ദൃശ്യം, മെമ്മറീസ് തുടങ്ങിയ സൂപ്പര്‍ ഹിറ്റുകള്‍ ഒരുക്കിയ ജിത്തു ജോസഫ് ആണ് ആദി സംവിധാനം ചെയ്യുന്നത്. മോഹന്‍ലാലിന്‍റെ മകന്‍ നായകനാകുന്നു എന്ന ഒറ്റ വിശേഷണം കൊണ്ട് തന്നെ സിനിമ ഏറെ പ്രേക്ഷക ശ്രദ്ധ നേടിയിരിക്കുകയാണ്. പ്രേക്ഷകരുടെ പ്രതീക്ഷകള്‍ക്ക് ഒത്തു ഉയരുന്ന ഒരു സിനിമ തന്നെയാകും ആദി എന്ന ആത്മ വിശ്വാസത്തിലാണ് സംവിധായകന്‍.

ആക്ഷന്‍-ഫാമിലി ഡ്രാമ കാറ്റഗറിയില്‍ ഒരുങ്ങുന്ന ആദി എല്ലാതരം പ്രേക്ഷകര്‍ക്കും ആസ്വദിക്കാവുന്ന രീതിയിലാണ് ഒരുക്കുന്നത്. സിദ്ദിഖ്, സിജുവിത്സന്‍, ഷറഫുദ്ദീന്‍ തുടങ്ങിയ ഒരു താര നിരയും ചിത്രത്തിലുണ്ട്.

മോഹന്‍ലാല്‍ ചിത്രമായ ഒന്നാമനിലൂടെ ബാലതാരമായി സിനിമയിലേക്ക് എത്തിയ പ്രണവ്, മേജര്‍ രവി ചിത്രം പുനര്‍ജനിയിലൂടെ മികച്ച ബാലതാരത്തിനുള്ള സംസ്ഥാന അവാര്‍ഡ് സ്വന്തമാക്കിയിരുന്നു. ജിത്തു ജോസഫിന്‍റെ പാപനാശം, ലൈഫ് ഓഫ് ജോസൂട്ടി എന്നീ ചിത്രങ്ങളില്‍ സഹ സംവിധായകന്‍ ആയും പ്രണവ് പ്രവര്‍ത്തിച്ചിട്ടുണ്ട്.

The post അരങ്ങേറ്റം മികച്ചതാക്കാന്‍ പ്രണവ് മോഹന്‍ലാല്‍; ആദി ആരംഭിച്ചു. first appeared on Onlookersmedia.

The post അരങ്ങേറ്റം മികച്ചതാക്കാന്‍ പ്രണവ് മോഹന്‍ലാല്‍; ആദി ആരംഭിച്ചു. appeared first on Onlookersmedia.

ആ ചിത്രങ്ങള്‍ക്കിടയില്‍ പ്രണവ് മോഹന്‍ലാലും ജിത്തു ജോസഫും തമ്മില്‍ നല്ല കെമിസ്ട്രി ഉണ്ടായത് കൊണ്ടാകാം തന്‍റെ ആദ്യ ചിത്രത്തിന്‍റെ സംവിധായകനായി ജിത്തു ജോസഫിനെ പ്രണവ് മോഹന്‍ലാല്‍ തിരഞ്ഞെടുത്തത്.

തന്‍റെ ചിത്രത്തിലൂടെ നായകനായി വെള്ളിത്തിരയിലേക്ക് എത്തുന്ന പ്രണവ് മോഹന്‍ലാലിനെ കുറിച്ചും പ്രണവിന്‍റെ ക്വാളിറ്റിയെ കുറിച്ചും ജിത്തു ജോസഫ് സംസാരിക്കുന്നു.

“പ്രണവിന് അവന്‍റേതായ കുറെ സ്വപ്നങ്ങളും ആഗ്രഹങ്ങളും ഉണ്ട്. എന്തിനാണ് തന്‍റെ ചിത്രത്തില്‍ അസിസ്റ്റന്‍റ് ഡയറക്ടര്‍ ആയി വന്നത് എന്നു ചോദിച്ചപ്പോള്‍ പ്രണവിന്‍റെ ഉത്തരം ഇങ്ങനെ ആയിരുന്നു. എനിക്ക് യാത്ര ചെയ്യാന്‍ കുറച്ച് പണം വേണം.. പ്രണവ് അങ്ങനെയാണ്. അച്ഛനോട് പണം ചോദിക്കാന്‍ ആയാല്‍ക്ക് ബുദ്ധിമുട്ടാണ്. അതൊരു വലിയ ക്വാളിറ്റി അല്ലേ.?” ജിത്തു ജോസഫ് ചോദിക്കുന്നു.

