ഒരൊന്നൊന്നര പ്രണയ ഗാനവുമായി വിനീത് ശ്രീനിവാസൻ ;വീഡിയോ സോങ് കാണാം

Google+ Pinterest LinkedIn Tumblr +
Want create site? Find Free WordPress Themes and plugins.

യുവ നടൻ ഷെബിൻ ബെൻസനും ഇരുപത്തിയൊന്നാം നൂറ്റാണ്ട് എന്ന ചിത്രത്തിലെ നായിക ആയി അരങ്ങേറ്റം കുറിച്ച സായ ഡേവിഡും അഭിനയിച്ച പുതിയ ചിത്രമാണ് ഒരൊന്നൊന്നര പ്രണയ കഥ. ഈ ചിത്രത്തിലെ ആദ്യ വീഡിയോ സോങ് ഇന്ന് റീലീസ് ചെയ്തിരിക്കുകയാണ്. വിനീത് ശ്രീനിവാസൻ ആലപിച്ച മലബാറി പെണ്ണേ എന്നു തുടങ്ങുന്ന ഈ ഗാനത്തിന് വമ്പൻ സ്വീകരണം ആണ് സോഷ്യൽ മീഡിയയിൽ നിന്നും ലഭിക്കുന്നത്. ആനന്ദ് മധുസൂദനൻ സംഗീത സംവിധാനം നിർവ്വഹിച്ച ഈ ഗാനം രചിച്ചിരിക്കുന്നത് ബി കെ ഹരിനാരായണൻ ആണ്. ഷിബു ബാലൻ സംവിധാനം നിർവഹിച്ചിരിക്കുന്ന ഈ ചിത്രം നിർമ്മിച്ചിരിക്കുന്നത് ഗോൾഡൻ ഗ്ലോബിന്റെ ബാനറിൽ എം എം ഹനീഫ, നിധിൻ ഉദയൻ എന്നിവർ ചേർന്നാണ്.

സംവിധായൻ ഷിബു ബാലൻ തന്നെയാണ് ഈ ചിത്രത്തിന്റെ രചനയും നിർവഹിച്ചിരിക്കുന്നത്. സമീർ ഹഖ് ഛായാഗ്രഹണം നിർവഹിച്ചിരിക്കുന്ന  ഈ ചിത്രം എഡിറ്റ് ചെയ്തിരിക്കുന്നത് രഞ്ജൻ എബ്രഹാം ആണ്. ഒരു റൊമാന്റിക് ഡ്രാമ ആയി ഒരുക്കിയിരിക്കുന്ന ഈ ചിത്രം അധികം വൈകാതെ തന്നെ റിലീസ് ചെയ്യുമെന്നാണ് റിപ്പോർട്ടുകൾ പറയുന്നത്. ഒട്ടേറെ ചിത്രങ്ങളിലെ മികച്ച പ്രകടനത്തിലൂടെ പ്രേക്ഷകരുടെ ഇഷ്ടം പിടിച്ചു പറ്റിയ നടൻ ആണ് ഷെബിൻ ബെൻസൺ. മലയാളത്തിലെ മറ്റു പ്രമുഖ കലാകാരന്മാരും ഈ ചിത്രത്തിന്റെ താര നിരയിൽ ഉണ്ട്. ഇപ്പോൾ റിലീസ് ചെയ്തിരിക്കുന്ന ഈ ഗാനം ഒരു കോളേജ് പ്രോഗ്രാമിന്റെ പശ്ചാത്തലത്തിൽ ആണ് ഒരുക്കിയിരിക്കുന്നത്. ഏതായാലും ഈ ഗാനം മികച്ച പ്രേക്ഷക പ്രതികരണം ആണ് നേടിയെടുക്കുന്നത്. 

Did you find apk for android? You can find new Free Android Games and apps.
Share.

About Author

mm