ബാലയ്യ ഇപ്പോള്‍ കട്ടകലിപ്പിലാണ്. സംഭവം വേറെയൊന്നുമല്ല തന്‍റെ പുതിയ സിനിമയില്‍ അഭിനയിക്കാന്‍ അമിതാഭ് ബച്ചന്‍ സമ്മതിച്ചില്ല എന്നതാണ് ബാലയ്യയെ ചൊടിപ്പിച്ചത്.

പുതിയ ചിത്രം പൈസ വസൂലിന്‍റെ പ്രൊമോഷന്‍ പരിപാടികളില്‍ പങ്കെടുക്കുന്നതിനിടയില്‍ ബാലകൃഷ്ണ തന്നെ തന്‍റെ ദേഷ്യം ആളുകളോട് തുറന്ന്‍ പറഞ്ഞു.

“വ്യത്യസ്ഥമായൊരു സിനിമ ചെയ്യാന്‍ ഞാന്‍ ഉദ്ദേശിച്ചിരുന്നു. ആ സമയത്താണ് കൃഷ്ണ വംശി പുതിയ ചിത്രമായ ഋതുവിന്‍റെ കഥ എന്നോടു പറയുന്നത്. അതിലെ ഒരു കഥാപാത്രം ചെയ്യാനായി ഞാന്‍ മുംബൈയില്‍ പോയി അമിതാഭ് ബച്ചനെ കണ്ടു. അമിതാഭ് ബച്ചന്‍ പടം ചെയ്യാന്‍ പറ്റില്ല എന്ന്‍ നേരിട്ട് പറഞ്ഞില്ല. എന്തൊക്കെയോ പറഞ്ഞു ഒഴിഞ്ഞു.എനിക്കത് ഇഷ്ടപ്പെട്ടില്ല, അതൊരു രക്ഷപെടലായിരുന്നു” ബാലകൃഷ്ണ പറയുന്നു.

സംഭവം ഇതൊക്കെ ആണെങ്കിലും തന്‍റെ സിനിമയില്‍ അഭിനയിക്കാതെ തന്‍റെ എതിരാളിയായ തെലുങ്ക് മെഗാസ്റ്റാര്‍ ചിരഞ്ജീവിയുടെ പുതിയ ചിത്രമായ സെയ് രാ നരസിംഹ റെഡ്ഡിയില്‍ അമിതാഭ് ബച്ചന്‍ അഭിനയിക്കുന്നതാണ് ബാലയ്യയുടെ ഈ കലിപ്പിന്‍റെ പിന്നിലെ രഹസ്യം എന്നാണ് ടോളിവുഡ് പറയുന്നത്.

The post അമിതാഭ് ബച്ചന്‍ അഭിനയിക്കില്ലെന്ന് പറഞ്ഞു, ബാലയ്യ കലിപ്പില്‍ first appeared on Onlookersmedia.

The post അമിതാഭ് ബച്ചന്‍ അഭിനയിക്കില്ലെന്ന് പറഞ്ഞു, ബാലയ്യ കലിപ്പില്‍ appeared first on Onlookersmedia.