“അയാള്‍ ചെയ്യുന്ന ജോലി പെര്‍ഫക്റ്റ് ആയതുകൊണ്ടാണ് ഞാന്‍ വീണ്ടും എന്‍റെ ചിത്രങ്ങളിലേക്ക് വിളിച്ചത്. പ്രണവിന്‍റെ അമ്മാവന്‍ ആയിരുന്നു പാപനാശത്തിന്‍റെ നിര്‍മ്മാതാവ്. ഞങ്ങളെ പോലെ നല്ല റൂമില്‍ താമസിക്കാന്‍ കഴിയുമായിരുന്നെങ്കിലും അയാള്‍ ലോഡ്ജില്‍ അസിസ്റ്റന്‍റ് ഡയറക്ടര്‍മാരോടൊപ്പമാണ് താമസിച്ചത്.” ജിത്തു ജോസഫ് കൂട്ടി ചേര്‍ത്തു.

The post പ്രണവിന് ഒരു ക്വാളിറ്റിയുണ്ട് : ജിത്തു ജോസഫ് പറയുന്നു first appeared on Onlookersmedia.

The post പ്രണവിന് ഒരു ക്വാളിറ്റിയുണ്ട് : ജിത്തു ജോസഫ് പറയുന്നു appeared first on Onlookersmedia.

വർഷങ്ങളായി പല സംവിധായകരും പ്രണവിനെ നായകനാക്കാൻ വേണ്ടി ശ്രമിച്ചെങ്കിലും നറുക്ക് വീണത് ജിത്തു ജോസഫിനാണ്. പ്രണവിനൊപ്പം സിനിമ ചെയ്യുന്നതിന്റെ ത്രിൽ ജിത്തു ജോസഫിന്റെ സംസാരത്തിലും ഉണ്ട്.

ഇതുവരെ താൻ എട്ട് സിനിമകൾ ചെയ്തു. അതിൽ ഒന്നും അനുഭവിക്കാത്ത ടെൻഷനാണ് ഈ ചിത്രത്തിന് വേണ്ടി അനുഭവിക്കുന്നതെന്ന് ജിത്തു ജോസഫ് ആദിയുടെ പൂജ ചടങ്ങിൽ പറഞ്ഞിരുന്നു.

എവിടെ ചെന്നാലും ചിത്രത്തെക്കുറിച്ചു ആളുകളുടെ ചോദ്യങ്ങൾ നേരിട്ടു കൊണ്ടിരിക്കുകയാണ്. എല്ലാവർക്കും ചിത്രത്തിന്റെ കഥയെക്കുറിച്ചും പ്രണവ് മോഹൻലാലിന്റെ കഥാപാത്രത്തെയും അറിയണം. ജിത്തു ജോസഫ് പറയുന്നു.

പ്രണവ് മോഹൻലാലിനെ ഈ സിനിമയിലേക്ക് ആകർഷിച്ച പ്രധാന ഘടകം ഈ ചിത്രത്തിൽ പ്രണയമില്ല എന്നതാണത്രെ.

ഈ സിനിമയിൽ പ്രണവിന് നായികയുണ്ട്. എന്നാൽ പ്രണയം ഇല്ല. അതാണ് പ്രണവിന് ഈ സിനിമയിൽ ഏറെ ആകർഷിച്ച കാര്യവും. ജിത്തു ജോസഫ് പറയുന്നു.

ആക്ഷന് പ്രാധാന്യം നൽകുന്ന ചിത്രത്തിന് വേണ്ടി മാസങ്ങളായി പ്രണവ് മോഹൻലാൽ പാർക്കർ പരിശീലനം നടത്തി വരുകയാണ്. സ്റ്റൈലിഷ് ത്രില്ലർ മൂഡിൽ ആണ് സിനിമ എത്തുന്നത്.

The post ആദിയിലേക് പ്രണവ് മോഹൻലാലിനെ ആകർഷിച്ച വിഷയം ഇതാണ്.. ജിത്തു ജോസഫ് പറയുന്നു first appeared on Onlookersmedia.

The post ആദിയിലേക് പ്രണവ് മോഹൻലാലിനെ ആകർഷിച്ച വിഷയം ഇതാണ്.. ജിത്തു ജോസഫ് പറയുന്നു appeared first on Onlookersmedia.

