ഗപ്പിക്ക് ശേഷം ജോണ്‍പോള്‍ ജോര്‍ജ് ഫഹദ് ഫാസിലിനെ നായകനാക്കി സിനിമ ഒരുക്കുന്നു എന്നാണ് സിനിമ ലോകത്തെ പുതിയ വാര്‍ത്തകള്‍. ജോണ്‍പോള്‍ ജോര്‍ജ് പ്രൊഡക്ഷനും സമീര്‍ താഹിര്‍ പ്രൊഡക്ഷനുമാണ് ചിത്രത്തിന്‍റെ നിര്‍മ്മാതാക്കള്‍.

ഗപ്പിയുടെ ഛായാഗ്രാഹകന്‍ ഗിരീഷ് ഗംഗാധരനും സംഗീത സംവിധായകന്‍ വിഷ്ണു വിജയിയും പുതിയ ചിത്രത്തിലും ജോണ്‍പോളിനൊപ്പം ചേരുന്നു.

ഗപ്പിക്ക് ശേഷം നിവിന്‍ പോളിയെ നായകനാക്കി ഒരു സിനിമ ജോണ്‍പോളിന്‍റെതായി വാര്‍ത്തകള്‍ വന്നിരുന്നെങ്കിലും ആ സിനിമയ്ക്ക് പകരം ഉടന്‍ തന്നെ ഫഹദ് ചിത്രത്തിലേക്ക് തിരിയുകയായിരുന്നു ജോണ്‍പോള്‍.

സമീര്‍ താഹിറിനൊപ്പം ഏതാനും ചിത്രങ്ങള്‍ അസിസ്റ്റന്‍റ് ഡയറക്ടര്‍ ആയി പ്രവര്‍ത്തിച്ച ആളാണ് ജോണ്‍പോള്‍ ജോര്‍ജ്. സമീര്‍ താഹിര്‍ ചിത്രം ചാപ്പാ കുരിശിലൂടെയായിരുന്നു ഫഹദ് ഫാസിലിന്‍റെ വമ്പന്‍ തിരിച്ചു വരവ് മലയാള സിനിമ ലോകം കണ്ടത്. അത് കൊണ്ട് തന്നെ ഈ കൂട്ടുകെട്ട് സിനിമ ആസ്വാദകര്‍ കാത്തിരിക്കുന്ന ഒരു ചിത്രം തന്നെ ആയിരിയ്ക്കും.

2018 ജനുവരി ആദ്യം ചിത്രത്തിന്‍റെ ഷൂട്ടിംഗ് ആരംഭിക്കാന്‍ ആണ് പ്ലാനുകള്‍.

The post ഗപ്പി സംവിധായകന്‍ ജോണ്‍പോള്‍ ചിത്രത്തില്‍ ഫഹദ് നായകന്‍ first appeared on Onlookersmedia.

The post ഗപ്പി സംവിധായകന്‍ ജോണ്‍പോള്‍ ചിത്രത്തില്‍ ഫഹദ് നായകന്‍ appeared first on Onlookersmedia.