ജാലിയൻവാലാബാഗ് എന്ന മലയാള ചിത്രത്തിന്റെ പ്രോമോ വീഡിയോ ഇന്ന് ഏവരുടെയും മുൻപിലേക്ക് എത്തി കഴിഞ്ഞു. പ്രശസ്ത തമിഴ് നടൻ വിജയ് സേതുപതിയാണ് ഈ ചിത്രത്തിന്റെ പ്രോമോ വീഡിയോ ഫേസ്ബുക്കിലൂടെ ലോഞ്ച് ചെയ്തത്. ഈ കോമഡി ചിത്രം സംവിധാനം ചെയ്തിരിക്കുന്നത് അഭിനേഷ് അപ്പുക്കുട്ടൻ ആണ്. ലിന്റോ തോമസ്, പ്രിൻസ് ഹുസൈൻ എന്നിവർ ചേർന്ന് നിർമ്മിച്ചിരിക്കുന്ന ഈ ചിത്രത്തിലെ ഒരു ഗാനത്തിന്റെ വീഡിയോ ആണ് ഇന്ന് റിലീസ് ചെയ്തിരിക്കുന്നത്. അൻവർ ശരീഫ് , ശാലു റഹിം, ടോം ഇമ്മട്ടി, സുധി കോപ്പ, സുബീഷ് സുധി, ബാലാജി ശർമ്മ, രാജേഷ് ശർമ്മ, അജിത് തലപ്പിള്ളി, ജസ്റ്റിൻ മാത്യു, ഷാനിഫ് മരിക്കാർ എന്നിവരാണ് ഈ ചിത്രത്തിൽ പ്രധാന വേഷങ്ങൾ ചെയ്തിരിക്കുന്നത്. സംവിധായകൻ തന്നെയാണ് ഈ ചിത്രത്തിന്റെ രചനയും നിർവഹിച്ചിരിക്കുന്നതു.
ഈ ചിത്രത്തിന് വേണ്ടി ദൃശ്യങ്ങൾ ഒരുക്കിയത് സാജിദ് നസീറും ഈ ചിത്രം എഡിറ്റ് ചെയ്തിരിക്കുന്നത് റെയ്മണ്ട് ഡെറിക് കാസ്ട്രയും ആണ്. മണികണ്ഠൻ അയ്യപ്പ സംഗീതം പകർന്നിരിക്കുന്ന ഈ ചിത്രം സ്റ്റോറീസ് ആൻഡ് തൊട്ട് പ്രൊഡക്ഷൻസിന്റെ ബാനറിൽ ആണ് നിർമ്മിച്ചിരിക്കുന്നത്. താ നാ നാ എന്ന് തുടങ്ങുന്ന ഒരു ഗാനത്തിന്റെ വീഡിയോ ആണ് ഇന്ന് റിലീസ് ചെയ്തിരിക്കുന്നത്. ആന്റണി ദാസൻ ആലപിച്ചിരിക്കുന്നു ഈ ഗാനത്തിന് വരികൾ രചിച്ചിരിക്കുന്നത് വിനായക് ശശികുമാർ ആണ്. അധികം വൈകാതെ തന്നെ ഈ ചിത്രം തീയേറ്ററുകളിൽ എത്തുമെന്നാണ് പ്രതീക്ഷിക്കപ്പെടുന്നത്. ഏതായാലും ഗാനം പ്രേക്ഷകരുടെ ശ്രദ്ധ നേടിയെടുക്കുന്നുണ്ട് എന്ന് തന്നെയാണ് ആദ്യ പ്രതികരണങ്ങൾ സൂചിപ്പിക്കുന്നത്.