ആദിയുടെ മോഷൻ പോസ്റ്റർ ആരാധകർ ആവേശമായി ഏറ്റെടുത്തതോടെ മോഹൻലാലിൻറെ ഒടിയൻ മോഷൻ പോസ്റ്ററിന് ശേഷം പ്രണവ് മോഹൻലാലിൻറെ ആദി മോഷൻ പോസ്റ്ററും സോഷ്യൽ മീഡിയയിൽ തരംഗമായി മാറുകയാണ്.

ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിക്കുന്ന ഈ ചിത്രത്തിന്റെ ചിത്രീകരണം ഉടൻ ആരംഭിക്കും. എറണാകുളം, ബാംഗ്ലൂർ എന്നിവിടങ്ങളിലായി ചിത്രീകരണം പൂർത്തിയാക്കാനുദ്ദേശിക്കുന്ന ഈ ചിത്രം ഈ വർഷത്തെ ആശിർവാദ് സിനിമാസിന്റെ ക്രിസ്മസ് റിലീസ് ആയി തീയേറ്ററുകളിൽ എത്തിക്കാനാണ് തീരുമാനമെന്നറിയുന്നു.

സതീഷ് കുറുപ്പ് ഛായാഗ്രഹണം നിർവഹിക്കുന്ന ഈ ചിത്രത്തിന് വേണ്ടി സംഗീതമൊരുക്കുന്നത് അനിൽ ജോൺസണാണ്. അയൂബ് ഖാൻ എഡിറ്റർ ആയും ലിൻഡ ജീത്തു വസ്ത്രാലങ്കാരകയായും ഈ ചിത്രത്തിന്റെ ഭാഗമാകും.

മുകേഷ്, വിജയ രാഘവൻ, സിജു വിൽ‌സൺ, ഷറഫുദ്ധീൻ എന്നിവരും ആദി എന്ന ഈ ചിത്രത്തിന്റെ താര നിരയുടെ ഭാഗമായി വരുമെന്നറിയുന്നു. ചിത്രത്തിന്റെ കൂടുതൽ വിവരങ്ങൾ വരും ദിവസങ്ങളിൽ അറിയിക്കുമെന്ന് ജീത്തു ജോസഫ് മാധ്യമങ്ങളോട് പറഞ്ഞു.

മേജർ രവി സംവിധാനം ചെയ്ത പുനർജനി എന്ന തന്റെ ആദ്യ ചിത്രത്തിലൂടെ തന്നെ മികച്ച ബാലതാരത്തിനുള്ള സംസ്ഥാന അവാർഡ് നേടിയ പ്രണവ് പിന്നീട് മോഹൻലാൽ നായകനായ തമ്പി കണ്ണന്താനത്തിന്റെ ഒന്നാമൻ, അമൽ നീരദിന്റെ സാഗർ ഏലിയാസ് ജാക്കി തുടങ്ങിയ ചിത്രങ്ങളിൽ അതിഥി വേഷത്തിലും എത്തിയിരുന്നു.

ആദി എന്ന ചിത്രത്തിനായി പ്രണവ് മോഹൻലാൽ പാർക്കർ , ജിനാസ്റ്റിക്സ് എന്നിവയിൽ പരിശീലനം നേടുകയും ചെയ്തിട്ടുണ്ട്. ജീത്തു ജോസെഫിന്റെ കൂടെ സഹ സംവിധായകനായും രണ്ടു ചിത്രങ്ങളിൽ പ്രണവ് മോഹൻലാൽ ജോലി ചെയ്തിട്ടുണ്ട്. പാപനാശം, ലൈഫ് ഓഫ് ജോസൂട്ടി എന്ന ചിത്രങ്ങളിലായിരുന്നു പ്രണവ് ജീത്തുവിന്റെയൊപ്പം ജോലി ചെയ്തത്.

The post പ്രണവ് മോഹൻലാൽ ചിത്രം ആദിയുടെ മോഷൻ പോസ്റ്റർ തരംഗമാകുന്നു first appeared on Onlookersmedia.

The post പ്രണവ് മോഹൻലാൽ ചിത്രം ആദിയുടെ മോഷൻ പോസ്റ്റർ തരംഗമാകുന്നു appeared first on Onlookersmedia.

ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ ആണ് ഈ ചിത്രം നിർമ്മിക്കുന്നത്. ഉടൻ തന്നെ ഷൂട്ടിംഗ് ആരംഭിക്കുന്ന ഈ ചിത്രം ക്രിസ്മസ് റിലീസ് ആയി തീയേറ്ററുകളിൽ എത്തിക്കാനാണ് പ്ലാൻ എന്നാണറിയുന്നത്.

