Tuesday, May 21

ആ പഴയ ഹരിശ്രീ അശോകൻ ഇതാ; രസികൻ നൃത്തവുമായി ലോക്കൽ സ്റ്റോറിയിലെ കിടിലൻ ഗാനം

Google+ Pinterest LinkedIn Tumblr +
Want create site? Find Free WordPress Themes and plugins.

പ്രശസ്ത ഹാസ്യ താരം ഹരിശ്രീ അശോകൻ ആദ്യമായി സംവിധാനം ചെയ്ത ചിത്രമാണ് ആൻ ഇന്റർനാഷണൽ ലോക്കൽ സ്റ്റോറി. ഉടൻ തന്നെ റിലീസിന് ഒരുങ്ങി നിൽക്കുന്ന ഈ ചിത്രത്തിന്റെ ടീസർ, ട്രൈലെർ എന്നിവ വമ്പൻ പ്രേക്ഷക ശ്രദ്ധയാണ് നേടിയെടുത്തത്. ഇപ്പോഴിതാ ഈ ചിത്രത്തിലെ ഒരു അടിപൊളി പാട്ട് കൂടി റിലീസ് ചെയ്തു കഴിഞ്ഞു. മലയുടെ മേലേക്കാവിൽ എന്ന് തുടങ്ങുന്ന ഈ ഗാനം ഒരു കിടിലൻ ഉത്സവ ഗാനമായാണ് ഒരുക്കിയിരിക്കുന്നത്. രാഹുൽ മാധവ്, മണിക്കുട്ടൻ എന്നിവർ തകർത്താടിയിരിക്കുന്ന ഈ പാട്ടിന്റെ മറ്റൊരു സവിശേഷത രസകരമായ ഡാൻസുമായി പ്രത്യക്ഷപ്പെടുന്ന ഹരിശ്രീ അശോകൻ തന്നെയാണ്. ഒരുപാട് കാലത്തിനു ശേഷമാണ് ഇത്രയും എനർജിയിൽ നമ്മൾ ഹരിശ്രീ അശോകനെ കാണുന്നത് എന്ന് എടുത്തു പറയേണ്ടി വരും.

ഇവർക്കൊപ്പം മനോജ് കെ ജയൻ, ബിജു കുട്ടൻ, ദീപക്, ടിനി ടോം, ധർമജൻ ബോൾഗാട്ടി തുടങ്ങിയവരും ഈ അടിപൊളി ഗാനത്തിൽ ചുവടു വെക്കുന്നുണ്ട്. രാജീവ് ആലുങ്കൽ വരികൾ എഴുതിയ ഈ ഗാനത്തിന് സംഗീതം ഒരുക്കിയിരിക്കുന്നത് നാദിർഷ ആണ്. അഫ്സൽ ആണ് ഈ ഗാനം ആലപിച്ചിരിക്കുന്നത്. എസ് സ്‌ക്വയർ സിനിമാസിന്റെ ബാനറിൽ എം. ഷിജിത്ത് നിർമ്മിച്ചിരിക്കുന്ന ഈ ചിത്രം രചിച്ചിരിക്കുന്നത് യുവ രചയിതാക്കളായ രഞ്ജിത്, സനീഷ്, എബിൻ എന്നിവർ ചേർന്നാണ്. ഒരു കമ്പ്ലീറ്റ് കോമഡി എന്റെർറ്റൈനെർ ആയി ഒരുക്കിയിരിക്കുന്ന ഈ ചിത്രത്തിൽ രാഹുൽ മാധവ്, ദീപക്, ധർമജൻ, ബിജു കുട്ടൻ , മനോജ് കെ ജയൻ, ടിനി ടോം, ഇന്നസെന്റ്, ബൈജു, കലാഭവൻ ഷാജോൺ, സലിം കുമാർ, കുഞ്ചൻ, സുരേഷ് കൃഷ്ണ, ജാഫർ ഇടുക്കി, മാല പാർവതി, സുരഭി സന്തോഷ്, മമിതാ ബൈജു, രേഷ്മ എന്നിവരാണ് പ്രധാന വേഷങ്ങൾ ചെയ്തിരിക്കുന്നത്. ഗോപി സുന്ദർ, നാദിർഷ, അരുൺ രാജ്  തുടങ്ങിയവർ സംഗീതം ഒരുക്കിയ ഈ ചിത്രത്തിന് ദൃശ്യങ്ങൾ നൽകിയത് ആൽബി ആന്റണി ആണ്.


Did you find apk for android? You can find new Free Android Games and apps.
Share.

About Author

mm