ഇന്ദ്രൻസിനു മികച്ച നടനുള്ള സംസ്ഥാന അവാർഡ് നേടിക്കൊടുത്ത ആളൊരുക്കം പുതിയ ടീസറിന് വമ്പൻ വരവേൽപ്പ്..!

Advertisement

പ്രശസ്ത ഹാസ്യ നടനായ ഇന്ദ്രൻസ് കഴിഞ്ഞ കുറച്ചു വർഷങ്ങളായി ഒരു നടനെന്ന നിലയിൽ ചെയ്യുന്ന കഥാപാത്രങ്ങൾ ഓരോന്നും നമ്മളെ വിസ്മയിപ്പിക്കുകയാണ്. ഈ പ്രതിഭയുടെ കഴിവുകളെ ചൂഷണം ചെയ്യുന്ന കഥാപാത്രങ്ങൾ ഇപ്പോൾ ഇദ്ദേഹത്തെ തേടിയെത്തുന്നുണ്ട് എന്ന് തന്നെ പറയണം. അങ്ങനെ ഇന്ദ്രൻസ് എന്ന ഈ ഗംഭീര നടൻ അർഹിച്ച അംഗീകാരവും കഴിഞ്ഞ ദിവസം അദ്ദേഹത്തെ തേടിയെത്തി. ആളൊരുക്കം എന്ന ചിത്രത്തിലെ വിസ്മയിപ്പിക്കുന്ന പ്രകടനത്തിന് മികച്ച നടനുള്ള കേരളാ സംസ്ഥാന അവാർഡ് ഇന്ദ്രൻസിന്റെ തേടിയെത്തി. മത്സരിക്കാൻ ഒപ്പമുണ്ടായിരുന്നവരെ എല്ലാം കാതങ്ങൾ പിന്നിലാക്കിയാണ് അദ്ദേഹം ഈ പുരസ്‍കാരം നേടിയെടുത്തത്. ഇപ്പോഴിതാ അദ്ദേഹത്തിന് അവാർഡ് നേടി കൊടുത്ത ആളൊരുക്കം എന്ന ചിത്രത്തിന്റെ പുതിയ ടീസർ പുറത്തു വന്നിരിക്കുകയാണ്. ഗംഭീര സ്വീകരണമാണ് പ്രേക്ഷകർ ഇപ്പോൾ ഈ ടീസറിന് നൽകുന്നത് എന്ന് പറയാം.

Advertisement

ജോളിവൂഡ്‌ ഫിലിമ്സിന്റെ ബാനറിൽ ജോളി ലോനപ്പൻ നിർമ്മിച്ച ഈ ചിത്രം രചിച്ച് സംവിധാനം ചെയ്തത് നവാഗതനായ വി സി അഭിലാഷ് ആണ്. പപ്പു പിഷാരടി എന്ന കഥാപാത്രത്തെയാണ് ഇന്ദ്രൻസ് ഈ ചിത്രത്തിലൂടെ അനശ്വരമാക്കിയത്. സാംലാൽ പി തോമസ് ദൃശ്യങ്ങൾ ഒരുക്കിയ ഈ ചിത്രത്തിന് സംഗീതം പകർന്നിരിക്കുന്നത് റോണി റാഫേൽ ആണ്. വിഷ്ണു കല്യാണി എഡിറ്റ് ചെയ്തിരിക്കുന്ന ഈ ചിത്രം സ്വന്തം മകനെ അന്വേഷിച്ച അലയുന്ന ഒരു അച്ഛന്റെ കഥയാണ് നമ്മളോട് പറയുന്നത്. ഇന്ദ്രൻസിനു പുറമെ ശ്രീകാന്ത് മേനോൻ, വിഷ്ണു അഗസ്ത്യ, അലിയാർ , സീതാബാല , ബേബി ത്രയ, ഷാജി ജോൺ, സജിത്ത് നമ്പ്യാർ , ബെന്നി തുടങ്ങി ഒട്ടേറെ അഭിനേതാക്കൾ ഈ ചിത്രത്തിൽ അഭിനയിച്ചിട്ടുണ്ട്. ഈ ചിത്രം തീയേറ്ററുകളിൽ എത്താനുള്ള കാത്തിരിപ്പിലാണ് പ്രേക്ഷകരിപ്പോൾ.

Advertisement

Copyright © 2017 onlookersmedia.

Press ESC to close