്‍ വിജയിക്കും എന്നാണ് നേതാക്കളുടെ പ്രതീക്ഷകള്‍.

എന്നാല്‍ അപ്രതീക്ഷിതമായി നടക്കുന്ന ചില പ്രശ്നങ്ങള്‍ എല്ലാം തകിടം മറിക്കുന്നു. ഈ കേസില്‍ രാമനുണ്ണി വിജയിക്കുമോ സത്യം ജയിക്കുമോ എന്നൊക്കെയുള്ള ചോദ്യങ്ങളാണ് ബാക്കി സിനിമയെ മുന്നോട്ട് കൊണ്ട് പോകുന്നത്.

ഏറെ കാലങ്ങള്‍ക്ക് ശേഷം വന്ന ദിലീപിന്‍റെ നല്ലൊരു ചിത്രം എന്നുവേണമെങ്കില്‍ രാമലീലയെ പറയാം. സ്ഥിരം റൂട്ടില്‍ നിന്നും അല്‍പം മാറി സഞ്ചരിച്ച് ഇത്തവണ ദിലീപ് കയ്യടി വാങ്ങുന്നുണ്ട്. മികച്ച കയ്യടക്കത്തോടെയാണ് ദിലീപ് രാമനുണ്ണിയായി വെള്ളിത്തിരയില്‍ എത്തിയിരിക്കുന്നത്.

രാമനുണ്ണിയുടെ സെക്രട്ടറിയായ തോമസ് ചാക്കോ ആയി എത്തിയ കലാഭവന്‍ ഷാജോണ്‍ ദിലീപ് കഴിഞ്ഞാല്‍ സിനിമയില്‍ നിറഞ്ഞു നില്‍ക്കുന്നത്. ചില സീനുകളില്‍ നായകനെ പിന്നിലാക്കുന്ന രീതിയിലുള്ള കൌണ്ടറുകള്‍ കലാഭവന്‍ ഷാജോണിന് ഉണ്ട്. ദിലീപ് കഴിഞ്ഞാല്‍ കയ്യടികള്‍ വാങ്ങുന്നതും ഷാജോണ്‍ തന്നെ. നായികയായി വന്ന പ്രായാഗ മാര്‍ട്ടിന്‍ വീണ്ടും നിരാശപ്പെടുത്തുന്നുണ്ട്. കാര്യമായി ഒന്നും ചെയ്യാനില്ലായിരുന്നെങ്കില്‍ കൂടി കഥാപാത്രമാകാന്‍ പ്രയാഗയ്ക്ക് സാധിച്ചില്ല.

സിദ്ധിക്ക്, മുകേഷ്, വിജയ രാഘവന്‍, രാധിക ശരത് കുമാര്‍, അനില്‍ മുരളി, രഞ്ജി പണിക്കര്‍, മേനക സുരേഷ് കുമാര്‍, സുരേഷ് കൃഷ്ണ തുടങ്ങിയ മറ്റ് താരങ്ങള്‍ തങ്ങളുടെ വേഷം മനോഹരമാക്കിയിട്ടുണ്ട്. ഏതാനും സീനുകളില്‍ മാത്രം തല കാണിച്ചു പോകാന്‍ മാത്രമേ സലീം കുമാറിന് കഴിഞ്ഞിട്ടുള്ളൂ.

രാമലീലയില്‍ എടുത്തു പറയേണ്ടത് തിരക്കഥ തന്നെയാണ്. ത്രില്ലടിപ്പിക്കുന്ന രംഗങ്ങളും ചിരിപ്പിക്കുന്ന മുഹൂര്‍ത്തങ്ങളും നിറച്ചാണ് സച്ചി രാമലീല എഴുതിയിരിക്കുന്നത്. അവസാനത്തോട് അടുക്കുമ്പോള്‍ ചില ക്ലാരിറ്റി പ്രശ്നങ്ങളും സംശയങ്ങളും ഉണ്ടെങ്കിലും സാധാരണ പ്രേക്ഷകരുടെ ആസ്വാദനത്തെ ബാധിക്കാതെ അത് കൈകാര്യം ചെയ്തിരിക്കുന്നു.

പുതുമുഖ സംവിധായകന്‍ എന്ന ഒരു തപ്പലും ഇല്ലാതെയാണ് അരുണ്‍ ഗോപി രാമലീല സംവിധാനം ചെയ്തിരിക്കുന്നത്. കഥാപാത്രങ്ങളെ കൃത്യമായി റൂട്ടിലേക്ക് കൊണ്ടുവരാന്‍ സംവിധായകന് സാധിച്ചിട്ടുണ്ട്. ചില ഇടങ്ങളിലെ ഇഴച്ചിലുകള്‍ മൊത്തം സിനിമയെ ബാധിക്കുന്നില്ല എന്നതും സംവിധായകന്‍റെ കഴിവാണ്.

സാങ്കേതിക വശങ്ങള്‍ എല്ലാം മികവ് പുലര്‍ത്തുന്നുണ്ട്. ക്ലൈമാക്സ് രംഗത്തെ അനാവശ്യ ലൈറ്റ് ഒഴിച്ചാല്‍ ക്യാമറ വര്‍ക്ക് മികച്ചതായിരുന്നു. എഡിറ്റിങ്, മ്യൂസിക്ക്, ഗ്രാഫിക്സ് തുടങ്ങിയ ഭാഗങ്ങള്‍ എല്ലാം മികച്ചത് തന്നെ.

എല്ലാതരം പ്രേക്ഷകരെയും രസിപ്പിക്കുന്ന രീതിയിലാണ് രാമലീല ഒരുക്കിയിരിക്കുന്നത്. സിനിമ ആസ്വദിക്കാനുള്ളതാണ് ആ ആസ്വാദനം രാമലീല ഉറപ്പ് നല്‍കുന്നുമുണ്ട്.

The post രാമനുണ്ണിയുടെ ‘ലീല’കള്‍ first appeared on Onlookersmedia.

The post രാമനുണ്ണിയുടെ ‘ലീല’കള്‍ appeared first on Onlookersmedia.