Wednesday, November 21

ഫഹദിന്റെ അഭിനയപ്രതീക്ഷകൾ വാനോളമുയർത്തി കാർബണി’ലെ ആദ്യഗാനം പുറത്ത്

Google+ Pinterest LinkedIn Tumblr +
Want create site? Find Free WordPress Themes and plugins.

ഫഹദ് ഫാസിൽ നായകനായി എത്തുന്ന മലയാള ചിത്രമാണ് കാർബൺ. അടുത്ത വർഷം ജനുവരി മൂന്നാം വാരം പ്രദർശനം ആരംഭിക്കുന്ന ഈ ചിത്രം സംവിധാനം ചെയ്തിരിക്കുന്നത് പ്രശസ്ത ക്യാമറാമാനും സംവിധായകനുമായ വേണു ആണ്. ദയ, മുന്നറിയിപ്പ് എന്നീ ചിത്രങ്ങൾക്ക് ശേഷം വേണു സംവിധാനം ചെയ്ത ചിത്രമാണ് കാർബൺ. പോയട്രി ഫിലിമ്സിന്റെ ബാനറിൽ സിബി തോട്ടുപുറം, നാവിസ് സേവ്യർ എന്നിവർ ചേർന്ന് നിർമ്മിക്കുന്ന ഈ ചിത്രത്തിന്റെ ട്രൈലെർ കുറച്ചു ദിവസങ്ങൾക്കു മുൻപ് പുറത്തിറങ്ങുകയും മികച്ച പ്രേക്ഷകാഭിപ്രായം നേടി എടുക്കുകയും ചെയ്തിരുന്നു. അതുപോലെ തന്നെ ഈ ചിത്രത്തിന്റെ പോസ്റ്ററുകളും ശ്രദ്ധിക്കപ്പെട്ടിരുന്നു. കഴിഞ്ഞ ദിവസം ഓഡിയോ ലോഞ്ച് കഴിഞ്ഞ ഈ ചിത്രത്തിലെ ആദ്യത്തെ സോങ് വീഡിയോ ഇന്ന് റിലീസ് ചെയ്തു.

വിശാൽ ഭരദ്വാജ് ഈണമിട്ട തന്ന താനേ മുങ്ങി പൊങ്ങി എന്ന മനോഹരമായ ഗാനത്തിന് മിഴിവേകുന്നത് കെ യു മോഹനൻ ഒരുക്കിയ ദൃശ്യങ്ങൾ ആണ്. രണ്ടു പേരും ബോളിവുഡിൽ തങ്ങളുടെ കഴിവ് തെളിയിച്ച പ്രതിഭകൾ ആണ്. വിശാൽ ഭരദ്വാജ് ഇതിനു മുൻപ് മലയാളത്തിൽ സംഗീത സംവിധാനം നിർവഹിച്ചത് വേണു തന്നെ ഒരുക്കിയ ദയ എന്ന ചിത്രത്തിന് വേണ്ടിയാണു. ബോളിവുഡിലെ ബിഗ് ബജറ്റ് ചിത്രങ്ങളുടെ ക്യാമറാമാൻ ആണ് കെ യു മോഹനൻ. മമത മോഹൻദാസ് ആണ് ഈ ചിത്രത്തിലെ നായികാ വേഷത്തിൽ എത്തിയിരിക്കുന്നത്. ഇവർക്ക് പുറമെ മണികണ്ഠൻ ആചാരി, സൗബിൻ ഷാഹിർ, ദിലീഷ് പോത്തൻ , ഷറഫുദ്ധീൻ, നെടുമുടി വേണു, വിജയ രാഘവൻ എന്നിവരും ഈ ചിത്രത്തിൽ അഭിനയിക്കുന്നു.

Did you find apk for android? You can find new Free Android Games and apps.
Share.

About Author

mm