മഹേഷിന്‍റെ പ്രതികാരം പോലെ 20 കോടി ക്ലബ്ബിലേക്കാണ് തൊണ്ടിമുതലും ദൃക്സാക്ഷിയുടെയും നീക്കം. 17.3 കോടിയാണ് 50 ദിവസങ്ങള്‍ കൊണ്ട് തൊണ്ടിമുതലും ദൃക്സാക്ഷിയും കേരള ബോക്സോഫീസില്‍ നിന്നും നേടിയത്.

കേരളത്തിന് പുറത്തു നിന്നും നേടിയ കലക്ഷന്‍റെ കണക്കുകള്‍ ഇതുവരെ ലഭ്യം അല്ല.

ഇപ്പൊഴും ഏതാനും റിലീസിങ് സെന്‍ററുകളില്‍ തുടരുന്ന ചിത്രം ഓണം റിലീസുകള്‍ തിയേറ്ററുകളില്‍ എത്തും വരെ പ്രദര്‍ശനം തുടരുന്നതായിരിക്കും.

The post ഇരുപത് കോടി ക്ലബ്ബിലേക്ക് തൊണ്ടിമുതലും ദൃക്സാക്ഷിയും first appeared on Onlookersmedia.

The post ഇരുപത് കോടി ക്ലബ്ബിലേക്ക് തൊണ്ടിമുതലും ദൃക്സാക്ഷിയും appeared first on Onlookersmedia.

ഫഹദ് ഫാസിലിന്റെ കരിയറിലെ തന്നെ ഏറ്റവും വലിയ സോളോ ഹിറ്റിലേക്കാണ് തൊണ്ടിമുതലും ദൃക്‌സാക്ഷിയും കുതിക്കുന്നത്‌. 16 കോടിയിലധികം കേരളത്തിൽ നിന്ന് മാത്രം കളക്ഷൻ നേടിയ മഹേഷിന്റെ പ്രതികാരമാണ് ഇതുവരെയുള്ള ഫഹദ് ഫാസിലിന്റെ ഏറ്റവും വലിയ സോളോ ഹിറ്റ്. 20 കോടിയോളമാണ് മഹേഷിന്‍റെ പ്രതികാരത്തിന്‍റെ ടോട്ടല്‍ ബിസിനസ്.

മഹേഷിന്റെ പ്രതികാരവും സംവിധാനം ചെയ്തത് ദിലീഷ് പോത്തനാണ് എന്നതാണ് മറ്റൊരു സവിശേഷത. കഴിഞ്ഞ വർഷം ഫെബ്രുവരിയിലാണ് മഹേഷിന്റെ പ്രതികാരം തീയേറ്ററുകളിൽ എത്തിയത്. ദിലീഷ് പോത്തന്റെ ആദ്യ സംവിധാന സംരംഭമായിരുന്നു ശ്യാം പുഷ്ക്കരൻ രചന നിർവഹിച്ച മഹേഷിന്റെ പ്രതികാരം. മികച്ച തിരക്കഥക്കും അതുപോലെ മികച്ച മലയാള ചിത്രത്തിനുമുള്ള ദേശീയ പുരസ്കാരവും ഈ ചിത്രം കരസ്ഥമാക്കിയിരുന്നു.

മഹേഷിന്റെ പ്രതികാരം നിർമ്മിച്ചത് സംവിധായകനായ ആഷിക് അബു ആയിരുന്നെങ്കിൽ തൊണ്ടിമുതലും ദൃക്‌സാക്ഷിയും നിർമ്മിച്ചിരിക്കുന്നത് ഉർവശി തീയേറ്റേഴ്സിന്റെ ബാനറിൽ സന്ദീപ് സേനനും അനീഷ് തോമസും ചേർന്നാണ്. ശ്യാം പുഷ്ക്കരൻ ഈ ചിത്രത്തിന്റെ ക്രീയേറ്റീവ് ഡയറക്ടർ ആയി ദിലീഷ് പൊതിനൊപ്പം ഉണ്ടായിരുന്നു എന്നതും ശ്രദ്ധേയമാണ്.

സുരാജ് വെഞ്ഞാറമ്മൂട്, അലെൻസിയർ എന്നിവരുടെയും മിന്നുന്ന പ്രകടനമാണ് ഈ ചിത്രത്തിന്റെ ഏറ്റവും വലിയ സവിശേഷതകളിൽ ഒന്ന്. പേരറിയാത്തവര്‍, ആക്ഷന്‍ ഹീറോ ബിജു എന്നീ സിനിമകളിലെ പ്രകടനം പോലെ തന്നെ സുരാജിന്‍റെ കരിയറിലെ മികച്ച പ്രകടനങ്ങളില്‍ ഒന്നാണ് ഈ ചിത്രത്തിലേത്.

കേരള പോലീസിൽ നിന്ന് സിനിമയിലെത്തിയ പോലീസുകാരും തങ്ങളുടെ ഭാഗം ഏറ്റവും മികച്ചതാക്കിയത് ഈ ചിത്രത്തിന്റെ മികവ് കുറച്ചൊന്നുമല്ല വർധിപ്പിച്ചത്. ബിജിപാലിന്റെ മനോഹര സംഗീതവും രാജീവ് രവി ഒരുക്കിയ ദൃശ്യങ്ങളും ചിത്രത്തെ കൂടുതൽ മനോഹരമാക്കി.