അനിൽ ജോൺസൻ സംഗീതം നിർവഹിക്കുന്ന ഈ ചിത്രത്തിന്റെ എഡിറ്റർ അയൂബ് ഖാൻ ആണ്. സതീഷ് കുറുപ്പാണ് ഛായാഗ്രഹണം നിർവഹിക്കുക എന്നറിയുന്നു. മുകേഷ് പ്രണവ് മോഹൻലാലിൻറെ അച്ഛൻ കഥാപാത്രത്തെ അവതരിപ്പിക്കുമെന്നും അത് പോലെ തന്നെ വിജയ രാഘവൻ, ഷറഫുദീൻ, സിജു വിൽ‌സൺ എന്നിവരും ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുമെന്നും റിപ്പോർട്ടുകൾ സൂചിപ്പിക്കുന്നു. ബാംഗ്ലൂർ, എറണാകുളം എന്നിവിടങ്ങളിലായാവും ചിത്രത്തിന്റെ പ്രധാന ഭാഗങ്ങൾ ചിത്രീകരിക്കുക.

മോഹൻലാലിന്റേയും സുചിത്ര മോഹൻലാലിന്റേയും മകൾ വിസ്മയയുടെയും സാന്നിധ്യത്തിലായിരുന്നു പ്രണവിന്റെ ചിത്രം ലോഞ്ച് ചെയ്തത്. പ്രൊഡ്യൂസർ ആന്റണി പെരുമ്പാവൂർ, സംവിധായകൻ ജീത്തു ജോസഫ് എന്നിവർക്ക് പുറമെ മോഹൻലാലിന്‍റെ ചിത്രങ്ങളുടെ സംവിധായകരായ ലാൽ ജോസ്, ശ്രീകുമാർ മേനോൻ എന്നിവരും പൂജ വേളയിൽ തങ്ങളുടെ സാന്നിധ്യം അറിയിച്ചു.

മോഹൻലാൽ നായകനായ ലാൽ ജോസ് ചിത്രം വെളിപാടിന്‍റെ പുസ്തകത്തിന്‍റെ ടീസറും അത് പോലെ തന്നെ പുതിയ രണ്ടു പോസ്റ്ററുകളും പൂജ വേളയിൽ പ്രദർശിപ്പിച്ചു. മലയാള സിനിമയിലെ ഏറ്റവും വലിയ ചിത്രമായ ഒടിയന്‍റെ പൂജയും ഇന്ന് അതേ വേദിയിൽ വെച് മേൽപറഞ്ഞ എല്ലാവരുടെയും സാന്നിധ്യത്തിൽ നടന്നു.

ആശിർവാദ് സിനിമാസിന്‍റെ ബാനറിൽ ആന്റണി പെരുമ്പാവൂർ തന്നെയാണ് വെളിപാടിന്റെ പുസ്തകവും ഒടിയനും നിർമ്മിക്കുന്നത്. വെളിപാടിന്റെ പുസ്തകം ഓണത്തിന് പ്രദർശനത്തിനെത്തും. ഒടിയന്റെ ചിത്രീകരണം അടുത്ത മാസം പാലക്കാട് ആരംഭിക്കും.

The post പ്രണവ് മോഹൻലാൽ-ജീത്തു ജോസഫ് ചിത്രം ‘ആദി’ first appeared on Onlookersmedia.

The post പ്രണവ് മോഹൻലാൽ-ജീത്തു ജോസഫ് ചിത്രം ‘ആദി’ appeared first on Onlookersmedia.

യാത്രകളും മറ്റുമായി നടന്ന പ്രണവ്, സിനിമയിലേക്ക് വരുമോ എന്ന മാധ്യമങ്ങളുടെ ചോദ്യങ്ങൾക്ക് മുൻപിൽ എല്ലാം മോഹൻലാൽ പ്രണവ് അവന്റെ ഇഷ്ടം പോലെ ചെയ്യട്ടെ എന്ന മട്ടിൽ പറഞ്ഞു ഒഴിവാക്കുകയായിരുന്നു.

എന്നാൽ പ്രേക്ഷകരെ ഞെട്ടിച്ചു 2014ൽ ദൃശ്യത്തിന്‍റെ തമിഴ് റീമേക്ക് പാപനാശത്തിലൂടെ പ്രണവ്, ജിത്തു ജോസഫിന്‍റെ അസിസ്റ്റന്റ് ഡയറക്ടർ ആയി വെള്ളിത്തിരയിലേക്ക് എത്തി. തൊട്ടടുത്ത വര്ഷം ദിലീപ് ചിത്രം ലൈഫ് ഓഫ് ജോസൂട്ടിയിലും പ്രണവ് അസിസ്റ്റന്റ് ഡയറക്ടർ ആയി. ജിത്തു ജോസഫ് തന്നെയായിരുന്നു ഈ സിനിമയുടെയും സംവിധായകൻ.

