പേര് കൊണ്ട് തന്നെ പ്രേക്ഷക ശ്രദ്ധ നേടിയെടുത്തു കൊണ്ടിരിക്കുന്ന ചിത്രമാണ് വേലക്കാരിയായിരുന്നാലും നീയെൻ മോഹവല്ലി. രാഹുൽ മാധവ് നായക വേഷത്തിലെത്തുന്ന ഈ ചിത്രം സംവിധാനം ചെയ്തിരിക്കുന്നത് ഗോവിന്ദ് വരാഹ ആണ്. തെലുങ്കിലെ പ്രശസ്ത സംവിധായകനായ ഗോവിന്ദ് വരാഹ മലയാളത്തിൽ ആദ്യമായി ഒരുക്കിയിരിക്കുന്ന ഈ ചിത്രം നിർമ്മിച്ചിരിക്കുന്നത് ജി വി ആർ പ്രൊഡക്ഷൻസിന്റെ ബാനറിൽ ജി രാജു ബാബു ആണ്. സംവിധായകൻ തന്നെ തിരക്കഥ രചിച്ച ഈ ചിത്രത്തിന് സംഭാഷണങ്ങൾ ഒരുക്കിയത് മുരളി കൃഷ്ണ, പ്രശാന്ത് അലക്സാണ്ടർ എന്നിവർ ചേർന്നാണ്. ഈ ചിത്രത്തിന്റെ പോസ്റ്റെർസ്, ലൊക്കേഷൻ വീഡിയോ, ഒരു ഗാനം എന്നിവ പ്രേക്ഷക ശ്രദ്ധ നേടിയെടുത്തിരുന്നു. ഇപ്പോഴിതാ ചിരിയും പ്രണയവും നിറച്ച ഈ ചിത്രത്തിന്റെ ഒഫീഷ്യൽ ടീസറും റിലീസ് ചെയ്തു കഴിഞ്ഞു. രസകരമായ ടീസറിൽ ജഗതി ചേട്ടന്റെ ആ പ്രശസ്തമായ ഡയലോഗ് മുഴങ്ങി കേൾക്കാം എന്നതും ഇതിന്റെ പ്രത്യേകതയാണ്.
ഇതൊരു പക്കാ റൊമാന്റിക് കോമഡി ചത്രമായിരിക്കും എന്നാണ് ടീസർ നൽകുന്ന സൂചന. അധികം വൈകാതെ തീയേറ്ററുകളിൽ എത്താൻ പോകുന്ന ഈ ചിത്രത്തിൽ മധു, റിസ ബാവ, നീന കുറുപ്പ്, അസീസ്, പ്രശാന്ത് അലക്സാണ്ടർ, ഗായത്രി മയൂര, ദിശിനി, ദിലീപ്, അർജുൻ എന്നിവരും പ്രധാന വേഷങ്ങളിൽ അഭിനയിച്ചിരിക്കുന്നു. ശ്രവ്യ ആണ് ഈ ചിത്രത്തിലെ നായികാ വേഷം അവതരിപ്പിക്കുന്നത്. കൃഷ്ണ സാഗർ ദൃശ്യങ്ങൾ ഒരുക്കിയ ഈ ചിത്രം എഡിറ്റ് ചെയ്തിരിക്കുന്നത് സിയാൻ ശ്രീകാന്തും അതുപോലെ സംഗീതം പകർന്നിരിക്കുന്നത് വിശ്വജിത്തും ആണ്. ഒരു പെൺകുട്ടിയുടെ ജീവിതം പ്രണയത്തിനു മുൻപും അതിനു ശേഷവും എങ്ങനെ ആണെന്ന് പറയുന്ന ഈ ചിത്രം കുടുംബ ബന്ധങ്ങളുടെ അടുപ്പവും അകൽച്ചയും ഒക്കെ ചർച്ച ചെയ്യുന്നുണ്ട് എന്നാണ് റിപ്പോർട്ടുകൾ പറയുന്നത്.
