ആലുമാ ഡോലുമാക്കു ചുവടു വച്ച് ദുൽഖർ സൽമാനും ശ്രുതി ഹാസനും; വീഡിയോ തരംഗമാകുന്നു!

Advertisement

തല അജിത്തിനെ നായകനാക്കി ശിവ ഒരുക്കിയ ചിത്രം ആണ് വേതാളം. ഏകദേശം മൂന്നു വർഷം മുൻപ് ഇറങ്ങിയ ഈ ചിത്രം ബോക്സ് ഓഫീസിൽ വമ്പൻ വിജയം നേടിയ ചിത്രം ആണ്. ഈ ചിത്രത്തിലെ ഒരു ഗാനവും വമ്പൻ ഹിറ്റ് ആയിരുന്നു. അനിരുദ്ധ് രവിചന്ദർ ഈണം നൽകിയ ആലുമാ ഡോലുമാ എന്ന തട്ട് പൊളിപ്പൻ ഗാനം ആണ് അത്. അജിത് ചുവടു വെച്ച ഈ ഗാനം തെന്നിന്ത്യ മുഴുവൻ അന്ന് തരംഗമായി മാറിയിരുന്നു. ഇപ്പോൾ ഈ മൂന്നു വർഷത്തിന് ശേഷവും ഈ ഗാനം തരംഗം സൃഷ്ടിച്ചു കൊണ്ടിരിക്കുകയാണ്. മലയാളത്തിന്റെ യുവ താരം ദുൽഖർ സൽമാനും തമിഴ് നടി ശ്രുതി ഹാസനും ഈ ഗാനത്തിന് ചുവട് വെക്കുന്ന വീഡിയോ ഇപ്പോൾ സോഷ്യൽ മീഡിയയിൽ തരംഗമായി കഴിഞ്ഞു.

Advertisement

രണ്ടു ദിവസം മുൻപ് നടന്ന വനിതാ അവാർഡ് ദാന ചടങ്ങിൽ വെച്ചാണ് ദുൽഖറും ശ്രുതി ഹാസനും വേദിയിൽ ഈ ഗാനത്തിന് ചുവടു വെച്ചത്. ജനപ്രിയ നടനുള്ള അവാർഡ് ലഭിച്ച ദുൽഖർ വേദിയിൽ നൃത്തം അവതരിപ്പിച്ച ശ്രുതിയും ഒത്തു നൃത്തം ചെയ്യുകയായിരുന്നു. വേതാളം എന്ന ചിത്രത്തിൽ ശ്രുതി ഹാസൻ ആയിരുന്നു നായികാ വേഷം ചെയ്തത്. തെന്നിന്ത്യയിലെ രണ്ടു വലിയ താരങ്ങളുടെ ഈ മക്കൾ ഒരുമിച്ചു ഒരു വേദിയിൽ നൃത്തം ചെയ്യുന്നതും ആദ്യമായി ആയിരുന്നു എന്ന് പറയാം. മമ്മൂട്ടിയുടെ മകൻ ദുൽഖറും കമല ഹാസന്റെ മകൾ ശ്രുതിയും ആദ്യമായാണ് ഒരുമിച്ചു ഒരു വേദിയിൽ നൃത്തം ചെയ്തത്. ദുൽഖർ ഇപ്പോൾ തമിഴ് സിനിമയിൽ ആണ് അഭിനയിച്ചു കൊണ്ടിരിക്കുന്നത്. തമിഴ്, തെലുങ്ക്, ഹിന്ദി ഭാഷകളിൽ അഭിനയിച്ചിട്ടുള്ള നടി ആണ് ശ്രുതി ഹാസൻ.

Advertisement

Copyright © 2017 onlookersmedia.

Press ESC to close