പ്രണവ് സംവിധായകൻ ആകാൻ പോകുകയാണെന്ന് പ്രതീക്ഷിച്ചിരിക്കുമ്പോഴാണ് വീണ്ടും ഒരു സർപ്രൈസ് വാർത്ത എത്തിയത്. ജിത്തു ജോസഫിന്‍റെ പുതിയ ചിത്രത്തിൽ നായകനായി പ്രണവ് എത്തുന്നു. ആരാധകരുടെ ആവേശം ഇരട്ടിയായി. പേരുപോലും ഇടും മുന്നേ പ്രണവിന്‍റെ ആദ്യ ചിത്രത്തിന്‍റെ വിശേഷങ്ങൾ സോഷ്യൽ മീഡിയയിൽ നിറഞ്ഞു.

താര പുത്രന്‍ വരവിനായി കാത്തിരിക്കുന്ന ആരാധകർക്കും പ്രേക്ഷകർക്കും ഇതാ പ്രണവ്-ജിത്തു ജോസഫ് ചിത്രത്തെ കുറിച്ച് ചില വിശേഷങ്ങൾ…

ആശിർവാദ് സിനിമാസിന്‍റെ ബാനറിൽ ആന്റണി പെരുമ്പാവൂർ നിർമ്മിക്കുന്ന ചിത്രത്തിന്‍ പൂജ നാളെ തിരുവനന്തപുരത്ത് നടക്കും. എറണാകുളവും ബാംഗ്ലൂരുമാണ് ചിത്രത്തിന്‍ പ്രധാന ലൊക്കേഷനുകൾ. ആക്ഷൻ ഫാമിലി ഡ്രാമയാണ് ചിത്രം. ഈ ചിത്രത്തിലെ ആക്ഷൻ സീനുകൾക്ക് വേണ്ടി പ്രണവ് മാസങ്ങളായി പാർക്കർ പരിശീലനം നടത്തിയിരുന്നു.

പ്രശസ്ത ഛായാഗ്രാഹകന്‍ സതീഷ് കുറുപ്പാണ് ചിത്രത്തിന്‍റെ ക്യാമറ കൈകാര്യം ചെയ്യുന്നത്. വിജയ രാഘവൻ, ഷറഫുദ്ധീൻ (ഗിരിരാജൻ കോഴി), ഹാപ്പി വെഡിങ് ഫെയിം സിജു വിൽസൺ എന്നിവരാണ് ചിത്രത്തിലെ മറ്റു പ്രധാന താരങ്ങൾ.

2002ൽ ബാലതാരമായി മോഹൻലാൽ ചിത്രം ഒന്നാമനിലൂടെ അരങ്ങേറ്റം കുറിച്ച പ്രണവ് മോഹൻലാൽ അതെ വർഷം തന്നെ ഇറങ്ങിയ മേജർ രവി ചിത്രം പുനർജനിയിലൂടെ കേരള ഗവൺമെന്റിന്‍റെ മികച്ച ബാലതാരത്തിനുള്ള അവാർഡ് സ്വന്തമാക്കി.

തുടർന്ന് വർഷങ്ങളോളം സിനിമയിൽ നിന്നും മാറി നിന്ന പ്രണവിനെ പിന്നീട് കണ്ടത് മോഹൻലാലിന്‍റെ തന്നെ ചിത്രമായ സാഗർ ഏലിയാസ് ജാക്കിയിലെ ഒരു ഗാന രംഗത്തായിരുന്നു. വീണ്ടും പ്രണവിനെ ഉടൻ തന്നെ വെള്ളിത്തിരയിൽ കാണാൻ കഴിയുമെന്ന പ്രതീക്ഷയിലാണ് ആരാധകർ.

The post ആരാധകർ കാത്തിരിക്കുന്ന പ്രണവ് മോഹൻലാൽ ചിത്രത്തിന്‍റെ വിശേഷങ്ങൾ ഇതാ.. first appeared on Onlookersmedia.

The post ആരാധകർ കാത്തിരിക്കുന്ന പ്രണവ് മോഹൻലാൽ ചിത്രത്തിന്‍റെ വിശേഷങ്ങൾ ഇതാ.. appeared first on Onlookersmedia.