Saturday, September 22

ഇന്ത്യൻ സിനിമയിലെ ഏറ്റവും വലിയ ചിത്രത്തിന് കിടിലൻ ഫാൻ മേഡ് മോഷൻ പോസ്റ്റർ; രണ്ടാമൂഴം മോഷൻ പോസ്റ്റർ സൂപ്പർ ഹിറ്റ്..!

Google+ Pinterest LinkedIn Tumblr +
Want create site? Find Free WordPress Themes and plugins.

ഇന്ത്യൻ സിനിമയിലെ ഏറ്റവും വലിയ ചിത്രമായി ഒരുങ്ങാൻ പോകുന്ന ചലച്ചിത്ര വിസ്മയം ആണ് കമ്പ്ലീറ്റ് ആക്ടർ മോഹൻലാൽ നായകനായി എത്തുന്ന രണ്ടാമൂഴം. ഒടിയൻ എന്ന മോഹൻലാൽ ചിത്രം ഇപ്പോൾ സംവിധാനം ചെയ്തു കൊണ്ടിരിക്കുന്ന വി എ ശ്രീകുമാർ മേനോൻ, ഇതിഹാസ സാഹിത്യകാരനായ എം ടി വാസുദേവൻ നായരുടെ തിരക്കഥയെ അടിസ്ഥാനപ്പെടുത്തി സംവിധാനം ചെയ്യാൻ പോകുന്ന ഈ ചിത്രം ആയിരം കോടി മുതൽ മുടക്കിൽ ബി ആർ ഷെട്ടി ആണ് നിർമ്മിക്കുക. അടുത്ത വർഷം ആദ്യം ആണ് രണ്ടു ഭാഗങ്ങൾ ആയി നിർമ്മിക്കുന്ന ഈ ചിത്രം ഷൂട്ട് തുടങ്ങുക. പക്ഷെ ഇപ്പോൾ തന്നെ ആരാധകരുടെ ആവേശവും പ്രതീക്ഷയും വാനോളമാണ്. ആരാധകർ ഉണ്ടാക്കുന്ന പോസ്റ്ററുകളും മോഷൻ വീഡിയോകളും വമ്പൻ ശ്രദ്ധയാണ് നേടുന്നത്. ഇന്നലെ ആണ് രണ്ടാമൂഴത്തിന്റെ പുതിയ ഫാൻ മേഡ് മോഷൻ പോസ്റ്റർ സോഷ്യൽ മീഡിയയിൽ എത്തിയത്. ഒറിജിനൽ മോഷൻ പോസ്‌റ്ററുകളെ വെല്ലുന്ന തരത്തിലുള്ള ഒരു കിടിലൻ ഐറ്റം ആണ് ഇന്നലെ വന്ന ഫാൻ മേഡ് മോഷൻ പോസ്റ്റർ എന്ന് പറയാം.

വായിച്ച കാലംതൊട്ട് മനസ്സിൽ മഹാമേരുവായി മാറിയ കഥാപാത്രം.. ഭീമന് ജീവൻ കൊടുക്കുന്നത് ലാലേട്ടനെന്നറിഞ്ഞപ്പോൾ പ്രതീക്ഷകൾക്ക് ചിറകുവെച്ചു. അതുകൊണ്ട് തന്നെ ഈ മോഷൻ പോസ്റ്റർ ഒരുക്കുമ്പോള്‍ ആവേശമായിരുന്നു. ലാലേട്ടന്റെ കയ്യും മെയ്യുമാക്കാൻ പോസ് ചെയ്തു തന്ന Szai Kiranന് നന്ദി.. സ്നേഹപൂർവ്വം ലാലേട്ടന്..😍😘 Mohanlal V A Shrikumar Menon M T Vasudevan Nair A.R. Rahman

Posted by Sijil Sivadas on Monday, March 5, 2018

മോഹൻലാലിൻറെ ശബ്ദത്തിലുള്ള ഡയലോഗുകൾ ഉൾപ്പെടുത്തിയാണ് ഈ മോഷൻ പോസ്റ്റർ എത്തിയിരിക്കുന്നത്. ഭീമ സേനനായി മോഹൻലാൽ അഭിനയിച്ച ഛായാമുഖി എന്ന നാടകത്തിൽ നിന്നാണ് ഇതിലെ ഡയലോഗുകൾ എടുത്തത് എന്നാണ് റിപ്പോർട്ടുകൾ പറയുന്നത് . സിജിൽ ശിവദാസ് എന്ന വ്യക്തിയാണ് ഈ മോഷൻ പോസ്റ്റർ ഉണ്ടാക്കിയത്. ഏതായാലും ഇത് റിലീസ് ചെയ്ത നിമിഷം മുതൽ സോഷ്യൽ മീഡിയയിൽ തരംഗമായി കഴിഞ്ഞു. മോഹൻലാൽ ആരാധകരും സിനിമാ പ്രേമികളുമെല്ലാം ഒരേ ആവേശത്തോടെയാണ് ഈ മോഷൻ പോസ്റ്റർ ഏറ്റെടുത്ത്. ഗംഭീര വർക്ക് എന്ന ഒരേ അഭിപ്രായം ആണ് എല്ലാവരും ഇതിനെ കുറിച്ച് പങ്കു വെക്കുന്നത്. ഏതായാലും ഇതെല്ലാം കാണിക്കുന്നത് ഈ ചിത്രത്തിനായി എന്തുമാത്രം പ്രതീക്ഷയോടെയാണ് ഏവരും കാത്തിരിക്കുന്നത് എന്നാണ്. മോഹൻലാലിനൊപ്പം ഇന്ത്യൻ സിനിമയിലെയും ഹോളിവുഡിലെയും വരെ സൂപ്പർ താരങ്ങൾ ഈ ചിത്രത്തിൽ ഉണ്ടാകും എന്നാണ് റിപ്പോർട്ടുകൾ പറയുന്നത്.

Did you find apk for android? You can find new Free Android Games and apps.
Share.

About Author

mm