ദിലീപിന്റെ സ്വകാര്യ ജീവിതം തകർക്കാൻ സിനിമ രംഗത്തുള്ള ചിലർ ഒരുക്കിയ തിരക്കഥയുടെ ക്ലൈമാക്സ് റീലുകളാണ് ഇപ്പോൾ മാധ്യമങ്ങളിൽ ഓടികൊണ്ടിരിക്കുന്നത്. ദിലീപിനെയും നാദിർഷയെയും ശാസ്ത്രീയ നുണ പരിശോധനയ്ക്കായി ഞാൻ നിയമത്തിന്റെ മുന്നിൽ കൊണ്ടുവരാം. ദിലീപിനെ ക്രൂശിലേറ്റാൻ ശ്രമിക്കുന്നവർ പൾസർ സുനിയെയും ഇരയായ നടിയേയും നുണപരിശോധനയ്ക്ക് കൊണ്ടുവരണം, അതോടെ പ്രശ്നങ്ങൾ എല്ലാം തീരും എന്നായിരുന്നു സലീം കുമാറിന്റെ പോസ്റ്റിന്റെ ഉള്ളടക്കം.

നുണപരിശോധയ്ക്ക് തയ്യാറെന്ന് ദിലീപ്

എന്നാൽ ഇരയായ നടിയെ നുണപരിശോധനയക്ക് കൊണ്ടുവരണം എന്ന സലീം കുമാറിന്റെ പരാമർശം സോഷ്യൽ മീഡിയ തന്നെ കുറ്റപ്പെടുത്തുകയുണ്ടായി. സലീം കുമാറിനെ പോലെ ഒരു നടൻ ഇരയായ ഒരു സ്ത്രീക്കെതിരെ ഇത്തരത്തിൽ ഒരു പരാമർശം നടത്തിയത് ശരിയായില്ല എന്ന നിലയിൽ ഒട്ടേറെ ആളുകൾ സലിം കുമാറിന്റെ പോസ്റ്റിൽ തന്നെ കമന്റുകൾ ഇട്ടു. ഒടുവിൽ തന്റെ ആ പരാമർശം ഫേസ്‌ബുക്ക് പോസ്റ്റിൽ നിന്നും പിൻവലിച്ച് സലീം കുമാർ മാപ്പ് ചോദിച്ചു.

താൻ ഇന്നലെ ഇട്ട ഫേസ്‌ബുക്ക് പോസ്റ്റിൽ ഇരയായ നടിയെ നുണപരിശോധനയക്ക് വിധേയമാക്കണമെന്ന പരാമർശം പിന്നീട് ആലോചിച്ചപ്പോൾ ഒരു തികഞ്ഞ അപരാധവും സ്‌ത്രീ വിരുദ്ധവുമാണെന്ന് മനസിലായി. അത് കൊണ്ട് ആ നടിയോടും അവരുടെ കുടുംബാംഗങ്ങളോടും പൊതു ജനങ്ങളോടും മാപ്പു ചോദിക്കുന്നു. തന്റെ ആ പരാമർശം ഫേസ്‌ബുക്കിൽ നിന്നും ഒഴിവാക്കുന്നതുമാണ്. സലീം കുമാർ തന്റെ പോസ്റ്റിലൂടെ വ്യക്തമാക്കി.

The post നടിക്ക് നുണപരിശോധ : മാപ്പ് ചോദിച്ച് സലീം കുമാർ first appeared on Onlookersmedia.

The post നടിക്ക് നുണപരിശോധ : മാപ്പ് ചോദിച്ച് സലീം കുമാർ appeared first on Onlookersmedia.