തൊണ്ടിമുതലും ദൃക്‌സാക്ഷിയും ഫഹദ് ഫാസിലിന്റെ കരിയറിലെ ഏറ്റവും വലിയ വിജയമാകുമോ എന്ന് നമ്മുക്ക് കാത്തിരുന്ന് കാണാം. ഇതോടൊപ്പം ഫഹദ് ഫാസിൽ നായകനായ റോൾ മോഡൽസ് എന്ന ചിത്രവും തീയേറ്ററുകളിൽ പ്രദർശനം തുടരുന്നുണ്ട്.

The post വമ്പൻ കളക്ഷനുമായി തൊണ്ടിമുതലും ദൃക്‌സാക്ഷിയും first appeared on Onlookersmedia.

The post വമ്പൻ കളക്ഷനുമായി തൊണ്ടിമുതലും ദൃക്‌സാക്ഷിയും appeared first on Onlookersmedia.

പ്രണയ വിവാഹം കൊണ്ട് നാട്ടിൽ നിന്നും മാറി നിൽക്കേണ്ടി വന്ന പ്രസാദിന്‍റെയും (സുരാജ് വെഞ്ഞാറമൂട്) ശ്രീജ (നിമിഷ സജയൻ)യുടെയും കഥയിലൂടെയാണ് സിനിമ ആരംഭിക്കുന്നത്. ഒരു ബസ് യാത്രയ്ക്കിടയിൽ ഒരു കള്ളൻ (ഫഹദ് ഫാസിൽ) അവരുടെ ജീവിതത്തിലേക്ക് കടന്നു വരുന്നതോട് കൂടെ പ്രസാദിന്‍റെയും ശ്രീജയുടെയും പ്രതീക്ഷകൾ ഇല്ലാതെയാകുന്നു. തുടർന്ന് നടക്കുന്ന സംഭവങ്ങളിലൂടെയാണ് കഥ മുന്നോട്ട് പോകുന്നത്.

വിശപ്പിന്‍റെ രാഷ്ട്രീയവും ചർച്ച ചെയ്യുന്ന ചിത്രത്തിൽ പറയാതെ പറയുന്ന ഒട്ടേറെ കാര്യങ്ങൾ എഴുത്തുകാരനും സംവിധായകനും എഴുതി ചേർക്കുന്നുണ്ട്. ചില സംഭാഷണങ്ങൾ പ്രേക്ഷകരെ ഏറെ ചിന്തിപ്പിക്കുന്നതുമാണ്.

സജീവ് പാഴൂരിന്‍റെ തിരക്കഥയും ദിലീഷ് പോത്തന്‍റെ സംവിധാന മികവും തന്നെയാണ് തൊണ്ടിമുതലും ദൃക്‌സാക്ഷിയുമിന്‍റെ നട്ടെല്ല്. കള്ളൻ ആയി ഫഹദ് ഫാസിൽ അതിശയിപ്പിക്കുന്ന അഭിനയ മികവാണ് കാഴ്ച വെച്ചത്. തന്‍റെ മുൻകാല കഥാപാത്രങ്ങളെ ഓർമ്മ വരുത്തിക്കുന്ന ഒന്നും ഫഹദിന്‍റെ പെർഫോമൻസിൽ ഇല്ലായിരുന്നു എന്നത് തന്നെയാണ് ആ നടന്‍റെ റേഞ്ച് മനസിലാക്കി തരുന്നത്. സുരാജ് വെഞ്ഞാറന്മൂട്, പുതുമുഖം നിമിഷ സജയൻ, അലൻസിയർ എന്നിവരും അഭിനയിച്ചു വിസ്മയിപ്പിക്കുന്നുണ്ട്. പോലീസ് ഓഫീസറുമാരായി വന്ന പുതുമുഖങ്ങളും കയ്യടി നേടുന്നു.

സിനിമയ്ക്ക് യോജിക്കുന്ന രീതിയിൽ തന്നെ രാജീവ് രവി ക്യാമറ കൈകാര്യം ചെയ്തിട്ടുണ്ട്. ബിജിപാലിന്‍റെ ഗാനങ്ങളും പശ്ചാത്തല സംഗീതവും കിരൺ ദാസിന്‍റെ എഡിറ്റിങും സിനിമയ്ക്ക് ചേർന്ന് നിൽക്കുന്നു.

മഹേഷിന്‍റെ പ്രതികാരം പോലെ എല്ലാം തുറന്ന് പറയാതെ ഉൾവായനയ്ക്കുള്ള അവസരം നൽകിയിട്ടാൻ ഇത്തവണ ദിലീഷ് പോത്തൻ സിനിമ മുന്നോട്ട് കൊണ്ട് പോകുന്നത്. ആദ്യ കാഴ്ചയിലും ഉൾവായനയിലും ഒട്ടേറെ ആസ്വദിക്കാനുള്ള നിമിഷങ്ങൾ സമ്മാനിക്കുന്ന ഒരു നല്ല ചിത്രമാണ് തൊണ്ടിമുതലും ദൃക്‌സാക്ഷിയും..

The post തൊണ്ടിമുതലും ദൃക്സാക്ഷിയും റിവ്യൂ first appeared on Onlookersmedia.

The post തൊണ്ടിമുതലും ദൃക്സാക്ഷിയും റിവ്യൂ appeared first on Onlookersmedia.